ព្រឹត្តិការណ៍ - នយោបាយ នយោបាយ

27/10/2020 - 08:15

បង្កើនការឃោសនា អប់រំដល់កម្មករនិយោជិត

សហជីពគ្រប់លំដាប់ថ្នាក់នៅខេត្តត្រាវិញ តែងផ្តោតការលើកកម្ពស់ប្រសិទ្ធភាពនៃការឃោសនា អប់រំដល់កម្មករនិយោជិត។ ខ្លឹមសារនិងរូបភាពឃោសនាត្រូវបានផ្លាស់ថ្មីជាប្រចាំ សំដៅកែប្រែសតិអារម្មណ៍ និងការយល់ដឹង។ ផ្តើមពីនោះ រួមចំណែកលើកកម្ពស់តួនាទីរបស់វណ្ណៈកម្មករ អង្គការសហជីពក្នុងស្ថានភាពថ្មី។

បង្កើនការឃោសនាច្បាប់ដល់កម្មករនិយោជិតនៅមណ្ឌលឧស្សាហកម្មឡុងដឹក។

សហជីពគ្រប់លំដាប់ថ្នាក់ក្នុងខេត្តបានសកម្មឃោសនានូវសេចក្តីសម្រេចចិត្ត គោលការណ៍របស់បក្ស គោលនយោបាយនិងច្បាប់របស់រដ្ឋ ខួបទិវាបុណ្យធំៗក្នុងឆ្នាំ។ បន្តឃោសនាសេចក្តីសម្រេចចិត្តមជ្ឈិម ៤ (នីតិកាល ១២ ) “ ស្តីពីបង្កើនការកសាង រៀបចំបក្ស។ ទប់ស្កាត់ ច្រានថយការធ្លាក់ចុះសតិអារម្មណ៍នយោបាយ សីលធម៌ របៀបរស់នៅ ការស្តែងឡើង “ ភាពប្រែប្រួលដោយខ្លួនឯង” “ ការផ្លាស់ប្តូរដោយខ្លួនឯង” ក្នុងផ្ទៃក្នុង។ បទបញ្ជាលេខ ០៥-CT/TW ចុះថ្ងៃទី ១៥ ខែឧសភា ឆ្នាំ ២០១៦ របស់ការិយាល័យនយោបាយ “ ស្តីពីជំរុញការរៀនសូត្រនិងធ្វើតាមឧត្តមគតិ សីលធម៌និងឥរិយាបថហូជីមិញ”; ឃោសនា និងចូលរួមអង្គការសកម្មភាពធានារ៉ាប់រងសង្គម ធានារ៉ាប់រងសុខាភិបាល ធានារ៉ាប់រងដាច់អាជីព ឃោសនា បង្ការ ប្រឆាំងគ្រឿងញៀន។ល។

លោកវ៉ទ្រឿងថាំង ប្រធានសម្ពន្ធភាពការងារស្រុកចូវថាញ់ បានឱ្យដឹង៖“ ការកំណត់ត្រូវតម្រូវការរបស់សមាជិកសហជីព និងកម្មករនិយោជិតនឹងជួយឱ្យការឃោសនាមានប្រសិទ្ធភាព ជៀសវាងការឃោសនា ខ្វះចំណុចសំខាន់។ តួយ៉ាងដូចជាការឃោសនាពីរបៀបខិតជិតព័ត៌មាន បាបគ្រោះសង្គម ឬការអនុវត្តបទបញ្ញត្តិនៅតាមអាជីវកម្ម។ល។ សហជីពគ្រប់លំដាប់ថ្នាក់ គប្បីផ្គួបបញ្ចូលជាមួយការស្វែងយល់ ក្តោបក្តាប់នៅគោលបំណង ក្តីប្រាថ្នា ពាក្យចចាមអារ៉ាមក្នុងកម្មករ។ ផ្តើមពីនោះសំណូមពរនិងសំណើរបស់កម្មករនិយោជិតត្រូវបានដោះស្រាយទាន់ពេល ផលប្រយោជន៍ស្របច្បាប់ត្រូវបានធានាកម្មករនិយោជិតនឹងរក្សាបានគោលជំហរស្ងប់ចិត្តធ្វើការ” ។

លោកស្រីថាច់ធីធូហា ប្រធានសម្ពន្ធភាពការងារខេត្តត្រាវិញ មានប្រសាសន៍៖ “ សហជីពគ្រប់លំដាប់ថ្នាក់ គប្បីផ្លាស់ថ្មីនិងមានរូបភាពឃោសនា អប់រំជាច្រើនដល់សមាជិក សហជីព កម្មករនិយោជិតដើម្បីជួយពួកគាត់ទទួលបានព័ត៌មានលឿនជាង។ ឆ្លងតាមការឃោសនា អប់រំសមាជិកសហជីពកម្មករនិយោជិតបានយល់ និងមានចំណេះដឹងត្រឹមត្រូវអំពីគោលជំហរ ទស្សនៈ គោលការណ៍ គោលមាគ៌ារបស់បក្ស គោលនយោបាយនិងច្បាប់របស់រដ្ឋ។ នាពេលខាងមុខ កម្មាភិបាល និងកម្មករនិយោជិតក្នុងខេត្តទាំងមូល គប្បីបន្តរៀនសូត្រ លើកកម្ពស់កម្រិតវិជ្ជានយោបាយ មុខជំនាញនិងវិជ្ជាជីវៈ បង្កើតអាកប្បកិរិយាឧស្សាហកម្ម វិន័យ ការងារ រួមចំណែកអនុវត្តជោគជ័យភារកិច្ច។ កសាងសហជីពគ្រប់លំដាប់ថ្នាក់ពីមួយថ្ងៃទៅមួយថ្ងៃកាន់តែរឹងមាំ៕

សើុងម៉ាល័យ-សុផន

ចែករំលែកអត្ថបទ

ពាក្យគន្លឹះ