សន្តិសុខ - ការពារប្រទេស សន្តិសុខ

27/07/2020 - 16:11

កងសេនាជនខ្មែរពង្រីកតួនាទីបក្ខជន

បច្ចុប្បន្ន ក្នុងចំណោមកម្មាភិបាល យុទ្ធជនកងសេនាជននៅខេត្តគៀងយ៉ាង មានបក្ខជនជាង ២០,៧%។ ច្រើនឆ្នាំមកនេះ កងជួរបក្ខជនក្នុងកងសេនាជនតែងពង្រីកតួនាទីគំរូឈានមុខក្នុងសកម្មភាព ក៏ដូចជាការឧបត្ថម្ភជួយគ្នាអភិវឌ្ឍសេដ្ឋកិច្ចគ្រួសារ លំនឹងជីវភាព ក្នុងនោះមានបក្ខជនខ្មែរជាច្រើន។

ផលិតផលដូងលម្អរបស់បងយ័ញយ៉ាវ។

បក្ខជននិយាយដោយឡែក កងសេនាជនស្រុកហ្គវ៉ាវនិយាយរួម តែងលើកកម្ពស់ការទទួលខុសត្រូវ សកម្មចូលរួមហ្វឹកហ្វឺន រៀងរាល់ឆ្នាំសម្រេចភាគកម្រិត ១០០% និងសហការយាមល្បាត ធានាសន្តិសុខសណ្តាប់ធ្នាប់សង្គម ក៏ដូចជាការចលនាបដិវត្តន៍ ការចលនានៅភូមិភាគ។ វរសេនីយ៍ឯកបម្រុង ង្វៀនវ៉ាន់ឡែ ស្នងការនយោបាយនៃគណៈបញ្ជាការយោធាស្រុកហ្គវ៉ាវ ឱ្យដឹង៖ “ដោយការខិតខំប្រឹងប្រែងរបស់បក្ខជនក្នុងកងសេនាជន គណៈកម្មាធិការបក្ស គណៈបញ្ជាការយោធាស្រុក សហការជាមួយនឹងគណៈចាត់តាំងនៃគណៈកម្មាធិការបក្សស្រុក និងការិយាល័យមហាផ្ទៃ ស្នើតែងតាំង សមមិត្ត ៤ រូប ពីយុទ្ធជនប្រចាំការឡើងមេបញ្ជាការរងនៃគណៈបញ្ជាការយោធាឃុំ”។

ក្នុងចំណោម៤រូបខាងលើ មានបងហ្វិញវ៉ាន់ហេន យុទ្ធជនប្រចាំការនៃគណៈបញ្ជាការយោធាឃុំឌិញអាង។ ឆ្នាំ ២០០៧ បងហេន ស្ម័គ្រចិត្តចូលបម្រើកងទ័ព រួចបានចូលកងជួរបក្ស។ ក្រោយពីសម្រេចកាតព្វកិច្ចយោធា បងចូលរួមកងសេនាជននៅឃុំ។ បងហេន ឱ្យដឹង៖ “ក្រៅពីពេលបំពេញការងារ ខ្ញុំឆ្លៀតដាំដូង ចិញ្ចឹមមាន់ ទា ថ្លាន់ ពស់ចាន់ល្មម។ល។ រកបានប្រាក់ចំណូលមធ្យមប្រមាណ៥លានដុងរៀងរាល់ខែ គ្រប់ចិញ្ចឹមកូនពីរនាក់រៀនសូត្រ”។

ចំពោះបក្ខជនយ័ញយ៉ាវ ប្រធានកងសេនាជនឃុំប៊ិញអាង (ចូវថាញ់) ចាប់ពីអនុវត្តទម្រង់ដាំត្រចៀកក្រាញ់ បានជួយឱ្យគ្រួសារបងចាកផុតពីភាពក្រីក្រ។ ជាពិសេស ចាប់ពីឆ្នាំ ២០១៩ ឆ្លងតាមការណែនាំរបស់មិត្តភ័ក្តិនិងសិក្សាលើបណ្ដាញ បងយ៉ាវ ចាប់ផ្តើមធ្វើដូង លម្អ ។ល។ “ខ្ញុំរកបានប្រាក់ចំណូលមធ្យមពី ៣-៤ លានដុងរៀងរាល់ខែ។ ឆ្លងតាមរយៈនោះ ខ្ញុំក៏ឧទ្ទេសនាមដល់បងប្អូនក្នុងកងសេនាជនសិក្សាស្វែងយល់ មកទល់ពេលនេះមានសមមិត្ត៣រូបបានធ្វើតាម រកបានប្រាក់ចំណូល ជីវភាពលំនឹងជាងមុន” បងយ៉ាវ បានឱ្យដឹងដូច្នេះ។

សេនាជនដែលជាបក្ខជនមិនត្រឹមតែសម្រេចភារកិច្ចបានល្អប៉ុណ្ណោះទេ នៅទាំងខិតខំឈានឡើងចាកផុតពីភាពក្រីក្រ ផ្តើមពីទម្រង់អភិវឌ្ឍសេដ្ឋកិច្ច បានបង្ហាញពីការ “និយាយមុន ធ្វើមុន” ក្លាយជាគំរូលេចធ្លោសម្រាប់មហាជនយកតម្រាប់តាម៕

ហូគៀងយ៉ាង-វិមាន

ចែករំលែកអត្ថបទ

ពាក្យគន្លឹះ