គោលនយោបាយ -ការរស់នៅ គោលនយោបាយ

03/08/2020 - 16:48

ប្រជាជនស្ម័គ្រចិត្តចូលរួមធានារ៉ាប់រងសុខាភិបាលកាន់តែកើនឡើង

ធានារ៉ាប់រងសង្គមនៅស្រុកឡុងភូ ខេត្តសុកត្រាំង បានបង្កើនការផ្សព្វផ្សាយ ដើម្បីជួយប្រជាជនយល់ពីផលប្រយោជន៍ នៅពេលចូលរួមធានារ៉ាប់រងសុខាភិបាល។ តាមរយៈនោះ ជួយប្រជាជនឱ្យយល់កាន់តែច្បាស់ពីរបបនិងគោលនយោបាយនៃធានារ៉ាប់រងសុខាភិបាល ក្នុងការពិនិត្យនិងព្យាបាលជំងឺ។

វេជ្ជបណ្ឌិតពិនិត្យជំងឺដល់អ្នកជំងឺប្រើប័ណ្ណធានារ៉ាប់រងសុខាភិបាលនៅមជ្ឈមណ្ឌលសុខាភិបាលស្រុកឡុងភូ។

ទូទាំងស្រុកឡុងភូ មានប្រជាជនចូលរួមធានារ៉ាប់រងសុខាភិបាលជាង ៩៨,៩%។ រៀងរាល់ឆ្នាំ ស្រុកបានចំណាយថវិកាជាង២៨ពាន់លានដុង ដើម្បីជំនួយធានារ៉ាប់រងសុខាភិបាលសម្រាប់អ្នកទទួលផលតាមសេចក្តីកំណត់។ ទន្ទឹមនឹងនោះ មូលដ្ឋានពិនិត្យនិងព្យាបាលជំងឹ បានខិតខំបង្កើនគុណភាពសេវាសុខាភិបាល ដើម្បីជួយឱ្យប្រជាជនបានខិតជិតសេវាសុខាភិបាលល្អបំផុត។ លោកហាងហ៊ឹង នៅភូមិតឹងក្វី A ឃុំតឹងហ៊ឹង ឱ្យដឹង៖ “គ្រួសារខ្ញុំជាគ្រួសារក្រីក្រ ម៉្លោះហើយ បានរដ្ឋជូនប័ណ្ណធានារ៉ាប់រងសុខាភិបាល។ ដោយសារតែសុខភាពមិនសូវល្អ ខ្ញុំត្រូវសម្រាកព្យាបាលនៅមន្ទីរពេទ្យជាញឹកញាប់។ ប្រសិនបើខ្ញុំមិនមានប័ណ្ណធានារ៉ាប់រងសុខាភិបាលទេ ប្រហែលជាខ្ញុំមិនរស់រហូតដល់សព្វថ្ងៃនេះទេ”។ អ៊ំស្រីសើុងធីអាញហុង នៅភូមិទឹកប្រៃ ឃុំឡុងភូ បានឱ្យដឹង៖ “ខ្ញុំបានរដ្ឋជូនប័ណ្ណធានារ៉ាប់រងសុខាភិបាល ម៉្លោះហើយពេលខ្ញុំវះកាត់ពោះវៀនដុះខ្នែងក៏មិនសូវបង់ប្រាក់ប៉ុន្មាន។ ក្នុងកំឡុងពេលសម្រាកព្យាបាល គ្រូពេទ្យតែងអស់ពីចិត្តថែទាំ ក៏ដូចជាណែនាំពីរបៀបផឹកថ្នាំ បរិភោគ និងសម្រាកព្យាបាល ដូច្នេះខ្ញុំមានការស្ងប់ចិត្តច្រើនដែរ។ មានប័ណ្ណធានារ៉ាប់រងសុខាភិបាលពិតជាមានប្រយោជន៍ណាស់ មិនបង់ប្រាក់ច្រើនសម្រាប់ការពិនិត្យជំងឺម្តងៗ” ។

បច្ចុប្បន្ន មូលដ្ឋានពិនិត្យនិងព្យាបាលជំងឺទាំង ១០០% បានចុះកិច្ចសន្យាពិនិត្យនិងព្យាបាលជំងឺដោយប្រើប័ណ្ណធានារ៉ាប់រងសុខាភិបាល។ រៀងរាល់ឆ្នាំ ធានារ៉ាប់រងសង្គមស្រុកនិងមជ្ឈមណ្ឌលសុខាភិបាលឡុងភូ បានចុះកិច្ចសន្យាលើកម្មវិធីសហការសកម្មភាពក្នុងការអនុវត្តគោលនយោបាយច្បាប់ស្តីពីធានារ៉ាប់រងសុខាភិបាល។ ឆ្លងតាមរយៈ ដោះស្រាយបានទាន់ពេល រាល់បញ្ហាប្រឈមក្នុងការពិនិត្យនិងព្យាបាលជំងឺ ដោយប្រើប័ណ្ណធានារ៉ាប់រងសុខាភិបាលនៅលើភូមិសាស្រ្តស្រុក។ វេជ្ជបណ្ឌិត ឡឹមវ៉ាន់តើយ នាយកមជ្ឈមណ្ឌលសុខាភិបាលស្រុកឡុងភូ មានប្រសាសន៍៖ “ប្រជាជនជាង ៩៥% បានមកពិនិត្យ និងព្យាបាលជំងឺដោយប្រើប័ណ្ណធានារ៉ាប់រងសុខាភិបាល។ ពេលមានប័ណ្ណធានារ៉ាប់រងសុខាភិបាល អ្នកជំងឺត្រូវបានធានាជួយបង់ប្រាក់ពី ៨០-១០០% សម្រាប់សេវាពិនិត្យនិងព្យាបាល ហើយគុណភាពសេវាសុខាភិបាលដូចគ្នា។ ពិសេស នៅពេលអ្នកជំងឺមានការវះកាត់ ហើយមានប័ណ្ណធានារ៉ាប់រងសុខាភិបាលត្រូវចំណាយប្រាក់តិចជាង ជួនកាលមិនបង់សោះក៏សឹងមាន រីឯអ្នកដែលគ្មានប័ណ្ណធានារ៉ាប់រងសុខាភិបាល គឺត្រូវបង់ថ្លៃសេវាព្យាបាល ១០០%។ ដោយឃើញពីផលប្រយោជន៍ក្នុងការពិនិត្យនិងព្យាបាល ដែលប្រើប័ណ្ណធានារ៉ាប់រងសុខាភិបាល ម៉្លោះហើយប្រជាជនស្ម័គ្រចិត្តចូលរួមកាន់តែច្រើនឡើងៗ៕

យ្វីអាញ់ - ទីទុយ

ចែករំលែកអត្ថបទ

ពាក្យគន្លឹះ