តាមគណៈជនជាតិក្រុងកឹងធើ ក្រុងបានផ្សព្វផ្សាយនិងសម្រេចបានលទ្ធផលមួយចំនួនក្នុងការអនុវត្តគម្រោងអនុវត្តគោលនយោបាយដាច់ដោយឡែក សម្រាប់ឧបត្ថម្ភអភិវឌ្ឍសេដ្ឋកិច្ច-សង្គម តំបន់ជនជាតិភាគតិចដំណាក់កាល ២០១៧ – ២០២០ (គម្រោង)។
![ក្រុងកឹងធើ៖ គ្រួសារជនជាតិភាគតិចជាច្រើន បានទទួលផលពីគោលនយោបាយឧបត្ថម្ភ អភិវឌ្ឍសេដ្ឋកិច្ច-សង្គមតំបន់ជនជាតិភាគតិច](https://baocantho.com.vn/image/fckeditor/upload/2021/20210719/images/khmer/22.jpg)
ផ្តើមពីប្រាក់ដើមទុនឧបត្ថម្ភ គ្រួសារជនជាតិខ្មែរជាច្រើននៅស្រុកកើ-ដ ពង្រីកការចិញ្ចឹមសត្វ ដើម្បីបង្កើនប្រាក់ចំណូល។
ឆ្លងតាមរយៈនោះ អំពីការឧបត្ថម្ភដីសង់ផ្ទះ មកទល់ពេលនេះ ក្រុងបានឧបត្ថម្ភដីធារ និងសង់ផ្ទះបានចំនួន ៣៦/១១៥ ខ្នង ក្នុងនោះ (ស្រុកកើ-ដ ៣០ ខ្នង និងខណ្ឌនិញកេវ ៦ ខ្នង) ផ្តល់ជូនគ្រួសារជនជាតិភាគតិច គិតជាតម្លៃទឹកប្រាក់សរុបជាង ២,២ ពាន់លានដុង។ រីឯ ៧៩ ធារផ្ទះដទៃពីនោះ ក្រុងនឹងប្រគល់ឱ្យទៅគម្រោងប្លង់ដែលអភិវឌ្ឍសេដ្ឋកិច្ច-សង្គម តំបន់ជនជាតិភាគតិច ដំណាក់កាល ២០២១ - ២០៣០។ ក្នុងការអនុវត្តវត្តគម្រោង ក្រុងក៏បានឧបត្ថម្ភប្រាក់កម្ចីដើម្បីបង្កើតការងារធ្វើ និងប្តូរមុខរបរជូនជនជាតិភាគតិចក្រីក្រ ៨២ គ្រួសារ ជាមួយដើមទុនអនុវត្តជាង ៣,១ ពាន់លានដុង។ ក្រៅពីគ្រួសារជនជាតិភាគតិចត្រូវបានឧបត្ថម្ភកម្ចីប្រាក់ដើមទុនពីគម្រោង លុះមកទល់ថ្ងៃ ៣១ ខែសីហា ឆ្នាំ ២០២០ ក្រុងមានជនជាតិភាគតិចជាង ៣.០១០ គ្រួសារ បានកម្ចីប្រាក់ដើមទុនពីកម្មវិធីឱ្យកម្ចីឥណទានពីធនាគារគោលនយោបាយសង្គមប្រមាណ ៦៦,៥ ពាន់លានដុង។ គ្រួសារដែលបុលទុននេះ ភាគច្រើនគឺជនរួមជាតិខ្មែរ ចំនួនគ្រួសារដែលបុលគឺ ២.៨៨៣ គ្រួសារ សរុបទឹកប្រាក់ជាង ៦២ ពាន់លានដុង។ ក្រៅពីនេះ ក្រុងថែមទាំងសម្រេចបានទិសដៅនៃការផ្គត់ផ្គង់ទឹកស្អាតប្រើប្រាស់ជូន ១០៥ គ្រួសារ ដែលជាមុខសញ្ញាទទួលផលរបស់គម្រោង៕
ថាញឡុង-លីសៀ