មហាសាមគ្គីជនជាតិ ភូមិស្រុកផ្លាស់ថ្មី

11/05/2020 - 15:34

វិវឌ្ឍន៍យ៉ាងសកម្មដោយការកសាងជនបទថ្មី

ប៉ុន្មានឆ្នាំកន្លង ជំរុញអនុវត្តកសាងជនបទថ្មី ឃុំអាងហាវ ស្រុកទិញបៀង ខេត្តអាងយ៉ាង សម្រេចបានលទ្ធផលសំខាន់ៗជាច្រើន។ ក្នុងនោះ លេចធ្លោបំផុតគឺការប្ដូរផ្លាស់យ៉ាងសកម្មក្នុងការភ្ញាក់រលឹករបស់ជនរួមជាតិខ្មែរ ដែលចូលរួមកសាងភូមិ ស្រុក ផ្លូវស្អាតបាត ផ្ទះសម្បែងសមរម្យ រក្សាអនាម័យបរិស្ថាន។

ដងផ្លូវគមនាគមន៍ជនបទឃុំអាងហាវ។

អាងហាវ ជាឃុំមានជនរួមជាតិខ្មែរជាង៥០%។ លោកចៅរឹទ្ធី អនុប្រធានគណៈកម្មាធិការរណសិរ្សមាតុភូមិវៀតណាម ឃុំអាងហាវ ឱ្យដឹង៖ ឃុំមានគ្រួសារប្រជាជនប្រកបរបរកសិកម្មជិត៨០% ម្ល៉ោះហើយជីវភាពនៅមានការលំបាកច្រើន។ ថ្វីដ្បិតដូច្នោះក្តី ឆ្លងតាមរយៈការឃោសនាចលនារបស់រដ្ឋអំណាច គណៈ ផ្នែកអង្គការមហាជនភូមិភាគ បង្កបានការប្ដូរផ្លាស់យ៉ាងសកម្មក្នុងការភ្ញាក់រលឹករបស់ប្រជាជន រួមជាមួយភូមិភាគជំរុញនូវការចលនាប្រឡងប្រណាំងកសាងជនបទថ្មី។

លោកចៅឈឿន អ្នកមានប្រជាប្រិយនៅភូមិអាងហ្វា ឱ្យដឹង៖ “អាងហាវ ស្ថិតក្នុងដំណើរការកសាងជនបទថ្មី ដូច្នេះទាមទារការចូលរួមគាំទ្ររបស់ប្រជាជន។ ដោយបានប្រជាជនជឿទុកចិត្ត និងតែងតាំងជាអ្នកមានប្រជាប្រិយ ខ្ញុំតែងឈានមុខក្នុងការចលនានៅភូមិភាគ។ អាស្រ័យហេតុនោះ នៅពេលខ្ញុំចលនា គ្រួសារខ្មែរភាគច្រើនតែងយល់ស្របបរិច្ចាគដី បើកទូលាយផ្លូវគមនាគមន៍ជនបទ; បរិច្ចាគដីស្រែ ដើម្បីជីកស្ដារពង្រីកប្រឡាយសម្រាប់បម្រើការបង្វែររចនាសម្ព័ន្ធ បង្កើនប្រសិទ្ធភាពបង្កបង្កើនផលកសិកម្ម។ល។ រួមជាមួយរដ្ឋអំណាចកសាងជនបទថ្មី។ មិនតែប៉ុណ្ណោះ មាមីងមួយថ្ងៃកាន់តែខ្នះខ្នែងពលកម្មផលិត ដាំដុះ ចិញ្ចឹមសត្វ; ចេះសន្សំ ប្រិតសំចៃក្នុងការចាយវាយ។ល។ ម្ល៉ោះហើយជីវភាពបានធូរធារជាងមុនច្រើន”។

ទោះបីជាការប្រែប្រួលមិនច្រើនមែន ប៉ុន្តែមានភាពផ្លាស់ថ្មីយ៉ាងសកម្ម បង្កបានការវិវឌ្ឍដ៏ធំរបស់មាមីងខ្មែរ ដែលត្រូវបានថ្នាក់ដឹកនាំឃុំអាហាវ បូកសរុបនោះ គឺ៖ ជនរួមជាតិខ្មែរចូលរួមកសាងគមនាគមន៍ ប្រព័ន្ធលូទឹកក្នុងភូមិស្រុក។ ឆ្លងតាមរយៈនោះ មាមីងរួមជាមួយរដ្ឋអំណាចភូមិភាគបង្កើនកម្រិត និងចាក់បេតុងតាមដងផ្លូវក្នុងភូមិគោករំដែល សានូ នៅភូមិអាងថាញ់ដោយមានប្រវែងជាង៣,២ គ.ម។ រីឯគ្រួសារប្រជាជនដែលមានដីក្នុងតំបន់ទំនប់ធ្វើស្រែ៣រដូវ បានសាមគ្គីរួមកម្លាំង បានជីកស្តារប្រឡាយរាយរងដើម្បីងាយស្រួលក្នុងការដឹកជញ្ជូនក្នុងដំណាក់កាលវប្បកម្ម ដូច៖ កែប្រែភ្លឺប្រឡាយ សានូប្រឡាយ លេខ១៥; ផ្លូវភ្លឺទំនប់ N១ N២ជាដើម។ល។ ជនរួមជាតិខ្មែរចូលរួមដាក់អំពូលភ្លើងបំភ្លឺក្នុងភូមិព្រៃតាមុំ ចំណុះក្រុមលេខ ៧ និង ៨ នៅភូមិអាងឡើយ។ ជនរួមជាតិខ្មែរមានការយល់ដឹងក្នុងការចិញ្ចឹមសត្វ; គ្មានស្ថានភាពគ្រួសារប្រជាជនចិញ្ចឹមសត្វក្នុងផ្ទះទៀត។ ក្រៅពីនេះ សព្វថ្ងៃជនរួមជាតិខ្មែរមានស្មារតីភ្ញាក់រលឹកខ្ពស់ក្នុងការចាក់កាកសំណល់សំរាមត្រឹមត្រូវតាមការកំណត់ ដើម្បីរថយន្តដឹកទៅកាន់កន្លែងវិនិច្ឆ័យ ញុាំងឱ្យបរិស្ថានបៃតងស្អាតនៅតាមភូមិស្រុកលើភូមិសាស្រ្តឃុំ។

លោកចៅរឹទ្ធី ឱ្យដឹង៖ ឃុំអាងហាវ បានចាត់កម្មាភិបាល ឬក៏អ្នកមានប្រជាប្រិយក្នុងជនរួមជាតិខ្មែរ ដើម្បីលើកកម្ពស់ជាងទៀត ក្នុងការផ្សព្វផ្សាយពីគោលការណ៍របស់បក្ស ក្រឹត្យច្បាប់របស់រដ្ឋ។ ផ្តើមពីនោះ បង្កស្មារតីភ្ញាក់រលឹកស៊ីជម្រៅពីភារកិច្ចកសាងជនបទថ្មី គឺជាភារៈកិច្ចនិងផលប្រយោជន៍របស់ពលរដ្ឋម្នាក់ៗ រួមចំណែកដើម្បីឃុំអាងហាវកសាង សម្រេចឃុំជនបទថ្មីខ្នាតគំរូ ប្រកបដោយចីរភាព៕

ថាញ់ឡុង-លីសៀ

ចែករំលែកអត្ថបទ

ពាក្យគន្លឹះ