12/04/2021 - 08:33

បញ្ជា​ការ​ដ្ឋាន​យោធ​ភូមិ​ភាគ​៩ កង​ទ័ព​ប្រ​ជា​ជន​វៀត​ណាម ជូន​គ្រឿង​សម្ភារ​បរិក្ខារ​សុខា​ភិបាល​ដល់​កង​យោធ​ពល​ខេម​រភូ​មិន្ទ​កម្ពុជា​

កាល​ពី​ថ្ងៃ​ទី ២ ខែ​មេសា​ ឆ្នាំ ​២០២១ នៅ​ច្រក​អន្តរ​ជាតិ​ទិញ​បៀង​ ខេត្ត​អាង​យ៉ាង​  ក្រុម​ការ​ងារ​បញ្ជា​ការ​ដ្ឋាន​យោធ​ភូមិ​ភាគ​ ៩ និង​បញ្ជា​ការ​ដ្ឋាន​យោ​ធាក្រុង​កឹង​ធើ បាន​រៀប​ចំ​ពិធី​ជូន​គ្រឿង​សម្ភារ​បរិក្ខារ​សុខា​ភិបាល​ដល់​បញ្ជា​ការ​ដ្ឋាន​កង​ទ័ព​ជើង​គោក យោធ​ភូមិ​ភាគ​ ៣ និង​នា​យក​ដ្ឋាន​អភិវឌ្ឍន៍​នៃ​កង​យោធ​ពល​ខេមរ​ភូមិន្ទ​កម្ពុជា​ (រូប​)។​

បញ្ជា​ការ​ដ្ឋាន​យោធ​ភូមិ​ភាគ​ ៩ ឧបត្ថម្ភ​ទឹក​ប្រាក់​ចំ​នួន​ ២០.០០០ USD និង​សម្ភារ​ៈមួយ​ចំ​នួន​មាន​ដូច​៖  ស្រោម​ដៃ​កៅ​ស៊ូ​ ម៉ាស់​សុខា​ភិបាល​ ម៉ាស៊ីន​វាស់​កម្តៅ​ ក្បាំង​ការ​ពារ​ សម្លៀក​បំ​ពាក់​បង្ការ​ជំ​ងឺ​ និង​ជែល​លាង​ដៃ​កម្ចាត់​មេ​រោគ​។​ល។​ គិត​ជាតម្លៃ​ទឹក​ប្រាក់​សរុប​ជិត​ ៩៥០ លាន​ដុង​។​  ទទួល​ការ​ប្រ​គល់​សិទ្ធិ​ពី​គណៈ​កម្មា​ធិការ​បក្ស​ក្រុង​ គណៈ​កម្មា​ធិការ​ប្រ​ជា​ជន​ គណៈ​កម្មា​ធិការ​រណ​សិរ្ស​មាតុ​ភូមិ​វៀត​ណាម​ក្រុង​កឹង​ធើ វរសេនីយ៍​ឯក​ ហ្វិញ​វ៉ាន់​ភឿង មេ​បញ្ជា​ការ​រង​ នាយ​សេនា​ធិការ​នៃ​បញ្ជា​ការ​ដ្ឋាន​យោ​ធា​ក្រុង​  បាន​ជូន​គ្រឿង​សម្ភារ​បរិក្ខារ​ សុខា​ភិបាល​មួយ​ចំ​នួន​ដូច​៖ ជែល​លាង​ដៃ​កម្ចាត់​មេរោគ​ គ្រឿង​សម្ភារៈ បង្ការ​ប្រ​ឆាំង​ជំ​ងឺ​ COVID-១៩ តម្លៃ​ ជាង​ ១៥០ លាន​ដុង​។​

នេះ​គឺជា​សកម្ម​ភាព​ដ៏​ឧត្តុង្គ​ឧត្តម បង្កើន​ចំ​ណង​សាម​គ្គី​ មិត្ត​ភាព​ដ៏​យូរ​អង្វែង​រវាង​ប្រ​ជា​ជាតិ​ កង​ទ័ព​នៃ​ប្រ​ទេស​ទាំង​ពីរ និង​កង​កម្លាំង​ប្រ​ដាប់​អា​វុធ​យោធ​ភូមិ​ភាគ​ ៩ គណៈ​កម្មា​ធិការ​បក្ស​ រដ្ឋ​អំ​ណាច​គ្រប់​លំ​ដាប់​ថ្នាក់​ក្រុង​កឹង​ធើ ជា​មួយ​អង្គ​ភាព​ ក្រោម​ឱវាទ​កង​យោធ​ពល​ខេមរ​ភូមិន្ទ​កម្ពុជា​៕​

          ដំ​ណឹង​, រូប​ថត​៖ ង្វៀង​ថាំង-ប្រែសម្រួល​៖ លីសៀ

ចែករំលែកអត្ថបទ