គោលនយោបាយ -ការរស់នៅ គោលនយោបាយ

05/10/2020 - 16:15

រក្សាបរិស្ថានភ្លឺ-បៃតង-ជ្រះ-ស្អាត

ឡដុតសំរាមរបស់គ្រួសារលោកង៉ៀ។

ស្រុកហ្គក្វាវ ខេត្តគៀងយ៉ាង មានឃុំសម្រេចបទដ្ឋានជនបទថ្មីទាំង១០០% ម្ល៉ោះហើយជីវភាពប្រជាជនកាន់តែមានភាពល្អប្រសើរ។ ផ្អែកលើមូលដ្ឋានដែលសម្រេចបាន ស្រុកហ្គក្វាវ កំពុងបញ្ចេញកម្លាំងរក្សាបរិស្ថានរស់នៅកាន់តែភ្លឺ-បៃតង-ជ្រះ-ស្អាត។

លោកលីមិញថាំង អនុប្រធានការិយាល័យនៃគណៈកម្មាធិការប្រជាជនស្រុកហ្គក្វាវ ឱ្យដឹង៖ “នៅពេលផ្សព្វផ្សាយអនុវត្តការកសាងជនបទថ្មី មានឃុំមួយចំនួនលើភូមិសាស្រ្តជួបលំបាកក្នុងការអនុវត្តលក្ខឋានបរិស្ថាន អាស្រ័យទម្លាប់រស់នៅរបស់ប្រជាជនមួយចំនួន។ ចំពោះស្ថានភាពខាងលើ គណៈចង្អុលការកសាងជនបទថ្មីរបស់ស្រុក បានសំណូមពរដល់ឃុំ ទីប្រជុំជនជំរុញការងារផ្សព្វផ្សាយ ដើម្បីប្រជាជនកាន់តែយល់ច្បាស់ថែមទៀតអំពីសមិទ្ធិផលដែលបុគ្គលម្នាក់ៗ គ្រួសារនីមួយៗនិងភូមិស្រុក ទទួលបានផលប្រយោជន៍ នៅពេលកសាងសម្រេចជនបទថ្មី។ គ្រប់ភូមិភាគព្យាយាមអនុវត្តតាមវិធានការ “ដូចភ្លៀងរលឹម, ព្យាយាមមិនដាច់សម្រេចមិនខាន ម្ល៉ោះហើយនៅពេលគណៈចង្អុលការកសាងជនបទថ្មីនៅតាមឃុំ ទីប្រជុំជនផ្សព្វផ្សាយអនុវត្តទម្រង់ “កសាងទម្រង់គ្មាន៥ ស្អាត៣”(គ្មានក្រអត់ឃ្លាន, គ្មានបទល្មើស-បាបគ្រោះសង្គម, គ្មានអំពើហិង្សាគ្រួសារ, គ្មានការបំពានគោលនយោបាយចំនួនប្រជាជន, គ្មានក្មេងកង្វះអាហារូបត្ថម្ភ; ចង្រ្កានស្អាត, ផ្ទះស្អាត, មាត់ច្រកស្អាត) គ្រប់គ្រួសារលើភូមិសាស្រ្តស្ម័គ្រចិត្តគាំទ្រ”។ អ្នកមីងធីញ៉ាញ នៅភូមិអាងហ៊ីប ឃុំឌិញអាង ឱ្យដឹង៖ “មុននេះ ខ្ញុំតិចចំណាយពេលសម្អាតផ្ទះសម្បែង ប៉ុន្តែពេលឃើញផ្ទះអ្នកជិតខាង គេរៀបចំស្អាតបាត ខ្ញុំក៏ចាប់ផ្ដើមធ្វើតាម។ យូរៗទៅក៏ធ្លាប់ ឥឡូវនេះឱ្យតែឃើញទីធ្លាមានសំរាមខ្ញុំក៏សម្អាតភ្លាម”។ ដោយសារបានចលនាជាញឹកញាប់ទើបលោកយ័ញង៉ៀ នៅភូមិហ្វាថាញ់ ឃុំឌិញហ្វា កសាងបានឡដុតសំរាមរបស់គ្រួសារ។ លោកង៉ៀ ឱ្យដឹង៖ “ខ្ញុំនឹងយកផេះពីឡដុតសំរាមសម្រាប់ដាំបន្លែហូប”។

ដងផ្លូវចូលកាន់ភូមិនានានៅឃុំឌិញហ្វា។

បើតាមអ្នកស្រី កាវធីបាចត្វៀក អនុប្រធានគណៈកម្មាធិការប្រជាជនឃុំឌិញអាង ចាប់តាំងពីឃុំសម្រេចបទដ្ឋានជនបទថ្មី មាមីងលើភូមិសាស្រ្ត តែងខ្នះខ្នែងចូលរួមរក្សានិងលើកកម្ពស់គុណភាពនៃលក្ខឋានជនបទថ្មី ក្នុងនោះមានលក្ខឋានពីបរិស្ថាន ម្ល៉ោះហើយ ទិដ្ឋភាពតំបន់ជនរួមជាតិភាគតិចកាន់តែភ្លឺ-បៃតង-ជ្រះ-ស្អាត៕

ហាថាញ់ - ថាច់ធី

ចែករំលែកអត្ថបទ

ពាក្យគន្លឹះ