17/05/2021 - 16:22

ភាព​ចម្រុះ​គ្នា​នៃ​វប្ប​ធម៌​

កាល​ពី​ពាក់​កណ្ដាល​ខែ​មេសា​ ឆ្នាំ​ ២០២១ មាន​មនុស្ស​រាប់​ពាន់​នាក់​បាន​មក​កាន់​វិទ្យា​ស្ថាន​ពុទ្ធ​សាសនា​ខ្មែរ​នៅ​ក្រុង​កឹង​ធើ ដើម្បី​ចូល​រួម​បុណ្យ​ចូល​ឆ្នាំ​កង​ទ័ព​ប្រ​ជា​ជន​ - បុណ្យ​ចូល​ឆ្នាំ​ថ្មី​ប្រ​ពៃណី​ខ្មែរ​ ២០២១ យ៉ាង​កក់​ក្ដៅ​ជាទីបំ​ផុត​។​

 ​ បង​ប្អូន​នា​រីជន​ជាតិ​កិញ ខ្មែរ​ ចិន​ រួម​គ្នា​អនុវត្ត​សម្រេច​វណ្ណ​កម្ម​ចូល​រួម​ប្រ​ឡង​នៅ​ថ្ងៃ​បុណ្យ​ចូល​ឆ្នាំ​ថ្មី​។

ស្ទើរ​គ្រប់​សកម្ម​ភាព​វប្បធម៌​ សិល្បៈ​ កីឡា​អប់​រំកាយ​ ពិនិត្យ​ព្យា​បាល​ជំ​ងឺ​ ដោយ​ឥត​គិត​ថ្លៃ​កសាង​របង​វត្ត​។​ល។​ តែង​មាន​ការ​ចូល​រួម​ទទួល​បន្ទុក​រ​បស់ប្រ​ជា​ជន​នៅ​កឹង​ធើ។​ តួយ៉ាង​ដូច​ពិធី​ប្រ​ឡង​ “រៀប​ស្ពក​សំ​ណែនថ្ងៃ​បុណ្យ​ចូល​ឆ្នាំ​ថ្មី​” មាន​ការ​ចូល​រួម​របស់​បង​ប្អូន​នា​រីនៅ​តាម​ក្រុម​ អនុសង្កាត់​ តំ​បន់​លើ​ភូមិ​សាស្រ្ត​ខ័ណ្ឌ​ ស្រុក​ជា​ដើម​។​  បង​ស្រី​ ង្វៀង​ធី​ថា​ លេខា​សាខា​បក្ស​មណ្ឌល​ប៊ិញ​ឡើយ​ សង្កាត់​ត្រឿង​ឡាក ខ័ណ្ឌ​អូរ​ម៉ូង​ រៀប​រ៉ាប់​៖ “ដើម្បី​ត្រៀម​រៀប​ស្ពក​សំ​ណែន​ចូល​រួម​ប្រ​ឡង​ បង​ប្អូន​នា​រីក្នុង​មណ្ឌល​បាន​ចុះ​ទៅ​ផ្ទះ​បង​ស្រី​យឿង​ធីសាផា ពិគ្រោះ​យោ​បល់​និង​បែង​ចែក​ការ​ងារ​ដល់​សមា​ជិក​ម្នាក់ៗ​។​ អ្នក​ខ្លះ​ជួយ​បង​ស្រី​គឹម​លៀង​ ធ្វើ​ស្លា​ធម៌​ អ្នក​ខ្លះ​ជួយ​បង​ស្រី​សា​ផា ធ្វើ​នំបំ​ពង់​ស្លឹក​តើយ នំខ្ញី​ នំគម។​ល។​ គ្រប់​គ្នា​សាម​គ្គី​ រីក​រាយ​សប្បាយ​ មិន​ប្រ​កាន់​ថា​បុណ្យ​ចូល​ឆ្នាំ​របស់​ជន​ជាតិ​កិញ ឬ​ជន​ជាតិ​ខ្មែរ​នោះ​ទេ​”។​

ជន​រួម​ជាតិ​ខ្មែរ​នៅ​កឹង​ធើរស់​នៅ​លាយ​ឡំ​គ្នា​ នឹង​ជន​រួម​ជាតិ​កិញ ម្ល៉ោះ​ហើយ​រាល់​សកម្ម​ភាព​វប្បធម៌​ សិល្បៈ​។​ល។​ តែង​មាន​ភាព​ចម្រុះ​គ្នា​។​ បង​ស្រី​ឡេ​ធី​ឡាញ់​ នៅ​មណ្ឌល​ប៊ិញ​ឡើយ​ ឱ្យ​ដឹង​៖ “បុណ្យ​ចូល​ឆ្នាំ​ថ្មី​រៀង​រាល់​ឆ្នាំ​ ខ្ញុំ​តែង​ចូល​រួម​វេច​នំ​ជា​មួយ​នឹង​បង​ប្អូន​ក្នុង​ភូមិ​ស្រុក​។​ ផ្ទុយ​មក​វិញ​ដល់​បុណ្យ​ចូល​ឆ្នាំ​ង្វៀង​ដាង បង​ប្អូន​ក៏​មក​ជួយ​ខ្ញុំ​វេច​នំ​អន្សម​ជ្រូក​ នំពុម្ព​ផង​ដែរ​។​ យើង​ខ្ញុំ​និយាយ​សប្បាយ​លេង​ថា​ អា​ស្រ័យ​ផ្ទះ​នៅ​ជិត​គ្នា​ ម្ល៉ោះ​ហើយ​ក្នុង​មួយ​ឆ្នាំ​មាមីង​នៅ​លូទឹក​តាកែវ​ទទួល​អំ​ណរ​បុណ្យ​ចូល​ឆ្នាំ​ដល់​ទៅ​ ២ ដង​”។​

 ស្ពក​សំ​ណែន​ចូល​រួម​ប្រ​ឡង​របស់​មណ្ឌល​ប៊ិញ​ឡើយ​ ត្រូវ​បាន​រៀប​ចំ​យ៉ាង​ហ្មត់​ចត់​។​ ជិត​ដល់​ម៉ោង​មេប្រ​យោគ​ឱ្យ​ពិន្ទុ​ បង​ប្អូន​នា​រីក្នុង​ក្រុម​ប្រាប់​គ្នា​ឱ្យ​ទៅ​ផ្លាស់​សំ​លៀក​បំពាក់​ ដើម្បី​ត្រៀម​ឧទ្ទេស​នាម​ពី​ស្ពក​សំ​ណែន​ជូន​ទស្ស​និក​ជន​ឱ្យ​កាន់​តែ​មាន​ភាព​ល្អ​ស្រស់​ថែម​ទៀត​។​ មាន​អ្នក​ខ្លះ​ពាក់​អាវ​បា​បា អ្នក​ខ្លះ​ទៀត​ស្លៀក​ពាក់​តាម​ប្រ​ពៃណី​ខ្មែរ​យ៉ាង​ស្រស់​ស្អាត​។​

បង​ស្រី​វ៉ធី​ធ្វី​ដង​ ប្រ​ធាន​សមាគម​សហ​ព័ន្ធ​នារី​ខ័ណ្ឌ​អូរម៉ូង​ ឱ្យ​ដឹង​៖ “បង​ប្អូន​នា​រី​នៅ​តាម​សាខា​សមា​គម​សកម្ម​ភាព​សាម​គ្គី​គ្នា​។​ ពេល​ចូល​រួម​ពិធី​ប្រ​ឡង​ បង​ប្អូន​នា​រីរួម​គ្នា​ទទួល​ខុស​ត្រូវ​ គ្មាន​ការ​ប្រ​កាន់​រើស​អើង​អ្វី​ឡើយ​។​ មាន​បង​ប្អូន​នា​រី​ជន​ជាតិ​កិញ​មួយ​ចំ​នួន​ ចេះ​វេច​នំប្រ​ពៃណី​របស់​ជន​ជាតិ​ខ្មែរ​យ៉ាង​ឆ្ងាញ់​ពិសា​។​ ឆ្លង​តាម​រយៈ​សកម្ម​ភាព​វប្ប​ធម៌​ សិល្បៈ​ ពិធី​ប្រ​ឡង​។​ល។​ បណ្តាល​ឱ្យ​បង​ប្អូន​នា​រីកាន់​តែ​យល់​ដឹង​បន្ថែម​អំ​ពី​អត្ត​សញ្ញាណ​វប្បធម៌​របស់​បង​ប្អូន​នា​រីក្នុង​សមា​គម​ ម្ល៉ោះ​ហើយ​កាន់​ជិត​ស្និទ្ធ​ថែម​ទៀត​”៕​

         ហា​ថាញ - ថាច់​ធី

ចែករំលែកអត្ថបទ