សុខភាព - អប់រំ អប់រំ

12/10/2020 - 16:29

និស្សិតគរុកោសល្យបានរដ្ឋឧបត្ថម្ភប្រាក់ ៣,៦ ៣លានដុងក្នុងមួយខែ

កាលពីថ្ងៃទី២៥ ខែកញ្ញា ឆ្នាំ២០២០ រដ្ឋាភិបាលបានដាក់ចេញអនុក្រឹត្យស្ដីពីគោលនយោបាយឧបត្ថម្ភថ្លៃសិក្សានិងប្រាក់ចំណាយសម្រាប់ការរស់នៅរបស់និស្សិតគរុកោសល្យ។

យោងតាមអនុក្រឹត្យនេះ និស្សិតគរុកោសល្យត្រូវបានរដ្ឋឧបត្ថម្ភប្រាក់បង់ថ្លៃសិក្សា ស្មើនឹងថ្លៃសិក្សារបស់គ្រឹះស្ថានបណ្ដុះបណ្ដាលគ្រូបង្រៀន ដែលនិស្សិតកំពុងសិក្សា។ និស្សិតគរុកោសល្យ បានរដ្ឋឧបត្ថម្ភទឹកប្រាក់ ៣,៦៣ លានក្នុងមួយខែ ដើម្បីចំណាយក្នុងការរស់នៅពេលកំពុងសិក្សានៅសាលា។

រយៈពេលឧបត្ថម្ភថ្លៃសិក្សានិងប្រាក់ចំណាយសម្រាប់ការរស់នៅ ត្រូវបានគិតទៅតាមចំនួនខែសិក្សាជាក់ស្តែងនៅសាលាតាមសេចក្តីកំណត់ ប៉ុន្តែមិនលើសពី ១០ ខែ/ឆ្នាំសិក្សា។

ថវិកាឧបត្ថម្ភថ្លៃសិក្សានិងប្រាក់ចំណាយសម្រាប់ការរស់នៅរបស់និស្សិតគរុកោសល្យនឹងត្រូវបានរាប់បញ្ចូលក្នុងគម្រោងថវិការដ្ឋប្រចាំឆ្នាំ សម្រាប់ចំណាយទៅលើការអប់រំនិងបណ្តុះបណ្តាលនៅតាមភូមិភាគ ក្រសួង ផ្នែក តាមបទប្បញ្ញត្តិជាធរមាន។

អនុក្រឹត្យនេះក៏បានបញ្ជាក់ពីការសងប្រាក់ឧបត្ថម្ភមកវិញ ចំពោះករណីជាក់ស្ដែងមួយចំនួនដូចជានិស្សិតបានទទួលរបបគោលនយោបាយ ប៉ុន្តែមិនបានបម្រើការងារក្នុងផ្នែកអប់រំ ក្រោយរយៈពេលពីរឆ្នាំគិតពីថ្ងៃបញ្ចប់ការសិក្សា; កំពុងស្ថិតក្នុងដំណាក់កាលបណ្តុះបណ្តាល ប៉ុន្តែប្តូរទៅរៀនមុខវិជ្ជាផ្សេង; ឈប់រៀនដោយខ្លួនឯងឬត្រូវពិន័យឱ្យឈប់រៀន។ល។

អនុក្រឹត្យនេះរួមមាន៤ជំពូក ១៥ មាត្រា និងមានសុពលភាពចាប់ពីថ្ងៃទី ១៥ ខែវិច្ឆិកា ឆ្នាំ ២០២០ ៕

យោងតាម TTXVN- ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ