សុខភាព - អប់រំ សុខភាព

23/08/2021 - 07:45

កិច្ចការ ១០យ៉ាង ត្រូវធ្វើនិងជៀសវាងមុនពេលចាក់វ៉ាក់សាំងបង្ការជំងឺ COVID-១៩

ចំពោះការប្រែប្រួលយ៉ាងស្មុគស្មាញនៃជំងឺ COVID-១៩ នៅប្រទេសជាច្រើន ក្នុងនោះក៏មានវៀតណាមផងដែរ ការចាក់វាំក់សាំងបង្ការជំងឺ COVID-១៩ កំពុងបានពន្លឿនល្បឿន។ ក្នុងពេលរង់ចាំដល់វេនចាក់វ៉ាក់សាំងបង្ការជំងឺ COVID-១៩ មិត្តគប្បីអនុវត្តនូវកិច្ចការ ១០ យ៉ាងដូចតទៅ៖

គួរចាក់វ៉ាក់សាំងបង្ការកាន់តែឆាប់កាន់តែល្អ គ្រប់ប្រភេទវ៉ាក់សាំង ដែលមាន
ស្រាប់នៅតាមភូមិភាគ ដើម្បីបង្កភាពសុាំក្នុងសហគមន៍។

១.ត្រៀមព័ត៌មាន ឯកសារបញ្ជាក់ពីអាយុនិងការងាររបស់ខ្លួន។ រាយការណ៍ព័ត៌មានផ្ទាល់ខ្លួនលើកម្មវិធីបញ្ជីសុខភាពអេឡិចត្រូនិក ពេលមានសំណូមពររបស់ស្ថាប័នសមត្ថកិច្ច។

២.ត្រៀមឯកសារនិងសំបុត្រស្នាមទាក់ទងនឹងសុខភាពរបស់មិត្ត។ បើសិនមិត្តមានជំងឺបេះដូង ទឹកនោមផ្អែម ជំងឺតម្រងនោមរុាំរ៉ៃ ធាត់លើសទម្ងន់ ប្រតិកម្មថ្នាំ។ល។ ត្រូវបង្ហាញ ភស្តុតាងបញ្ជាក់ថា អ្នកកើតជំងឺនោះ និងគួរពិគ្រោះជាមួយវេជ្ជបណ្ឌិតមុនពេលចាក់វ៉ាក់សាំង។

៣.ជៀសវាងប្រើ steroid មុនពេលចាក់វ៉ាក់សាំង៖ មិនគួរប្រើថ្នាំ steroid មួយសប្តាហ៍មុន ក្នុងនិងក្រោយពេលចាក់វ៉ាក់សាំង ពីព្រោះ steroid បង្កសម្ពាធខ្លាំងដល់ដំណើរការរលាក និងអាចធ្វើឱ្យប្រព័ន្ធភាពសុាំក្នុងរាងកាយចុះខ្សោយ នាំឱ្យកាត់បន្ថយការទទួលនូវវ៉ាក់សាំង បង្ការជំងឺ COVID-១៩។ មិត្តត្រូវជូនដំណឹងអំពីផែនការចាក់វ៉ាក់សាំងបង្ការជំងឺ COVID-១៩ ឱ្យវេជ្ជបណ្ឌិតព្យាបាលជំងឺរបស់អ្នក។

៤.ទៅចាក់វ៉ាក់សាំងត្រូវថ្ងៃនិងពេលវេលាដែលបានកំណត់ និងត្រូវគោរពអនុវត្តតាមសារ ៥K នៅកន្លែងចាក់វ៉ាក់សាំងបង្ការ។

៥.មិនប្រើថ្នាំបំបាត់ការឈឺចាប់មុនពេលចាក់វ៉ាក់សាំង៖ ថ្នាំបំបាត់ការឈឺចាប់ដែលគ្មានវេជ្ជបញ្ជា ដូច៖ ibuprofen ឬក៏ non-steroide អាចកាត់បន្ថយប្រសិទ្ធភាពនៃវ៉ាក់សាំង។

៦.បំពេញជាតិទឹកក្នុងរាងកាយឱ្យបានគ្រប់គ្រាន់៖ ទឹកអាចគ្រប់គ្រងនិងទប់ស្កាត់ការធ្វើទុក្ខដែលវ៉ាក់សាំង COVID -១៩ បង្កឡើង។

៧.មិនត្រូវផឹកស្រាបៀមុននិងនៅថ្ងៃចាក់វ៉ាក់សាំងបង្ការ។

៨.ស្លៀកពាក់សមស្របដើម្បីងាយស្រួលដល់ការចាក់ថ្នាំ (ងាយស្រួលចាក់នៅស្បែកដៃខាងលើរបស់អ្នក)។

៩.គួរចាក់នៅដៃឆ្វេង៖ បង្ការករណីមិត្តឈឺត្រង់កន្លែងចាក់ថ្នាំឬពិបាកកម្រើកដៃ។ ដៃស្តាំ អាចជួយមិត្តធ្វើកិច្ចការប្រចាំថ្ងៃ។

១០.ម្ចាស់ការស្វែងយល់ច្បាស់លាស់ពីព័ត៌មានប្រតិកម្មបន្ទាប់បន្សំនៃវ៉ាក់សាំងមុនពេលចាក់។ បន្ទាប់ពីចាក់វ៉ាក់សាំងរួចត្រូវរង់ចាំតិចបំផុត ៣០ នាទី ដើម្បីមើលថា តើមានប្រតិកម្មធ្ងន់ធ្ងរឬផលប៉ះពាល់អ្វីខ្លះបន្ទាប់ពីការចាក់ឬទេ។ បើសិនមានសញ្ញាអ្វីមួយកើតឡើង គួរជូនដំណឹងទៅវេជ្ជបណ្ឌិតនៅកន្លែងចាក់វ៉ាក់សាំងភ្លាម។ មិត្តត្រូវរក្សាទុកលិខិតបញ្ជាក់ពីការចាក់វ៉ាក់សាំងបង្ការជំងឺ COVID-១៩។ មិនគួរបើកបរភ្លាមបន្ទាប់ពីចាក់វ៉ាក់សាំងរួច ដើម្បីបង្ការសភាពការណ៍ចៃដន្យ។ មិនត្រូវលាបឬបិទថ្នាំអ្វីផ្សេងៗនៅលើស្នាមចាក់។ កត់ត្រាឈ្មោះ អាសយដ្ឋាន លេខទូរស័ព្ទរបស់វេជ្ជបណ្ឌិត អ្នកតាមដាននិងមូលដ្ឋានសុខាភិបាល បង្ការពេលមានត្រូវការទាកទង់ជាបន្ទាន់៕

យោង៖ ncov.moh.gov.vn-មុនី

ចែករំលែកអត្ថបទ

ពាក្យគន្លឹះ