មហាសាមគ្គីជនជាតិ ភូមិស្រុកផ្លាស់ថ្មី

06/07/2020 - 15:23

ជំរុញការឃោសនាក្នុងជនជាតិភាគតិច

(អាងយ៉ាង) តាមគណៈកម្មាធិការរណសិរ្សមាតុភូមិវៀតណាម ខេត្តអាងយ៉ាង នាពេលកន្លង រណសិរ្សមាតុភូមិគ្រប់លំដាប់ថ្នាក់ក្នុងខេត្ត រួមជាមួយអង្គការសមាជិកនិងផ្នែកពាក់ព័ន្ធនានា ផ្តុំកម្លាំងឃោសនានិងចលនាប្រជាជនទូទៅនិយាយរួមនិងជនជាតិភាគតិចនិយាយដោយឡែក ឱ្យយល់ច្បាស់ពីគោលការណ៍របស់បក្ស គោលនយោបាយនិងច្បាប់របស់រដ្ឋ។ ចលនាប្រជាជនសកម្មចូលរួមការចលនា៖ “ ទូទាំងប្រជាជន ចូលរួមកសាងជនបទថ្មីនិងទីក្រុងស៊ីវិល័យ ” “ ប្រជាជនវៀតណាមអាទិភាពប្រើប្រាស់ទំនិញរបស់វៀតណាម” និងសកម្មចូលរួម “ការការពារបរិស្ថាន និងទប់ទល់នឹងការប្រែប្រួលអាកាសធាតុ” ។ល។ មានទាំងការរួមបញ្ចូលឃោសនាអំពីទិសដៅអភិវឌ្ឍន៍សហស្សវត្សរ៍ដល់ជនជាតិភាគតិច ផ្សារភ្ជាប់នឹងទិសដៅអភិវឌ្ឍន៍ចីរភាព រួមចំណែកកាត់បន្ថយភាពក្រីក្រប្រកបដោយចីរភាពនិងកាត់បន្ថយគម្លាតអភិវឌ្ឍនៅតំបន់ជនជាតិភាគតិច។ល។ ឆ្លងតាមរយៈនោះ ដំណាក់កាល ២០១៤-២០១៩ រណសិរ្សមាតុភូមិគ្រប់លំដាប់ថ្នាក់រួមជាមួយអង្គការនយោបាយ-សង្គមនិងផ្នែកពាក់ព័ន្ធនានាផ្សព្វផ្សាយបានចំនួន ១.៣៦៣ លើក ដោយមានប្រជាជនចូលរួមចំនួន ៨៣.៩៩០ លើកនាក់។ សាងសង់និងជួសជុលផ្ទះមហាសាមគ្គីបាន ១.១៧៤ ខ្នង គិតជាតម្លៃទឹកប្រាក់ជាង ៣៩,៧ ពាន់លានដុង។

ក្រៅពីនេះ រណសិរ្សមាតុភូមិគ្រប់លំដាប់ថ្នាក់នៅខេត្តអាងយ៉ាងក៏បានធ្វើការត្រួតពិនិត្យជាច្រើនលើកនូវការអនុវត្តគោលនយោបាយជនជាតិ។ ឆ្លងតាមរយៈនោះ បានសំណូមពរដល់គណៈកម្មាធិការប្រជាជនគ្រប់ជាន់ថ្នាក់ដោះស្រាយឱ្យបានទាន់ពេលនូវភាពខ្វះខាតតាមច្បាប់រួមចំណែកបង្កើនពង្រឹងមហាសាមគ្គីទូទាំងប្រជាជន៕

ថាញឡុង-សុផន

ចែករំលែកអត្ថបទ

ពាក្យគន្លឹះ