សុខភាព - អប់រំ សុខភាព

19/01/2021 - 08:21

វិះនឹងស្លាប់ព្រោះបិទឱសថបុរាណពេលត្រូវក្តាមកៀប

(កឹងធើ) - កាលពីថ្ងៃ ៤ ខែមករា ឆ្នាំ ២០២១ វេជ្ជបណ្ឌិតផាមថាញផុង នាយករង ទទួលបន្ទុកឯកទេសនៃមន្ទីរពេទ្យពហុព្យាបាលមជ្ឈិមកឹងធើ បានឱ្យដឹង៖ វេជ្ជបណ្ឌិតមន្ទីរពេទ្យបានជួយសង្គ្រោះជីវិតអ្នកជំងឺត្រូវក្តាមកៀប មានអាការៈប្រែប្រួលរលាកកោសិកាជើងខាងស្តាំ - ឆ្លងមេរោគតាមសរសៃឈាមបណ្តាលឱ្យមានអាការៈចុះខ្សោយសរីរាង្គ។ អស់រយៈពេល ៤៨ ម៉ោងធ្វើការលាងឈាមជាបន្តបន្ទាប់ សម្ពាធឈាមរបស់អ្នកជំងឺមានភាពប្រសើរឡើងជាលំដាប់ សន្ទស្សន៍នៃការចុះខ្សោយសរីរាង្គបានវិលមកភាពដើមវិញ។ បច្ចុប្បន្ន អ្នកជំងឺបានដឹងខ្លួន ហើយមានដំណើរការល្អ។

វេជ្ជបណ្ឌិតលាងឈាមជាបន្តបន្ទាប់ ដើម្បីសង្គ្រោះអ្នកជំងឺ។ រូបថត៖ មន្ទីរពេទ្យផ្តល់

អ្នកជំងឺ V.V.L អាយុ ៥៨ ឆ្នាំ នៅខេត្តបាកលីវ បានបញ្ជូនមកពីមន្ទីរពេទ្យមូលដ្ឋានក្នុងស្ថានភាពរងេរងើ សម្ពាធឈាមទាប ទោះបីបានប្រើថ្នាំចលនាសរសៃឈាមកម្រិតខ្ពស់ក៏ដោយ មានអាការៈចុះខ្សោយដង្ហើមធ្ងន់ធ្ងរ ត្រូវបានអន្តរាគមន៍ដោយដាក់បំពង់ជំនួយខ្យល់ដង្ហើម និងដាក់ម៉ាស៊ីនជំនួយដង្ហើម។ ដោយសារអ្នកជំងឺមានស្ថានភាពធ្ងន់ធ្ងរ ប្រឈមនឹងហានិភ័យបាត់បង់ជីវិតខ្ពស់ ក៏ត្រូវបានបញ្ជូនមកផ្នែកប្រពោធកម្មវិជ្ជមាន - ប្រឆាំងជាតិពុលដើម្បីព្យាបាល។

យោងតាមក្រុមគ្រួសារអ្នកជំងឺ ឱ្យដឹង៖ បាននាំអ្នកជំងឺចូលមន្ទីរពេទ្យចំនួន ៣ ថ្ងៃហើយ អ្នកជំងឺរងរបួសសើស្បែកស្មងជើង ដោយសារក្តាមកៀប។ ក្រោយពីក្តាមកៀប អ្នកជំងឺ បានបុកខ្ញីលាយជាមួយទឹកឃ្មុំ បិទមុខរបួសដោយខ្លួនឯង ប៉ុន្តែមុខរបួសកាន់តែហើម ឡើងក្រហម ក្តៅខ្លួនខ្លាំង ហត់និងពិបាកដកដង្ហើម។ សមាជិកគ្រួសារបានដឹកអ្នកជំងឺចូលមន្ទីរពេទ្យមូលដ្ឋាន ក្រោយមកបានបញ្ជូនឡើងមន្ទីរពេទ្យពហុព្យាបាលមជ្ឈិមកឹងធើ។

យោងតាមវេជ្ជបណ្ឌិត យឿងថៀងភឿក ប្រធានផ្នែកប្រពោធកម្មវិជ្ជមាន-ប្រឆាំងជាតិពុលយោងទៅតាមស្ថានភាពធ្ងន់ស្រាល អាស្រ័យក្តាមកៀប អ្នកជំងឺអាចហូរឈាម រហែកស្បែក បង្កើតមុខរបួសចំហរ ឬបាត់សាច់មួយដុំ។ វាក៏មានការឈឺចាប់នៅកន្លែង ដែលក្តាមកៀបនិងហើម ក្តៅឡើងក្រហម ព្រមទាំងឈឺចាប់នៅជុំវិញមុខរបួស។ ពេលក្តាមកៀបត្រូវលាងសម្អាតមុខរបួសដោយទឹកស្អាត លាបថ្នាំសម្លាប់មេរោគ និងរុំមុខរបួសនៅពេលហូរឈាមច្រើន ឬក៏មុខរបួសធំ។ មិនត្រូវបិទឱសថបុរាណលើមុខរបួសឡើយ។ ក្នុងករណីមានអាការៈហើមក្តៅ អាចបណ្តាលមកពីម្ដុំឈឺហើមនោះ រងការរលាកកោសិកា ចាំបាច់ត្រូវទៅមន្ទីរពេទ្យ ដើម្បីពិនិត្យ៕

H.HOA-ប្រែសម្រួល៖ សុផន

ចែករំលែកអត្ថបទ

ពាក្យគន្លឹះ