គោលនយោបាយ -ការរស់នៅ គោលនយោបាយ

24/05/2021 - 14:58

កឹងធើ ពង្រីកប្រសិទ្ធភាពគោលនយោបាយសម្រាប់ជនរួមជាតិភាគតិច

តាមប្រសាសន៍ លោកង្វៀងថាញហ្វា អនុប្រធានគណៈជនជាតិក្រុងកឹងធើ រយៈពេលកន្លង ទោះបីជួបការលំបាកច្រើនដោយសារជំងឺ COVID-១៩ ក៏ពិតមែន ប៉ុន្តែក្រុងកឹងធើអនុវត្តមានប្រសិទ្ធភាពនូវគោលនយោបាយឧបត្ថម្ភដាច់ដោយឡែករបស់រដ្ឋសម្រាប់ជនរួមជាតិភាគតិច។ ផ្តើមពីនោះ ជីវភាពសម្ភារៈនិងស្មារតីរបស់មាមីងខ្មែរកាន់តែរីកចម្រើនពីមួយថ្ងៃទៅមួយថ្ងៃ។

មន្ទីរពេទ្យពហុព្យាបាលហ្វាហាវ-Medic កឹងធើ ពិនិត្យព្យាបាលជំងឺដោយឥតគិតថ្លៃជូនមាមីងខ្មែរនៅកឹងធើនាឱកាសបុណ្យចូលឆ្នាំថ្មីឆ្នាំ ២០២១ ។

គិតដោយឡែកក្នុងឆ្នាំ ២០២០ ក្រុងកឹងធើបានអនុវត្តល្អនូវគោលនយោបាយអំពីលំនៅឋាន ជូនជនរួមជាតិភាគតិច។ ក្នុងនោះ ផ្តល់ដីធារផ្ទះជូនជនជាតិខ្មែរចំនួន ៣៩ គ្រួសារនៅមណ្ឌលតាំងទីលំនៅជនជាតិភាគតិចនៅខណ្ឌអូរម៉ូង ជំនួយសាងសង់ផ្ទះមហាសាមគ្គីនិងផ្ទះមេត្តាធម៌ចំនួន ៤៧ ខ្នង ជូនគ្រួសារជនជាតិភាគតិចក្រលំបាក។ ក្រៅពីនេះ ក្រុងថែមទាំងម្ចាស់ការអនុវត្តល្អនូវកម្មវិធីជំនួយមុខរបររកស៊ី ដើម្បីគ្រួសារជនជាតិភាគតិច បង្កើតទម្រង់ចិញ្ចឹមសត្វ ដាំដុះនិងលក់ដូរជាលក្ខណៈគ្រួសារ។ល។ យោងតាមភាពជាក់ស្តែង ជនរួមជាតិខ្មែរប្រើប្រាស់ប្រភពទុនជំនួយប្រកបមុខរបររកស៊ីបានសមស្រប ម្ល៉ោះហើយ សម្រេចប្រសិទ្ធភាពខ្ពស់។ បងស្រីលីធីទូត្រិញ ប្រធានសមាគមសហព័ន្ធនារីសង្កាត់ត្រឿងឡាក ខណ្ឌអូរម៉ូង ឱ្យដឹង៖ “អាស្រ័យប្រភពទុនជំនួយរបស់រដ្ឋ បានជាសមាជិកជនជាតិខ្មែរលើភូមិសាស្រ្ត បានកសាងទម្រង់លក់ដូរ ជាលក្ខណៈគ្រួសារ ទម្រង់ធ្វើនំប្រពៃណី។ល។ ម្ល៉ោះហើយរកបានប្រាក់ចំណូលលំនឹង។ អាស្រ័យហេតុនោះ មានបងប្អូនខ្លះចាកផុតភាពក្រីក្រ”។ នៅស្រុកកើ-ដ ជនរួមជាតិខ្មែរប្រើប្រាស់ប្រភពទុនជំនួយដើម្បីចិញ្ចឹមគោ ចិញ្ចឹមត្រីផ្ទក់ក្នុងសំណាញ់ ទិញម៉ាស៊ីនបាញ់ថ្នាំស៊ីឈ្នួល។ល។ លោកស្រីង្វៀងធីប៊ិតឡេវ លេខាគណៈកម្មាធិការបក្សឃុំធើយស្វឹង ស្រុកកើ-ដ ឱ្យដឹង៖ “អាស្រ័យគោលនយោបាយជំនួយព្រមៗគ្នាអំពីលំនៅឋាន ជំនួយប្រកបមុខរបររកស៊ី និងហេដ្ឋារចនាសម្ព័ន្ធមូលដ្ឋាន។ល។ ទើបជនរួមជាតិខ្មែរនៅភូមិលំបាកខ្លាំងទាំង ២ របស់ឃុំ គឺភូមិធើយត្រឿង និងធើយត្រឿង ១ មានលក្ខណៈឈានឡើង”។

ក្រៅពីគោលនយោបាយឧបត្ថម្ភដាច់ដោយឡែក ក្រុងកឹងធើនៅទាំងគួបផ្សំកម្មវិធីគម្រោងជាច្រើនសំដៅឧបត្ថម្ភតំបន់ជនជាតិ ម្ល៉ោះហើយ អត្រាគ្រួសារក្រីក្រក្នុងជនរួមជាតិខ្មែរ បានកាត់បន្ថយពីមួយឆ្នាំទៅមួយឆ្នាំ។ ដល់ឆ្នាំ ២០២០ ទូទាំងក្រុងមានគ្រួសារជនជាតិខ្មែរក្រីក្រតែ ៧២ គ្រួសារប៉ុណ្ណោះ។ ជាពិសេស ការអភិរក្សពង្រឹង និងពង្រីកអត្តសញ្ញាណវប្បធម៌ជនជាតិភាគតិច ក៏បានក្រុងកឹងធើយកចិត្តទុកដាក់ តាមរយៈការអនុវត្តសកម្មភាពវប្បធម៌ កីឡាក្នុងឱកាសពិធីបុណ្យផ្សេងៗរបស់ជនរួមជាតិខ្មែរ។ល។ ថ្មីៗនេះ ក្រុងកឹងធើបានរៀបចំជោគជ័យបុណ្យចូលឆ្នាំកងទ័ពប្រជាជនអំណរបុណ្យចូលឆ្នាំថ្មីឆ្នាំ ២០២១ នៅវិទ្យាស្ថានពុទ្ធសាសនាទក្ខិណនិកាយខ្មែរ៕

 ហាថាញ-លីសៀ

ចែករំលែកអត្ថបទ

ពាក្យគន្លឹះ