សុខភាព - អប់រំ អប់រំ

07/09/2020 - 16:21

ធានាសុវត្ថិភាពសម្រាប់សិស្សពេលចូលរៀន

សាលារៀននៅតាមខេត្តវិញឡុង កឹងធើ ហូវយ៉ាង បានអនុវត្តល្អការងារត្រៀមបម្រុង ឱ្យឆ្នាំសិក្សាថ្មីនិងបង្ការប្រឆាំងជំងឺCOVID-១៩ ដើម្បីសិស្សានុសិស្សស្ងប់ចិត្តពេលមកកាន់សាលា។

សិស្សសាលាបឋមសិក្សាត្រឹងក្វឹកត្វង ខ័ណ្ឌនិញកេវ ក្រុងកឹងធើ ត្រូវបានវាស់កម្ដៅរាងកាយមុនពេលចូលសាលា។

លោកង្វៀនភុកតាំង អនុប្រធានមន្ទីរអប់រំនិងបណ្ដុះបណ្ដាល ក្រុងកឹងធើ ឱ្យដឹង៖ “មុនពេលឈានចូលឆ្នាំសិក្សា២០២០-២០២១ ផ្នែកអប់រំក្រុងបានចង្អុលការដល់សាលារៀនទាំងអស់អនុវត្តល្អការងារត្រៀមបម្រុងមូលដ្ឋាន សម្ភារៈនិងកងជួរគ្រូបង្រៀន។ មកទល់សព្វថ្ងៃ សាលារៀនចំនួន ៤៥៥ ទូទាំងក្រុង បានទទួលសិស្សចូលរៀនជិត ៤៥០.០០០ នាក់។ អាស្រ័យការងារត្រៀមបម្រុងបានល្អ ម្ល៉ោះហើយគ្រប់សាលា បានដំណើរការប្រកបដោយរបៀបរៀបរយ។ ពិសេស ផ្នែកអប់រំបានសំណូមពរគ្រប់សាលារៀន ត្រូវអនុវត្តឱ្យបានត្រឹមត្រូវតាមសំណូមពររបស់ផ្នែកសុខាភិបាលស្ដីពីការបង្ការប្រឆាំងជំងឺCOVID-១៩ ដាច់ខាត់មិនត្រូវធ្វេសប្រហែស បណ្ដែតបណ្ដោយក្នុងការងារបង្ការ ប្រឆាំងជំងឺរាតត្បាតនេះ”។ លោកគ្រូឌោដាកក្វាង នាយកសាលាបឋមសិក្សាថើយស្វឹង១ ស្រុកកើ-ដ ឱ្យដឹង៖ “ឆ្នាំសិក្សា ២០២០-២០២១ សាលារៀនបានកសាងថ្មី មានភាពសមរម្យ ស្អាតបាត ឆ្លើយតបតម្រូវការរៀនសូត្ររបស់សិស្ស។ ជាពិសេស សាលាមានបន្ទប់រៀនគ្រប់សម្រាប់បង្ហាត់បង្រៀន ២ ពេល/ថ្ងៃ និងបង្កើនម៉ោងបង្រៀនអក្សរខ្មែរដល់សិស្សជនជាតិភាគតិច។ ថ្វីបើជាសាលារៀនថ្មី ប៉ុន្តែមុនពេលបើកបវេសនកាល សាលាបានសហការជាមួយនឹងមជ្ឈមណ្ឌលសុខាភិបាលបម្រុងស្រុក ធ្វើការបាញ់ថ្នាំកម្ចាត់មេរោគ ធានាសុវត្ថិភាពដល់សិស្សពេលចូលរៀន”។

សិស្សសាលាបឋមសិក្សាង្វៀនយូ ខ័ណ្ឌនិញកេវ ក្រុងកឹងធើ លាងដៃមុនពេលចូលសាលា។

តាមប្រសាសន៍អ្នកស្រីត្រឿងថាញ់ញឹង ប្រធានមន្ទីរអប់រំនិងបណ្ដុះបណ្ដាលខេត្តវិញឡុង៖ ផ្នែកបានសំណូមពរគ្រប់សាលារៀន ត្រួតពិនិត្យឡើងវិញមូលដ្ឋាន សម្ភារៈ កងជួរគ្រូបង្រៀន ដើម្បីជៀសវាងជួបលំបាកពេលឈានចូលឆ្នាំសិក្សាថ្មី។ ចំពោះសិស្សថ្នាក់ទី ១ ផ្នែកអប់រំភូមិភាគ ធានាបាន ១ បន្ទប់/ថ្នាក់ ដើម្បីអនុវត្តល្អកម្មវិធីអប់រំចំណេះទូទៅថ្មី។ ពិធីបើកបវេសនកាល បានអនុវត្តយ៉ាងអធិកអធម ប៉ុន្តែ ធានាគម្លាតពីគ្នាដើម្បីបង្ការប្រឆាំងជំងឺ COVID-១៩។ បងថាច់ថាញ់កុង នៅឃុំតឹងមី ស្រុកត្រាអូង ខេត្តវិញឡុង បានចែករំលែក៖ “ឃើញអ្នកគ្រូនៅសាលាមតេ្តយ្យតឹងមី ពួកគាត់ធ្វើការរៀបចំការងារត្រៀមបម្រុងអនាម័យបន្ទប់ និងបាញ់ថ្នាំជាប្រចាំ។ល។ ទើបខ្ញុំនឹងនរចិត្តជូនកូនៗមកកាន់សាលា”។

លោកង្វៀនថាញ់ម៉ុង នាយការិយាល័យមន្ទីរអប់រំនិងបណ្ដុះបណ្ដាលខេត្តហូវយ៉ាង ឱ្យដឹង៖ “គ្រប់សាលារៀនលើភូមិសាស្រ្តខេត្ត បានអនុវត្តល្អការងារបង្ការប្រឆាំងជំងឺCOVID-១៩ មុនពេលឈានចូលឆ្នាំសិក្សាថ្មី ២០២០-២០២១ ។ អាស្រ័យហេតុនោះ ទើបបង្កភាពជឿជាក់ដល់អាណាព្យាបាលសិស្សនៅពេលជូនកូនមកកាន់សាលា”៕

ហាថាញ់ - ថាច់ធី

ចែករំលែកអត្ថបទ

ពាក្យគន្លឹះ