មហាសាមគ្គីជនជាតិ ភូមិស្រុកផ្លាស់ថ្មី

01/09/2020 - 17:09

រួមកម្លាំងកសាងផ្លូវភ្លឺ-បៃតង-ជ្រះស្អាត

មាមីងខ្មែរនៅភូមិបឹងកក់ ឃុំភូមី ស្រុកមីទូ ខេត្តសុកត្រាំង មានភាពរីករាយខណៈពេលដងផ្លូវក្នុងភូមិត្រូវបានបំពាក់អំពូលភ្លើងថាមពលព្រះអាទិត្យ ជួយឱ្យមានភាពងាយស្រួលក្នុងការធ្វើដំណើរនាពេលយប់។

បង្គោលអំពូលភ្លើងថាមពលព្រះអាទិត្យ ត្រូវបានបំពាក់នៅភូមិបឹងកក់ ឃុំភូមី។

យោងតាមថេរដីកាព្រះតេជព្រះគុណ លីវហ្វៀង ព្រះចៅអធិការវត្តបឹងកក់៖ ការបំពាក់អំពូលភ្លើងផ្លូវត្រូវបានរដ្ឋអំណាចភូមិភាគចលនាអនុវត្តលក្ខឋានជនបទថ្មី ស្ដីពីកសាងផ្លូវភ្លឺ-បៃតង-ជ្រះស្អាត។ ដំបូង រដ្ឋអំណាចចលនាបំពាក់អំពូលភ្លើងអគ្គិសនីធម្មតា ប៉ុន្តែលំបាកក្នុងការបង់ថ្លៃភ្លើង។ ហេតុនោះ អាត្មាភាពបានពិគ្រោះយោបល់ជាមួយគណៈកម្មការវត្ត បវារណាពុទ្ធបរិស័ទបំពាក់អំពូលភ្លើងថាមពលព្រះអាទិត្យ។ ព្រះតេជព្រះគុណ លីវហ្វៀង មានថេរដីកា៖ “ពេលឮអាត្មាភាពវែកញែកអស់អាថ៌ពីផលប្រយោជន៍នៃការអុជបំភ្លឺតាមផ្លូវ មាមីងពុទ្ធបរិស័ទក៏យល់ស្រប ហើយចលនាកូនចៅក្នុងគ្រួសារចូលរួមកសាង”។ សព្វថ្ងៃ អំពូលភ្លើងថាមពលព្រះអាទិត្យត្រូវបានបំពាក់តាមផ្លូវនៅភូមិបឹងកក់និងភូមិត្រាលៃ (ភូមិដៃដូនអុយ) ចម្ងាយជាង ១,៥ គីឡូម៉ែត្រ មានបង្គោលភ្លើងទាំងអស់ ៤៨ ដើម។ គិតមធ្យមភាគបង្គោលភ្លើងមួយដើមមានតម្លៃជាង ៣,២ លាន ដុង អាស្រ័យប្រជាជនរួមវិភាគទាន។ លោកថាច់ហៀង នៅភូមិបឹងកក់ ឱ្យដឹង៖ “ចាប់តាំងពីមានភ្លើងបំភ្លឺផ្លូវ ការបើកម៉ូតូពេលយប់មិនបារម្ភគ្រោះថ្នាក់ចរាចរនិងមិនខ្លាចលួចប្លន់។ ពិសេស មាមីងនៅទាំងដាំផ្កាលម្អនៅមុខផ្ទះនិងជម្រះស្មៅជាដើម ញុាំងឱ្យទេសភាពក្នុងភូមិកាន់តែមានភាពស្រស់ស្អាត”។

សង្កេតឃើញប្រសិទ្ធភាពនៃទម្រង់បំពាក់អំពូលភ្លើងថាមពលព្រះអាទិត្យ ឃុំភូមីក៏ចាប់ផ្ដើមពង្រីកទម្រង់ចុះទៅភូមិផងឯទៀត។ លោកថាច់មិញឡី អនុប្រធានគណៈកម្មាធិការប្រជាជនឃុំភូមី ឱ្យដឹង៖ “មានអំពូលភ្លើងផ្លូវ គឺការរួមចំណែកបំភ្លឺភូមិស្រុកផង និងរក្សាសន្តិសុខសណ្ដាប់ធ្នាប់នៅភូមិភាគផង។ ផ្ដើមពីប្រសិទ្ធភាពនៃការបំពាក់អំពូលអគ្គិសនីថាមពលព្រះអាទិត្យនៅភូមិបឹងកក់ ឃុំនឹងសហការជាមួយនឹងអ្នកមានប្រជាប្រិយនៅភូមិពពុះទឹក ចលនាប្រជាជនចូលរួមវិភាគទានបំពាក់អំពូលភ្លើង ថាមពលព្រះអាទិត្យនៅតាមផ្លូវជនបទថ្មីគំរូចម្ងាយជាង ១ គីឡូម៉ែត្រ ត្រូវការបង្គោលភ្លើងជាង ៣០ ដើម គិតជាថវិកាប្រមាណ ១០០ លានដុង។ ទោះបីទម្រង់នេះចាប់ផ្ដើមដំបូងចំណាយថវិកាច្រើនក៏ដោយ ប៉ុន្តែបានប្រជាជនគាំទ្រព្រោះមិនបាច់បង់ប្រាក់ភ្លើងប្រចាំខែ”៕

លីធាន - ថាច់ធី

ចែករំលែកអត្ថបទ

ពាក្យគន្លឹះ