សុខភាព - អប់រំ សុខភាព

28/09/2020 - 16:40

ដាក់ឱ្យប្រើប្រាស់បន្ទប់វះកាត់សម្ភពទំនើបបំផុតនៅតំបន់វាលរាបទន្លេគឺវឡុង

មន្ទីរពេទ្យសម្ភពក្រុងកឹងធើ ទើបសម្ពោធដាក់ឱ្យប្រើប្រាស់បន្ទប់វះកាត់ បម្រើសេវាកម្មតាមតម្រូវការ។ បន្ទប់វះកាត់បម្រើសេវាកម្មតាមតម្រូវការ ផ្តើមកសាងកាលពីខែមីនា ឆ្នាំ២០២០ ជាមួយកម្រិតវិនិយោគជិត ១០ ពាន់លានដុង ក្នុងនោះវិនិយោគទៅលើសម្ភារបរិក្ខារពេទ្យប្រមាណ ៧ ពាន់លានដុង។

បន្ទប់វះកាត់បំពាក់គ្រឿងម៉ាស៊ីនទំនើបៗ ដើម្បីលើកកម្ពស់គុណភាពព្យាបាល និងធានាសុវត្ថិភាពអ្នកជំងឺ។

បន្ទប់វះកាត់ត្រូវបានកសាងតាមបទដ្ឋាន រម្ងាប់មេរោគចល័តតែមួយទិស រួមនឹងឧបករណ៍ពេទ្យទំនើបៗ ម៉ាស៊ីនសណ្តំជំនួយដកដង្ហើមបែបទំនើប ឧបករណ៍សម្រាប់តាមដានអ្នកជំងឺ កំណត់បានកម្រិតសណ្តំ-កម្រិតឈឺ-កម្រិតពន្យឺតសាច់ដុំ ប្រព័ន្ធបន្សុទ្ធខ្យល់បរិសុទ្ធសម្រាប់បន្ទប់វះកាត់ជ្រះស្អាត ប្រព័ន្ធ បន្សុទ្ធខ្យល់សម្រាប់បន្ទប់វះកាត់រោគឆ្លង អំពូលភ្លើងLED ធានាពន្លឺពេលដំណើរការវះកាត់ គ្រែវះកាត់ពហុមុខងារ រួមនឹងសម្ភារៈនានា ដូចជាកម្រាលធារ-ជញ្ជាំង-ពិដានបំពាក់ឧបករណ៍ប្រឆាំងមេរោគ។

អតិថិជនអាចសំណូមពរគ្រូពេទ្យវះកាត់ជាអ្នកឯកទេស និងវេជ្ជបណ្ឌិតជំនាញមានបទពិ សោធន៍ច្រើននៅមន្ទីរពេទ្យសម្ភពក្រុងកឹងធើ ធ្វើការវះកាត់យកកូននិងពិនិត្យរោគស្រ្តី។ នេះគឺជាសេវាកម្មមួយក្នុងចំណោមសេវាកម្មដ៏ពិសេសៗរបស់មន្ទីរពេទ្យសម្ភពក្រុងកឹងធើ ជាមួយនឹងទិសដៅចាត់ទុកអ្នកជំងឺជាចំណុចសំខាន់ ផ្តើមពីនោះធ្វើឱ្យសុក្រឹត លើកកម្ពស់គុណភាពពិនិត្យ និងព្យាបាលជំងឺ៕

ធូសឿង-មុនី

ចែករំលែកអត្ថបទ

ពាក្យគន្លឹះ