សុខភាព - អប់រំ សុខភាព

01/11/2021 - 09:48

សុកត្រាំង ជំរុញការងារបង្ការប្រឆាំងជំងឺ COVID-១៩

យោងតាមមជ្ឈមណ្ឌលចង្អុលការបង្ការ ប្រឆាំងជំងឺ COVID-១៩ គិតមកដល់ពាក់កណ្តាលខែតុលា ខេត្តសុកត្រាំង មានអ្នកឆ្លងជំងឺ COVID-១៩ ចំនួន ៣.៣៣៨ នាក់ ក្នុងនោះ ព្យាបាលជាសះស្បើយ ១.៣៣១ នាក់ បាត់បង់ជីវិត ២៧ នាក់ ក្រៅពីនោះកំពុងសម្រាកព្យាបាល។ ខេត្តមានមូលដ្ឋានធ្វើចត្តាឡីស័កប្រមូលផ្តុំចំនួន ៣០៩ កំពុងធ្វើចត្តាឡីស័កជាង ១៥.៧០០ នាក់; មានមូលដ្ឋានទទួលស្នាក់នៅ ២៨ កន្លែងព្យាបាលអ្នកជំងឺ F0 ដោយមានចំនួនគ្រែ ២.៣៤៧ ក្នុងនោះ ថ្នាក់ខេត្តមាន ៧២០ គ្រែ ថ្នាក់ស្រុកមាន ១.៦២៧ គ្រែ និងបង្កើតមន្ទីរពេទ្យបណ្តោះអាសន្នបន្ថែម ៣ ទៀត ដោយមានចំនួនគ្រែ ១.០០០ បង្កើនចំនួនគ្រែ សរុប ៣.៣៤៧ គ្រែសម្រាប់ព្យាបាលអ្នកជំងឺ COVID-១៩ និងធ្វើការព្យាបាលតាមគំរូប៉ម ៣ ជាន់។ ខេត្តសុកត្រាំង បានទទួលវ៉ាក់សាំងចំនួន ៧៤១.៧២០ ដូស ចាក់បាន ៥៨៩.៣៧៤ នាក់។ ប្រជាជន (មានអាយុពី ១៨ ឆ្នាំឡើង) បានចាក់វ៉ាក់សាំងដូសទី ១ សម្រេចអត្រាជាង ៦៣,៦៨% ចាក់ដូសទី ២ សម្រេចអត្រា ៥%។

ក្រុមការងាររបស់ប្រធានគណៈកម្មាធិការប្រជាជនក្រុងហូជីមិញ ចុះមកចែករំលែកបទពិសោធន៍និងជំនួយធនធានមនុស្ស បរិក្ខារពេទ្យបង្ការប្រឆាំងជំងឺ COVID-១៩ ដល់ខេត្តសុកត្រាំង។

តាមប្រសាសន៍លោកត្រឹងវ៉ាន់ខាយ នាយករងមន្ទីរសុខាភិបាលខេត្តសុកត្រាំង ក្នុងរយៈពេលខ្លី ខេត្តមានប្រជាជនមកពីក្រុងហូជីមិញ ខេត្តប៊ិញយឿង ខេត្តឡុងអាង។ល។ វិលមកស្រុកកំណើតជាង ៤៣.០០០ នាក់។ ហេតុនោះ មូលដ្ឋានធ្វើចត្តាឡីស័កប្រមូលផ្តុំហួសចំណុះ បុគ្គលិកសុខាភិបាលមិនអាចឆ្លើយតបតម្រូវការបង្ការប្រឆាំងជំងឺរាលដាលក្នុងកម្រិតខ្ពស់; សមត្ថភាពព្យាបាលអ្នកជំងឺ F0 នៅតាមមន្ទីរពេទ្យថ្នាក់ស្រុកនៅមានកម្រិត; ការណែនាំប្រើប្រាស់ថ្នាំប្រឆាំងមេរោគនៅមានភាពទញ់ទ័ល មិនទាន់មានការណែនាំច្បាស់លាស់។ល។ ចំពោះការលំបាកនោះ ក្រុងហូជីមិញ បានជំនួយដល់ខេត្តបានទាន់ពេលអំពីប្រភពធនធានមនុស្ស បំពាក់សម្ភារៈបរិក្ខារពេទ្យ ផលិតផល ជីវសាស្រ្ត អុកស៊ីសែន ថង់ថ្នាំ គ្រែអ្នកជំងឺ វ៉ាក់សាំង និងថ្នាំសម្រាប់ព្យាបាលជំងឺ COVID -១៩។ ទន្ទឹមនឹងនោះ ជំនួយក្នុងការត្រួតពិនិត្យ វាយតម្លៃការងារបង្ការប្រឆាំងជំងឺ COVID-១៩ របស់ខេត្ត។

លោកផាងវ៉ាន់ម៉ាយ អនុលេខាប្រចាំការនៃគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងហូជីមិញ ចែករំលែក៖ “សំខាន់បំផុតគឺត្រូវផ្គត់ផ្គង់អុកស៊ីសែនដល់អ្នកជំងឺឱ្យបានគ្រប់គ្រាន់ ត្រូវមានបំពង់អុកស៊ីសែនប្រភេទតូច និងប្រព័ន្ធសង្គ្រោះបន្ទាប់ឆាប់ដល់ ផ្ទះ; ត្រូវបង្កើតក្រុមប្រតិកម្មរហ័ស ដើម្បីពួកគាត់សហការជាមួយនឹងមូលដ្ឋានសុខាភិបាល ជិតបំផុតជួយអ្នកជំងឺបានទាន់ពេលក្នុងការព្យាបាលជំងឺ COVID-១៩។ ពិសេស ត្រូវប្រើប្រាស់ថ្នាំសម្រាប់ព្យាបាលជំងឺ COVID-១៩ តាមការណែនាំរបស់ក្រសួងសុខាភិបាលដល់អ្នកជំងឺមានរោគសញ្ញាស្រាល ដើម្បីកាត់បន្ថយការប្រែប្រួលទៅជាធ្ងន់។ កាត់បន្ថយការធ្វើចត្តាឡីស័កប្រមូលផ្តុំ គឺឱ្យអ្នក F1 ធ្វើចត្តាឡីស័កនៅផ្ទះ ដើម្បីចៀសវាងការឆ្លងបន្ត; កំណត់ ព្រំខណ្ឌឆាប់រហ័ស ធ្វើតេស្តរហ័សកន្លែងផ្ទុះជំងឺ ដើម្បីកាត់បន្ថយការឆ្លងរាលដាលក្នុងសហគមន៍។ តាមអនុសាសន៍របស់ក្រុមអ្នកវិទ្យាសាស្រ្ត យុទ្ធសាស្រ្តដែលសំខាន់និងមានប្រសិទ្ធភាពបំផុត គឺការចាក់វ៉ាក់សាំង និងការប្រើប្រាស់ថ្នាំសម្រាប់ព្យាបាល COVID-១៩ ឱ្យបានឆាប់បំផុត”៕

លីធាន-វិមាន

ចែករំលែកអត្ថបទ

ពាក្យគន្លឹះ