សន្តិសុខ - ការពារប្រទេស ការពារប្រទេស

01/12/2020 - 09:26

កងទ័ពការពារព្រំដែនខេត្តអាងយ៉ាង ជូនបរិក្ខារពេទ្យបង្ការប្រឆាំងជំងឺ COVID-១ ៩ ដល់ខេត្តកណ្ដាល និងខេត្តតាកែវ

នៅច្រកទ្វារខាញ់ប៊ិញ (អាងភូ) និងច្រកទ្វារអន្តរជាតិទិញបៀង (ស្រុកទិញបៀង) បញ្ជាការដ្ឋានកងទ័ពការពារព្រំដែនខេត្តអាងយ៉ាង ទើបចាត់តាំងគណៈប្រតិភូទៅជូនអំណោយឧបត្ថម្ភបរិក្ខារពេទ្យ និងរបស់របរប្រើប្រាស់ចាំបាច់ ជំនួយដល់ការបង្ការប្រឆាំងជំងឺ COVID-១៩ ដល់អង្គភាពចំនួន ៧ ចំណុះខេត្តតាកែវ និងខេត្តកណ្ដាល (ព្រះរាជាណាចក្រកម្ពុជា)។

លោកវរសេនីយ៍ឯក ផាមវ៉ាន់ផុង ស្នងការនយោបាយនៃបញ្ជាការដ្ឋានកងទ័ពការពារព្រំដែនខេត្តអាងយ៉ាង ជូនអំណោយដល់អង្គភាពចំណុះខេត្តតាកែវនិងខេត្តកណ្ដាល។

ជាក់ស្តែង អង្គភាពបានជូនអំណោយដល់នគរបាល អនុតំបន់យោធា កងរាជអាវុធហត្ថ កងវរសេនាតូចប៉ូលិសការពារព្រំដែនលេខ ៦០៣ និងលេខ ៦០៥ កងវរសេនាតូចកងទ័ពការពារព្រំដែនលេខ ០១ និងកងវរសេនាធំកងទ័ពការពារព្រំដែនលេខ ៦០១ ។

នៅទីតាំងដែលជូនអំណោយតំណាងបញ្ជាការដ្ឋានកងទ័ពការពារព្រំដែនខេត្តអាងយ៉ាង បានជូនម៉ាស់ចំនួន ១០០.០០០ ទឹកលាងដៃកម្ចាត់មេរោគ ១.០០០ ដប ស្ករ ២.០០០ គីឡូក្រាម ប្រេងឆា ២.០០០ ដប ប៊ីចេង ២.០០០ កញ្ចប់ មី ៦.០០០ ធុង។ល។ អំណោយឧបត្ថម្ភគិតជាទឹកប្រាក់ប្រមាណ ១ ពាន់លានដុង។

ជំនួសមុខឱ្យរដ្ឋាភិបាល កងកម្លាំងប្រដាប់អាវុធនិងប្រជាជនខេត្តកណ្ដាល ឯកឧត្តមនៃចារីអភិបាលរងខេត្តកណ្ដាល បានថ្លែងអំណរគុណចំពោះការឧបត្ថម្ភទាន់ពេល ថ្លៃថ្នូរជាទីបំផុតទាំងសម្ភារៈ និងស្មារតីរបស់បញ្ជាការដ្ឋានកងទ័ពការពារព្រំដែនខេត្តអាងយ៉ាង។ រដ្ឋាភិបាល កងកម្លាំងប្រដាប់អាវុធ និងប្រជាជនកម្ពុជា នឹងបង្ការប្រឆាំងជំងឺ COVID-១៩ មានប្រសិទ្ធភាព បន្តផ្តុំកម្លាំងពលកម្មផលិត អភិវឌ្ឍសេដ្ឋកិច្ច។ ឯកឧត្តមអភិបាលរងខេត្ត សង្ឃឹមថា ភាគីទាំង ២ នឹងបន្តការពូនជ្រំនូវចំណងមិត្តភាពជាប្រវេណីវៀតណាម-កម្ពុជា ព្រួតដៃកសាងព្រំដែនសន្តិភាព មិត្តភាព សហប្រតិបត្តិការដើម្បីអភិវឌ្ឍន៍៕

យោង៖ baoangiang.com.vn - ប្រែសម្រួល-វិមាន

ចែករំលែកអត្ថបទ

ពាក្យគន្លឹះ