សុខភាព - អប់រំ អប់រំ

22/12/2020 - 09:17

ជំរុញការប្រើប្រាស់បច្ចេកវិជ្ជាព័ត៌មានក្នុងការគ្រប់គ្រងនិងបង្រៀន

នោះគឺភារកិច្ចជាប្រចាំមួយក្នុងចំណោមភារកិច្ចដទៃទៀតរបស់ផ្នែកអប់រំក្រុងកឹងធើ សំដៅបង្កើនគុណភាពនិងប្រសិទ្ធភាពដំណើរការ ជាក់ស្តែងគឺនៅក្នុងស្ថានភាពបង្ការ ប្រឆាំងជំងឺ COVID-១៩ នាបច្ចុប្បន្ន។

គ្រូបង្រៀនវិទ្យាល័យថាយប៊ិញយឿង ក្រុងកឹងធើ បង្រៀនតាមប្រព័ន្ធអនឡាញ ក្នុងរយៈពេលបង្ការ ប្រឆាំងជំងឺ COVID-19។

តាមរយៈនោះ ផ្នែកអប់រំបន្តផ្សព្វផ្សាយអនុវត្តប្រកបដោយប្រសិទ្ធភាពផែនការលេខ ១៤៨/KH -UBND ចុះថ្ងៃទី២២/៩/២០១៧ របស់គណៈកម្មាធិការប្រជាជនក្រុងកឹងធើ អនុវត្តគម្រោងជំរុញការប្រើប្រាស់បច្ចេកវិជ្ជាព័ត៌មានក្នុងការគ្រប់គ្រង និងជំនួយដល់សកម្មភាពបង្រៀន សិក្សាស្រាវជ្រាវវិទ្យាសាស្ត្រ រួមចំណែកបង្កើនគុណភាពអប់រំនិងបណ្តុះបណ្តាល ដំណាក់កាល ២០១៦-២០២០ កំណត់ទិសដល់ឆ្នាំ ២០២៥ លើភូមិសាស្រ្តក្រុងកឹងធើ សាលារៀននិងគ្រូបង្រៀងទាំងអស់ចូលរួមគ្រប់គ្រង សកម្មភាពមុខជំនាញ តាមរយៈគេហទំព័ររបស់សាលារៀនតភ្ជាប់។ ផលិតផលនៃការផ្លាស់ថ្មីវិធីសាស្រ្តបង្រៀន និងពិនិត្យវាយតម្លៃ ត្រូវបានធ្វើឡើងលើគេហទំព័ររបស់សាលារៀនតភ្ជាប់ទៅតាមប្រធានបទ មេរៀននៃវិញ្ញាសានីមួយៗ។ល។ ផ្នែកអប់រំនៅទាំងប្រើប្រាស់កម្មវិធីផ្នែកទន់សម្រាប់គ្រប់គ្រងសញ្ញាបត្រ វិញ្ញាបនបត្រ និងធ្វើបច្ចុប្បន្នភាពទិន្នន័យបេក្ខសិស្សបញ្ចប់ថ្នាក់វិទ្យាល័យជារៀងរាល់ឆ្នាំ។

ឆ្នាំសិក្សាកន្លង ទូទាំងផ្នែកអប់រំ បានប្រើប្រាស់បច្ចេកវិជ្ជាព័ត៌មានប្រកបដោយប្រសិទ្ធភាព ក្នុងការគ្រប់គ្រង បង្រៀននិងរៀន។ កងជួរគ្រូបង្រៀនដែលបង្រៀនវិញ្ញាសាព័ត៌មានវិទ្យា ធានាកម្រិតវិជ្ជាជីវៈតាមសេចក្តីកំណត់ មានបទពិសោធន៍និងអស់ពីចិត្តក្នុងការបង្រៀន។ បន្តពង្រីកប្រសិទ្ធភាពបន្ទប់រៀនចំនួន ២៧ សិក្សាបន្តផ្ទាល់តាមប្រព័ន្ធអនឡាញនៅវិទ្យាល័យរដ្ឋចំនួន ២៧ ក្នុងសកម្មភាពមុខជំនាញរបស់ផ្នែកអប់រំ។ ពិសេស ក្នុងរយៈពេលអនុវត្តគម្លាតសង្គម បង្ការ ប្រឆាំងជំងឺ COVID-១៩ មន្ទីរអប់រំនិងបណ្តុះបណ្តាល ចង្អុលការដល់គ្រឹះស្ថានអប់រំ រៀបចំការរំលឹកមេរៀន និងបង្រៀនតាមរយៈមធ្យោបាយប្រើប្រាស់បច្ចេកវិជ្ជាព័ត៌មាន ដូចជា៖ email, Zalo, Facebook, Messenger, Classroom, Viber, Zoom, Microsoft Teams, សាលារៀនតភ្ជាប់ និងសិក្សាតាមរយៈទូរទស្សន៍ជាដើម៕

បុិតង៉ុក- ត្រឹងហ្គោន

ចែករំលែកអត្ថបទ

ពាក្យគន្លឹះ