មហាសាមគ្គីជនជាតិ គំរូក្នុងសហគមន៍

07/09/2020 - 16:21

យុវជនជឿនលឿនធ្វើតាមបណ្តាំអ៊ំ

បងត្រឹងសាមិញ ជាលេខាសម្ព័ន្ធយុវជនឃុំ ប្រធានសម្ព័ន្ធសមាគមយុវជនឃុំហ្វៀកហ្វា ស្រុកចូវថាញ់ ខេត្តត្រាវិញ។ បងតែងធ្វើជាគំរូដល់សមាជិកសម្ព័ន្ធយុវជនតាមរយៈការងារធ្វើប្រចាំថ្ងៃ។

លេខាសម្ព័ន្ធយុវជនឃុំ ត្រឹងសាមិញ។

ដោយគំនិតច្នៃប្រតិដ្ឋនិងអស់ពីចិត្តក្នុងការងារ បងមិញ បានញុាំងឱ្យសកម្មភាពសម្ព័ន្ធនិងចលនាយុវជនរបស់ឃុំហ្វៀកហ្វា មានរបៀបរៀបរយ ក្លាយជាអង្គភាពមួយត្រូវបានសមាគមថ្នាក់លើវាយតម្លៃខ្ពស់។ ក្នុងសកម្មភាព បងត្រឹងសាមិញ បានរួមជាមួយសម្ព័ន្ធយុវជនឃុំ ច្បាមកិច្ចចង្អុលការពីសម្ព័ន្ធយុវជនស្រុក ដើម្បីរៀបចំអនុវត្តចលនាជាច្រើន និងសកម្មភាពយ៉ាងផុសផុល ទាក់អារម្មណ៍ដល់សមាជិកសម្ព័ន្ធយុវជនជាជនជាតិខ្មែរចូលរួម។

បងត្រឹងសាមិញ ឱ្យដឹង៖ “ខ្ញុំតែងធ្វើជាគំរូ និងឈានមុខក្នុងការអនុវត្តរាល់សកម្មភាព ចលនានៅភូមិស្រុក រួមជាមួយគណៈប្រតិបត្តិការឃុំធ្វើយ៉ាងណាដើម្បីញុាំងសកម្មភាពសម្ព័ន្ធយុវជន និងចលនាកុមារា កុមារីរបស់ឃុំធ្វើសកម្មភាពស៊ីជម្រៅ មានគុណភាព។ ពិសេសខ្ញុំតែងជិតស្និទ្ធ ក្តាប់ពីបំណងប្រាថ្នារបស់សមាជិកសម្ព័ន្ធយុវជន។ ទន្ទឹមនឹងនោះ ខ្នះខ្នែងរៀនសូត្រ ស្វែងយល់ពីគំនិតច្នៃប្រតិដ្ឋ និងមានដំណោះស្រាយប្រកបដោយភាពជាក់ស្តែង។ល។ ដើម្បីទាក់ទាញសមាជិកសម្ព័ន្ធយុវជនចូលរួមច្រើនកុះករ”។

លេខាសម្ព័ន្ធយុវជន ត្រឹងសាមិញ (ខាងឆ្វេង) កំពុងពិភាក្សាការងារជាមួយសមាជិកសម្ព័ន្ធយុវជន។

ចាប់ពីឆ្នាំ ២០១៥ មកទល់ពេលនេះ បងត្រឹងសាមិញ ចលនាជួសជុលផ្ទះជូនគ្រួសារក្រីក្របាន ចំនួន ៨ ខ្នង គិតជាតម្លៃទឹកប្រាក់ជាង ២៤០ លានដុង។ សហការពិនិត្យ ផ្តល់ថ្នាំដោយឥតគិតថ្លៃជូនអ្នកជំងឺលើភូមិសាស្រ្តឃុំចំនួន ២៥០ នាក់ តម្លៃទឹកប្រាក់ជាង ៧០ លានដុង។ បំផុសចលនាសមាជិកសម្ព័ន្ធយុវជនចេញដំណើរការអនុវត្ត ១៥ លើក “ថ្ងៃសៅរ៍ស្ម័គ្រចិត្ត” និង “ថ្ងៃអាទិត្យបៃតង”។ ចលនាសមាជិកសម្ព័ន្ធយុវជនបរិច្ចាគឈាម ៨៥ ប្លោក ក្នុងនោះ រូបគាត់ផ្ទាល់បានស្ម័គ្រចិត្តបរិច្ចាគឈាមចំនួន ៣ លើក។ ព្រមជាមួយនោះ រក្សាល្អក្លឹបភាសាខ្មែរនៅនឹងស្ថាប័នគណៈកម្មាធិការបក្ស គណៈកម្មាធិការប្រជាជនឃុំហ្វៀកហ្វា ដោយមានការរួមចំណែករបស់បង ៣ ឆ្នាំបន្តបន្ទាប់ សមាគមសម្ព័ន្ធយុវជនឃុំហ្វៀកហ្វាសម្រេចភារកិច្ចឆ្នើម ឈានមុខក្នុងការងារសមាគមនិងចលនាយុវជនលើភូមិសាស្រ្តស្រុកចូវថាញ់។

សមមិត្តឌិញយ្វីថៀង អនុលេខាគណៈកម្មាធិការបក្សឃុំហ្វៀកហ្វា ឱ្យដឹង៖ “សមមិត្តត្រឹងសាមិញ ជាលេខាសម្ព័ន្ធយុវជនឃុំមានភាពស្វាហាប់ ជាគំរូឆ្នើម ជាពិសេសសមមិត្តបានសម្ព័ន្ធយុវជនខេត្ត សមាគមសម្ព័ន្ធយុវជនវៀតណាមខេត្ត ជូនប័ណ្ណនិងលិខិតសរសើរជាច្រើនជាមួយនឹងកិត្តិនាម “យុវជនជឿនលឿនធ្វើតាមបណ្តាំអ៊ំ” ថ្នាក់ខេត្តដំណាក់កាល ២០១៦-២០១៨៕

ស៊ឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ