សុខភាព - អប់រំ សុខភាព

17/05/2021 - 16:22

កងកម្លាំងប្រដាប់អាវុធយោធភូមិភាគ៩ចូលរួមចាត់តាំងបុណ្យចូលឆ្នាំកងទ័ពប្រជាជនដោយទឹកប្រាក់សរុបជាង ១.០០០ ពាន់លានដុង

ក្នុងរយៈពេល ៥ ឆ្នាំកន្លង កងកម្លាំងប្រដាប់អាវុធយោធភូមិភាគ ៩ បានអនុវត្តនូវបទបញ្ជាលេខ ០៥-CT/TW ចុះថ្ងៃ ១៥ ខែឧសភា ឆ្នាំ ២០១៦ របស់ការិយាល័យនយោបាយ ស្តីពី“ ជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ” ផ្សារភ្ជាប់ជាមួយខ្លឹមសារក្រឹត្យក្រម ៥ យ៉ាងរបស់“ កងទ័ពអ៊ំហូ” ដូច៖ កសាងជំហរនយោបាយរឹងមាំ ទង្វើថ្លាថ្លៃ ទទួលខុសត្រូវខ្ពស់។ សីលធម៌ ផ្នត់រស់នៅស្អាតស្អំ ត្រឹមត្រូវ។ អនុវត្តប្រជាធិបតេយ្យ វិន័យខ្លួនតឹងរឹង។ល។ ទទួលបានលទ្ធផលជាច្រើន។ ក្នុងនោះ កងកម្លាំងប្រដាប់អាវុធយោធភូមិភាគបានចុះកិច្ចសន្យាចូលរួមកសាងជនបទថ្មីនៅឃុំចំនួន ៧៥៩ ក្នុងនោះមាន ៤១៦ ឃុំ ត្រូវបានទទួលស្គាល់ជាឃុំជនបទថ្មី។ ចុះសួរសុខទុក្ខនិងជូនអំណោយសង់ផ្ទះ ពិនិត្យជំងឺនិងផ្តល់ថ្នាំដោយឥតគិតថ្លៃជូនប្រជាជន ដោយទឹកប្រាក់សរុប ៥២១,៧ ពាន់លានដុង។ កសាងមណ្ឌលធ្វើចត្តាឡីស័កប្រមូលផ្តុំ ២០ កន្លែង ដើម្បីចូលរួមបង្ការប្រឆាំងជំងឺ COVID-១៩។ល។ កងកម្លាំងប្រដាប់អាវុធយោធភូមិភាគ ក៏បានពង្រីកទម្រង់បុណ្យចូលឆ្នាំកងទ័ពប្រជាជននៅភូមិភាគជាច្រើនលើភូមិសាស្រ្តយោធភូមិភាគ៩។ ចាប់ពីឆ្នាំ ២០១៦ រហូតមកដល់ពេលនេះ អង្គភាពចាត់តាំងបុណ្យចូលឆ្នាំកងទ័ពប្រជាជនដោយទឹកប្រាក់សរុបជាង ១.០០០ ពាន់លានដុង។

វេជ្ជបណ្ឌិតនៃមន្ទីរពេទ្យពហុព្យាបាលហ្វាហាវ - Medic កឹងធើ ពិនិត្យជំងឺជូនជនរួមជាតិខ្មែរក្នុងឱកាសបុណ្យចូលឆ្នាំកងទ័ពប្រជាជន អំណរបុណ្យចូលឆ្នាំថ្មី ឆ្នាំ២០២១។

នាពេលខាងមុខ គណៈកម្មាធិការបក្ស - បញ្ជាការដ្ឋានយោធភូមិភាគ ៩ គណៈកម្មាធិការបក្ស និងមេបញ្ជាការគ្រប់លំដាប់ថ្នាក់ ផ្តោតសំខាន់ទៅលើការងារសំខាន់ៗដូច៖ បន្តដឹកនាំ ចង្អុលការអនុវត្តបទបញ្ជាលេខ ០៥ ផ្សារភ្ជាប់ជាមួយការអនុវត្តចលនាប្រឡងប្រណាំងប្តេជ្ញាឈ្នះ។ ការប្រឡងប្រណាំងចំណុចកំពូល និងការចលនាឯទៀត។ យកលទ្ធផលអនុវត្តបទដ្ឋាន“ កងទ័ពអ៊ំហូ” ធ្វើជាខ្លឹមសារសំខាន់សម្រាប់វាយតម្លៃ រៀបចំចំណាត់ថ្នាក់អង្គការចាត់តាំងបក្ស បក្ខជន មាជិកសម្ព័ន្ធយុវជន សមាជិកសមាគម ព្រមទាំងឡើងគម្រោងរៀបចំតែងតាំង ចាត់បញ្ជូនផ្លាស់ប្តូរកម្មាភិបាល។ល។

ដំណឹងនិងរូប៖ ជុងកឿង - ប្រែ៖ សុផន

ចែករំលែកអត្ថបទ

ពាក្យគន្លឹះ