ព្រឹត្តិការណ៍ - នយោបាយ ព្រឹត្តិការណ៍

04/05/2020 - 15:40

ការពិនិត្យវាយតម្លៃរបស់រដ្ឋលើកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំដំណាក់កាល២០២១-២០៣០

នៅហាណូយ នាពាក់កណ្តាលខែមេសា ឆ្នាំ ២០២០ បានបើកកិច្ចប្រជុំក្រុមប្រឹក្សាពិនិត្យវាយតម្លៃរបស់រដ្ឋលើរបាយការណ៍ដាក់សំណើគោលការណ៍វិនិយោគកម្មវិធីទិសដៅជាតិ អភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល២០២១-២០៣០។ រដ្ឋមន្រ្តីក្រសួងផែនការនិងវិនិយោគ ង្វៀនជីយុង ប្រធានក្រុមប្រឹក្សា ដឹកនាំកិច្ចប្រជុំនេះ។

 ទិដ្ឋភាពអង្គប្រជុំ។

ថ្លែងការណ៍ក្នុងកិច្ចប្រជុំ រដ្ឋមន្រ្តីក្រសួងផែនការនិងវិនិយោគ ង្វៀនជីយុង សំណូមពរដល់សមាជិកក្រុមប្រឹក្សាគប្បីមានស្មារតីទទួលខុសត្រូវខ្ពស់ ផ្តុំកម្លាំងសិក្សាស្រាវជ្រាវលើខ្លឹមសារ ដែលស្ថាប័នបានចងក្រងដាក់ចេញដើម្បីធ្វើឱ្យសុក្រឹត ដាក់ជូនស្ថាប័នសមត្ថកិច្ចត្រូវតាមកាលកំណត់ ធានាប្រសិទ្ធភាព គុណភាពខ្ពស់។ ទន្ទឹមនឹងនោះ ធ្វើយ៉ាងណាដើម្បីកុំឱ្យផ្ទួនខ្លឹមសាររវាងកម្មវិធីទិសដៅជាតិនេះ ជាមួយកម្មវិធីទិសដៅជាតិទាំងពីរទៀតដែលកំពុងអនុវត្ត; ចំពោះបញ្ហាអាទិភាព គប្បីផ្តុំកម្លាំងវិនិយោគទៅលើតំបន់ជនជាតិភាគតិច ទៅតាមដំណាក់កាលនីមួយៗ មិនឱ្យមានខ្ជះខ្ជាយប្រភពធនធាន។ល។

ក្នុងកិច្ចប្រជុំ សមាជិកក្រុមប្រឹក្សាបានឯកភាពខ្ពស់ ជាមួយនឹងសំណើក្នុងរបាយការណ៍និងសំណុំលិខិតពិនិត្យវាយតម្លៃ; ការវាយតម្លៃខ្ពស់លើទិសដៅ និងភាពចាំបាច់នៃកម្មវិធី។ អ្នកតំណាងចូលរួមបានបញ្ជាក់៖ កម្មវិធីនេះ នឹងជម្នះបានការលំបាក និងភាពឱនថយនាបច្ចុប្បន្ន; បង្កបានការឯកភាព ធានាប្រសិទ្ធភាពក្នុងការរៀបចំអនុវត្តគោលនយោបាយជនជាតិ; រួមចំណែកយ៉ាងសំខាន់ក្នុងការលុបបំបាត់ភាពអត់ឃ្លាន កាត់បន្ថយភាពក្រីក្រ លើកស្ទួយជីវភាពប្រជាជន បង្កភាពទម្លុះទម្លាយក្នុងការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ។ល។

សរុបសេចក្តីក្នុងកិច្ចប្រជុំ រដ្ឋមន្រ្តីក្រសួងផែនការនិងវិនិយោគ ង្វៀនជីយុង បានវាយតម្លៃលើមតិរបស់សមាជិកដែលចូលរួម និងការងារត្រៀមបម្រុងរបស់គណៈកម្មការរៀបរៀង ព្រមទាំងក្រុមឯកទេសអន្តរផ្នែកផង។ ទន្ទឹមនឹងនោះ ក៏គូសបញ្ជាក់ពីគោលការណ៍ លក្ខណៈនៃកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនជាតិនិងតំបន់ភ្នំ ដំណាក់កាល២០២១-២០៣០; គប្បីផ្តោតទៅលើបញ្ហាដែលពាក់ព័ន្ធដល់ការកំណត់ដែលតម្រូវការ ដើម្បីដាក់ចេញការគិតគូរប្រភពធនធានជាក់ស្តែង; ការឯកភាពក្នុងការកំណត់ច្បាស់ទិសដៅ មុខសញ្ញាភូមិសាស្រ្ត ប្រភពធនធានដើម្បីអនុវត្តប្រកបដោយលក្ខណៈវិទ្យាសាស្រ្ត។ រដ្ឋមន្រ្តីង្វៀនជីយុង បានស្នើ៖ ផ្អែកលើមូលដ្ឋានមតិចូលរួមរបស់សមាជិកក្រុមប្រឹក្សាស្ថាប័នរៀបរៀង នឹងបន្តការច្បាមលើខ្លឹមសារដែលបានចែងក្នុងសេចក្តីសម្រេចចិត្ត សិក្សាស្រាវជ្រាវ សម្រង់សេចក្តីឱ្យសុក្រឹតលើរបាយការណ៍ដើម្បីដាក់ជូនស្ថាប័នសមត្ថកិច្ចតាមការកំណត់៕

យោង៖ http://ubdt.gov.vn -ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ