មហាសាមគ្គីជនជាតិ គំរូក្នុងសហគមន៍

05/10/2020 - 16:15

ព្រះឧបជ្ឈាយ៍យ័ញឡឹង

ព្រះឧបជ្ឈាយ៍យ័ញឡឹង គង់នៅមុខចេតិយវីរសមណៈ៤ព្រះអង្គនៅកំពង់ចិនចាស់ ។

ព្រះឧបជ្ឈាយ៍យ័ញឡឹង ជាសមាជិកក្រុមប្រឹក្សាភិបាលនៃសមាគមពុទ្ធសាសនាវៀតណាម អនុប្រធានសមាគមព្រះសង្ឃសាមគ្គីស្នេហាជាតិខេត្តគៀងយ៉ាង និងជាព្រះចៅអធិការរងវត្តឃ្លាំងអុង ទីប្រជុំជនមិញលឿង ស្រុកចូវថាញ់ ខេត្តគៀងយ៉ាង។

ព្រះឧបជ្ឈាយ៍យ័ញឡឹង មានថេរដីកា៖ “ក៏ដូចជាយុវជនខ្មែរដទៃទៀតដែរ ពេលអាយុជាង១០ ឆ្នាំ អាត្មាភាពក៏បានចូលបួសរៀននៅវត្តឃ្លាំងអុង ដើម្បីតបស្នងសងគុណដល់អ្នកមានគុណទាំងទ្វេ។ លុះដល់អាយុ២០ឆ្នាំ អាត្មាភាពបានតែងតាំងជាព្រះចៅអធិការស្ដីទី ហើយផ្សារភ្ជាប់នឹងវត្តបុរាណនេះរហូតដល់សព្វថ្ងៃ។ ក្នុងដំណើរជីវិត បួសរៀន អាត្មាភាពតែងយកព្រះទ័យទុកដាក់ដល់ការសិក្សារៀនសូត្រ ដើម្បីអភិវឌ្ឍន៍ខ្លួន។ អាត្មាមិនត្រឹមតែសិក្សាខាងផ្លូវធម៌ប៉ុណ្ណោះទេ នៅទាំងសិក្សាខាងផ្លូវលោកផងដែរ ដើម្បីជួយដល់ពុទ្ធបរិស័ទ កសាងវត្តអារាមកាន់តែល្អប្រសើរឡើង”។

ទន្ទឹមនឹងការគោរពប្រតិបត្តិធម៌វិន័យ ព្រះឧបជ្ឈាយ៍យ័ញឡឹង តែងយកព្រះទ័យទុកដាក់ដល់ការអភិរក្សនូវតម្លៃវប្បធម៌ ប្រពៃណីរបស់ជនរួមជាតិខ្មែរ ជួយជនរួមជាតិលើកកម្ពស់ប្រជាបញ្ញាដើម្បីអភិវឌ្ឍសេដ្ឋកិច្ច។ល។ អាស្រ័យហេតុនោះ នៅវត្តឃ្លាំងអុង ដល់រដូវវិស្សមកាលម្តងៗ តែងបើកថ្នាក់បង្រៀនអក្សរខ្មែរដល់កូនចៅខ្មែរ។ ចំពោះព្រះសង្ឃកំពុងបួសរៀននៅក្នុងវត្ត ព្រះអង្គតែងបង្កលក្ខណៈដើម្បីព្រះសង្ឃមានឱកាសបានសិក្សាខាងផ្លូវលោកទៀតផង។

លោកយ័ញភុក ប្រធានគណៈជនជាតិខេត្តគៀងយ៉ាង ឱ្យដឹង៖ “នៅពេលកេរដំណែលចេតិយកំពង់ចិនចាស់ បានរដ្ឋវិនិយោគបង្កើនកម្រិតនិងកសាងសំណង់រាយរងថ្មីជាច្រើន ព្រះឧបជ្ឈាយ៍យ័ញឡឹង មានព្រះទ័យត្រេកអរយ៉ាងក្រៃលែង។ ព្រះអង្គតែងឆ្លៀតពេលនិមន្តមកកាន់ចេតិយវីរសមណៈ ៤ ព្រះអង្គ ដើម្បីពិគ្រោះយោបល់ជាមួយជាងក្នុងការកសាងតុបតែងក្បាច់រចនា និងរំលេចពណ៌ជាដើម”។

ព្រះឧបជ្ឈាយ៍យ័ញឡឹង (ខាងស្តាំ) នៅចេតិយវីរសមណៈ៤ព្រះអង្គនៅកំពង់ចិនចាស់។

ថ្ងៃដែលយើងខ្ញុំសុំជួបព្រះអង្គ ព្រះឧបជ្ឈាយ៍ក៏ណាត់ជួបនៅចេតិយវីរសមណៈ ៤ ព្រះអង្គ ។ ពេលនោះ ព្រះអង្គកំពុងបង្ហាញឱ្យជាងបិទក្បាច់។ ព្រះឧបជ្ឈាយ៍យ័ញឡឹង មានថេរដីកា៖ “អាត្មាកើតឆ្នាំ ១៩៥៥ ម្ល៉ោះហើយអាត្មាភាពយល់ដឹងច្រើនអំពីប្រពៃណីវប្បធម៌របស់ជនជាតិខ្មែរ។ ប្រការដែលអាត្មាភាពជួយបង្ហាញជាង នឹងកាត់បន្ថយការជួសជុលឡើងវិញ មិនបង់ខាតថវិការដ្ឋបន្ថែម។ ម្យ៉ាងវិញទៀត នេះជាចេតិយវីរសមណៈ ៤ ព្រះអង្គ បានពលីជីវិតដើម្បីបុព្វហេតុរំដោះប្រទេសជាតិ ម្ល៉ោះហើយ អាត្មាភាពកាន់តែធ្វើឱ្យបានហ្មត់ចត់”។

ព្រះឧបជ្ឈាយ៍យ័ញឡឹង តែងជាទីគោរពរបស់ព្រះសង្ឃនិងពុទ្ធបរិស័ទ។ ព្រះតេជព្រះគុណយ័ញតារាស៊ីផា ពិតថេរដីកា ៖ “ព្រះឧបជ្ឈាយ៍យ័ញឡឹង គឺជាគំរូដើម្បីព្រះសង្ឃយកតម្រាប់តាម”៕

ហាថាញ់-វិមាន

ចែករំលែកអត្ថបទ

ពាក្យគន្លឹះ