គោលនយោបាយ -ការរស់នៅ គោលនយោបាយ

22/06/2021 - 09:04

ចូរប្រយ័ត្នការហៅទូរស័ព្ទក្លែងបន្លំជាក្រុមហ៊ុនអគ្គិសនីដើម្បីបោកប្រាស់

សម្ព័ន្ធក្រុមហ៊ុនអគ្គិសនីវៀតណាម (EVN) បានឱ្យដឹង ចាប់ពីដើមខែឧសភាដល់ដើមខែមិថុនា ឆ្នាំ ២០២១ ទទួលបានការប្រតិកម្មពីអតិថិជនរាប់រយករណី តាមរយៈសេវាបម្រើអតិថិជន គឺមានលេខទូរស័ព្ទចម្លែកៗហៅចូលតាងខ្លួនជា “បុគ្គលិកអគ្គិសនី” “បណ្តាញផ្នែកអគ្គិសនី” “អគ្គិសនីវៀតណាម” ដើម្បីសំណូមពរអតិថិជនបង់ថ្លៃអគ្គិសនី ថែមទាំងគំរាមថាកាត់ផ្តាច់អគ្គិសនីបើមិនបង់ថ្លៃ។ ពេលដឹងថាអតិថិជនបានទូទាត់ថ្លៃអគ្គិសនីហើយ មុខសញ្ញាក៏ផ្តាច់ការទាក់ទងភ្លាម។

ជាក់ស្តែង អតិថិជនទទួលបានខ្សែទូរស័ព្ទហៅចូលលេខចម្លែក ជួនកាលលេខក្បាលមិនមែននៅវៀតណាម ហៅចូលដោយនិយាយថា” មិត្តកំពុងប្រើប្រាស់អគ្គិសនីច្រើនខុសពីធម្មតា យើងខ្ញុំនឹងផ្តាច់អគ្គិសនីនៅពេលខាងមុខ សូមចុចលេខ ៩ ជួបជាមួយបុគ្គលិកអគ្គិសនីដើម្បីទទួលបានការពិគ្រោះយោបល់”។ បន្ទាប់ពីចុចលេខ ៩ ស្តាប់សំឡេងដូចជាបុគ្គលិកបណ្តាញ សំណូមពរផ្តល់ឈ្មោះនិងអាសយដ្ឋានដើម្បីត្រួតពិនិត្យ។ បន្ទាប់មក ជននេះបានបន្តការជូនដំណឹងអតិថិជននៅជំពាក់ប្រាក់អគ្គិសនី ថែមទាំងគំរាមថានឹងកសាងសំណុំបែបបទផ្ញើទៅនគរបាល ហើយសំណូមពរឱ្យវេរប្រាក់ចូលលេខគណនីចម្លែកជាបន្ទាន់។

ចំពោះស្ថានភាពការហៅទូរស័ព្ទក្លែងបន្លំជាបុគ្គលិក ផ្នែកអគ្គិសនីកើតមានឡើងទូទាំងប្រទេស សម័្ពន្ធក្រុមហ៊ុនអគ្គិសនីវៀតណាម និងអគ្គក្រុមហ៊ុនអគ្គិសនី បន្តការរំលឹកដល់អតិថិជនប្រើប្រាស់អគ្គិសនី គប្បីលើកកម្ពស់ការប្រុងប្រយ័ត្ន។

បើសិនទទួលបានការហៅចូលក្លែងបន្លំជាបុគ្គលិក “អគ្គិសនី” ឬតាងនាមជា “ក្រុមហ៊ុនអគ្គិសនី” ប៉ុន្តែមិនបានប្រាប់ច្បាស់ឈ្មោះនិងភូមិសាស្រ្តគ្រប់គ្រងរបស់ក្រុមហ៊ុន ឬព័ត៌មានមិនច្បាស់លាស់ទេ អតិថិជនមិនគួរផ្តល់ព័ត៌មានផ្ទាល់ខ្លួន។ ទន្ទឹមនឹងនោះ អតិថិជនគប្បីជូនដំណឹងជាបន្ទាន់ដល់ផ្នែកអគ្គិសនីតាមរយៈសេវាបម្រើអតិថិជន ដើម្បីមានវិធានការចាត់ការបានទាន់ពេល។

ពិសេស រាល់ករណី ផ្នែកអគ្គិសនីផ្តល់អនុសាសន៍ អតិថិជនមិនគួរផ្តល់ព័ត៌មានលេខគណនី លេខសម្ងាត់របស់ខ្លួន ដាច់ខាតកុំទូទាត់ថ្លៃអគ្គិសនីដល់ជនចម្លែក ឬសំណូមពរឱ្យវេរប្រាក់ចូលគណនីឯកជន ដើម្បីចៀសវាងការបោកប្រាស់ កិបកេងទ្រព្យសម្បត្តិ៕

យោង៖nhandan.vn-មុនី

ចែករំលែកអត្ថបទ

ពាក្យគន្លឹះ