07/06/2021 - 16:53

ប្រ​សិទ្ធ​ភាព​ពី​គោល​នយោ​បាយ​ជន​ជាតិ​នៅ​សុក​ត្រាំង​

គម្រោង​ គោល​នយោ​បាយ​ពិសេស​ដោយ​ឡែក​របស់មជ្ឈិម​វិនិ​យោគ​អភិវឌ្ឍ​តំ​បន់​ជន​រួម​ជាតិ​ខ្មែរ​នៅ​ខេត្ត​សុក​ត្រាំង​ បាន​ពង្រីក​ប្រ​សិទ្ធ​ភាព​ ម៉្លោះ​ហើយ​ ជីវ​ភាព​សម្ភារៈ ស្មារតី​របស់​ជន​រួម​ជាតិ​ខ្មែរ​ ត្រូវ​បាន​លើក​ស្ទួយ​។​

ដោយ​បាន​បុល​ទុន​អនុគ្រោះ​ មាមីង​ខ្មែរ​នៅ​ឃុំ​ថាញ់​ក្វើយ មាន​លក្ខណ​សម្បត្តិ​ដាំ​ដំ​ណាំ​ ដើម្បី​បង្កើន​ប្រាក់​ចំណូល។

យោង​តាម​គណៈ​ជន​ជាតិ​ខេត្ត​សុក​ត្រាំង​ ឆ្នាំ ​២០២០ ប្រ​ភព​ទុន​កម្ម​វិធី​ទិស​ដៅ​ជាតិ​កាត់​បន្ថយ​ភាព​ក្រី​ក្រ​ចីរ​ភាព​ ដំ​ណាក់​កាល​ ២០១៦-២០២០ បាន​វិនិ​យោគ​ដល់​ខេត្ត​ជាង​ ៧៣,៦ ពាន់​លាន​ដុង​ ដើម្បី​កសាង​សំ​ណង់​ផ្លូវ​គមនា​គមន៍​ជន​បទ​ចំ​នួន​ ៧៣ សំ​ណង់ អគារ​ប្រ​ជុំ​សហគមន៍​នៅ​ភូមិ​ ឃុំ​លំ​បាក​ខ្លាំង​ចំ​នួន​ ២ ខ្នង​ ឧបត្ថម្ភ​អភិវឌ្ឍ​ផលិត​កម្ម​ ពិពិធ​កម្ម​របរ​រក​ស៊ី​ ពង្រីក​ទម្រង់​កាត់​បន្ថយ​ភាព​ក្រី​ក្រ​ជូន​ប្រ​ជា​ជន​ ១.៣៨៣ គ្រួ​សារ​ រៀប​ចំ​វគ្គ​បណ្តុះ​បណ្តាល​ បំ​ប៉ន​លើក​កម្ពស់​សមត្ថ​ភាព​ជូន​កម្មា​ភិបាល​មូល​ដ្ឋាន​ អ្នក​មាន​ប្រ​ជា​ប្រិយ​បាន ​​២៥ ​វគ្គ​ ដោយ​មាន​អ្នក​ចូល​រួម​ចំ​នួន ​​២.០៩៤ លើក​នាក់។​ ទន្ទឹម​នឹង​នោះ​ ខេត្ត​ក៏​បាន​ឧបត្ថម្ភ​តភ្ជាប់​ទឹក​ស្អាត​ដល់​ប្រ​ជា​ជន ​​២.៨០៨​ គ្រួ​សារ​ សរុប​ថវិកា ​​៤,២​ ពាន់​លាន​ដុង​។​ល។​ អា​ស្រ័យ​គោល​នយោ​បាយ​សុខុមាល​ភាព​សង្គម​ និង​គោល​នយោ​បាយ​ជន​ជាតិ​បាន​ផ្សព្វ​ផ្សាយ​ព្រម​ៗ​គ្នា​ទាន់​ពេល​ បាន​ជួយ​ឱ្យ​មាមីង​ខ្មែរ​រាប់​ពាន់​គ្រួ​សារ​ចាក​ផុត​ពី​ភាព​ក្រី​ក្រ។​ បង​ស្រី​ លីធីអ៊ុក នៅ​ភូមិ​មណ្ឌល​​ ២ ឃុំ​ថាញ់​ភូ ស្រុក​មី​ស្វៀង​ ឱ្យ​ដឹង​៖ “បាន​រដ្ឋ​សង់​ផ្ទះ​ឱ្យ​ ឧបត្ថម្ភ​បុល​ទុន​ ខ្ញុំ​យក​ទៅ​លោះដី​បញ្ចាំ​​ ១ ​កុង​ឡើង​វិញ​ លើក​ចម្ការ​ដាំ​ដំ​ណាំ​ ចិញ្ចឹម​ជ្រូក​មេ ពេល​ទំ​នេរ​ ខ្ញុំ​ឆ្លៀត​ទៅ​ស៊ី​ឈ្នួល​ដើម្បី​រក​ប្រាក់​ចំ​ណូល​បន្ថែម​។​ ក្រោយ​រយៈ​ពេល ​​១០​ ឆ្នាំ​ខិត​ខំ​ធ្វើ​ការ​រក​ស៊ី​ ចាយ​វាយ​ប្រិត​សំ​ចៃ​ សន្សែ​សន្សំ​ជួល​បាន​ដី​ស្រែ​ចំ​នួន​ ១៤ កុង​ សង់​បាន​ផ្ទះ​មួយ​ខ្នង​សម​រម្យ​។​ ចំ​ណែក​កូន​ៗ​មាន​ការ​ងារ​ធ្វើ​លំ​នឹង​នៅ​ក្រុម​ហ៊ុន​ ហេតុ​នេះ​ សមា​ជិក​ក្នុង​គ្រួ​សារ​ខ្ញុំ​រក​បាន​ប្រាក់​ចំ​ណូល​ទាំង​អស់​គ្នា​។​ ជីវ​ភាព​​ធូរ​ធារ​ដូច​សព្វ​ថ្ងៃ​ អា​ស្រ័យ​គោល​នយោ​បាយ​ពិសេស​ដោយ​ឡែក​របស់​រដ្ឋ​ឧបត្ថម្ភ​”។​

ជន​បទ​តំ​បន់​ជន​រួម​ជាតិ​ខ្មែរ​រស់​នៅ​ឃុំ​វៀង​អាង​ កាន់​តែមាន​ភាព​ល្អ​ប្រ​សើរ​។​

ព្រះ​ឧបជ្ឈាយ៍ យឿង​ណេ ព្រះ​ចៅ​អធិ​ការ​វត្ត​សិរី​ឧត្តមប្រ​ជុំ​វង្សា​ (ព្រែក​ត្រកួន​) ឃុំ​ថា​ញ់ក្វើយ មាន​ថេរដី​កា​៖ “គោល​នយោ​បាយ​រដ្ឋ​ឧបត្ថម្ភ​មាមីង​ខ្មែរ​ច្រើន​ណាស់​ ម៉្លោះ​ហើយ​ អា​ត្មា​ភាព​តែង​ដាស់​តឿន​ពុទ្ធ​បរិស័ទ​រស់​នៅ​សាម​គ្គី​ យក​ចិត្ត​ទុក​ដាក់​ធ្វើ​ការ​រក​ទទួល​ទាន​ ដើម្បី​ធ្វើ​មាន​ ធ្វើ​បាន​។​ ប្រៀប​នឹង​ ១០ ឆ្នាំ​មុន​ ឥឡូវ​នេះ​ជីវ​ភាព​ ការ​យល់​ដឹង​របស់​មាមីង​ខ្មែរ​នៅ​ថាញ់​ក្វើយ​មាន​ការ​វិវឌ្ឍន៍​តាម​ទិស​ដៅ​វិជ្ជ​មាន​ ព្រួត​ដៃ​នឹង​រដ្ឋ​អំ​ណាច​កសាង​សំ​ណង់​ជន​បទ​សម្រេច​រួច​រាល់​ ដើម្បី​ឃុំ​សម្រេច​បទ​ដ្ឋាន​ឃុំ​ជន​បទ​ថ្មី​។​ ពិសេស​ ទូទាំង​ឃុំ​ឥឡូវគឺ​ផ្ទះ​ឥដ្ឋ​ទាំង​អស់​ គ្មាន​នៅ​ផ្ទះ​ស្លឹក​ទៀត​ទេ​ ប្រ​ការ​នេះ​សឱ្យ​ឃើញ​ថា​ ជីវ​ភាព​មាមីង​ពុទ្ធ​បរិស័ទ​ខ្មែរ​មាន​ភាព​ល្អ​ប្រ​សើរ​ជាង​មុន​ច្រើន​”។​

លោក​ឡឹម​សុទ្ធ​ ប្រ​ធាន​គណៈ​ជន​ជាតិ​ខេត្ត​សុក​ត្រាំង​ ឱ្យ​ដឹង​៖ “ពេល​ទទួល​ប្រ​ភព​ទុន​ពី​មជ្ឈិម​ ខេត្ត​រៀប​ចំ​បើ​ក​វគ្គ​ហ្វឹក​ហ្វឺន​ជូន​កម្មា​ភិបាល​មូល​ដ្ឋាន​ និង​អ្នក​មាន​ប្រ​ជា​ប្រិយ​ក្នុង​សហ​គមន៍​ជន​រួម​ជាតិ​ខ្មែរ​ ដើម្បី​ធ្វើ​ស្ពាន​តភ្ជាប់​ នាំ​យក​នូវ​គោល​នយោ​បាយ​ផ្សព្វ​ផ្សាយ​ដល់​មាមីង​ខ្មែរ​។​ អា​ស្រ័យ​ហេតុ​នេះ​ គម្រោង​គោល​នយោ​បាយ​ត្រូវ​បាន​ផ្សព្វ​ផ្សាយ​អនុវត្ត​ប្រ​កប​ដោយ​ប្រ​សិទ្ធ​ភាព​ ម៉្លោះ​ហើយ​ជីវ​ភាព​សម្ភារៈ ស្មារតី​មាមីង​ខ្មែរ​ត្រូវ​បាន​លើក​ស្ទួយ​ភូមិ​ស្រុក​កាន់​តែស្រស់​ល្អ​។​ ផ្តើម​ពី​នោះ​ អត្រា​គ្រួ​សារ​ក្រី​ក្រ​ក្នុង​ជន​ជាតិ​ភាគ​តិច​ កាត់​បន្ថយ​នៅ​ ៣,៧៦% ក្នុង​ឆ្នាំ​២០២០”៕​ 

       លីធាន​-មុនី​

 ​ 

ចែករំលែកអត្ថបទ