សន្តិសុខ - ការពារប្រទេស ការពារប្រទេស

30/03/2020 - 15:04

ជួយប្រជាជនជម្នះស្ថានភាពគ្រោះរាំងស្ងួត ជ្រាបទឹកប្រៃ

ប្រឈមនឹងគ្រោះរាំងស្ងួត ជ្រាបទឹកប្រៃកាន់តែធ្ងន់ធ្ងរ បញ្ជាការដ្ឋានកងទ័ពការពារព្រំដែន បានជូនបាសាំងទឹកនិងផ្គត់ផ្គង់ទឹកសាបឥតគិតថ្លៃដល់គ្រួសារគោលនយោបាយ និងគ្រួសារប្រជាជនដែលលំបាកពិសេស នៅតាមព្រំដែនសមុទ្រនៃខេត្តសុកត្រាំង។ នេះជាការងារជាក់ស្តែងបង្កើនសាមគ្គីភាពរវាងកងទ័ពនិងប្រជាជននៅតំបន់ឈរជើង។

ជូនបាសាំងទឹកដល់គ្រួសារប្រជាជនលំបាកពិសេសនៅឃុំទ្រុងប៊ិញ ស្រុកត្រឹងដេ ខេត្តសុកត្រាំង។

តាមនោះបញ្ជាការដ្ឋានកងទ័ពការពារព្រំដែនបានជូនបាសាំងទឹកចំនួន៣៥០ ចំណុះទឹក៥០០លីត្រដល់ក្រុមគ្រួសារ គោលនយោបាយ គ្រួសារក្រគ្មានទីពឹងចំនួន ៣៥០ ដោយមានតម្លៃសរុបជាង៥០០លានដុង។ ទន្ទឹមនឹងនោះ ផ្គត់ផ្គង់ទឹកសាបឥតគិតថ្លៃជាង ២០០ម៣ ដល់គ្រួសារដែលខ្វះទឹកស្អាតប្រើប្រាស់ នៅតាមឃុំ សង្កាត់និងទីប្រជុំជននានា នៅស្រុកត្រឹងដេ កូវឡៅយ៉ុងនិងក្រុងវិញចូវ។ លោកវរ សេនីយ៍ឯក ឡេវ៉ាន់អាញ ស្នងការនយោបាយរងកងទ័ពការពារព្រំដែនសុកត្រាំងមានប្រសាសន៍៖ “ នេះជាមនោសញ្ចេតនារបស់កម្មាភិបាល និង កងទ័ពការពារព្រំដែន ដើម្បីចែករំលែកការលំបាកជាមួយប្រជាជននៅរដូវរាំងស្ងួត ជ្រាបទឹកប្រៃ។ ព្រមទាំងរួមកម្លាំងជាមួយប្រជាជនដើម្បីទប់ទល់នឹងគ្រោះរាំងស្ងួត ជ្រាបទឹកប្រៃ សំដៅជួយប្រជាជនលំនឹងជីវភាព” ។

កម្មាភិបាល យុទ្ធជនបញ្ជូនទឹកស្អាតជូនដល់ប្រជាជនដោយឥតគិតថ្លៃ ដែលរងផលបះពាល់ដោយគ្រោះរាំងស្ងួត ជ្រាបទឹកប្រៃនៅស្រុកត្រឹងដេ។

ឆ្នាំនេះខេត្តសុកត្រាំងរងផលប៉ះពាល់យ៉ាង ធ្ងន់ធ្ងរដោយគ្រោះរាំងស្ងួតនិងជ្រាបទឹកប្រៃ។ ក្រៅពីការខូចខាតក្នុងការផលិតកសិកម្ម យោងតាមតួលេខស្ថិតិ ក្នុងខេត្តមានប្រជាជនជាង២៤.០០០គ្រួសាររងផលប៉ះពាល់ដោយសារគ្រោះរាំងស្ងួត ជ្រាបទឹកប្រៃចាំបាច់ត្រូវការដោះស្រាយបញ្ហាទឹកប្រើប្រាស់។ ចាប់ពីដើមឆ្នាំមក ដោយប្រភពថវិ កាដែលមានស្រាប់ និងដើមទុនដែលខ្ចីពីថវិការបស់ខេត្ត មជ្ឈមណ្ឌលផ្គត់ផ្គង់ទឹកស្អាតនិងអនាម័យបរិស្ថានជនបទបានដាក់ទុយោទឹកបន្លែមប្រវែងជាង២៤.០០០ម៉ែត្រ សម្រាប់បម្រើដល់ប្រជាជនជាង៥០០គ្រួសារ។ ក្នុងរយៈពេលខាងមុខនឹងដាក់ទុយោទឹកប្រវែងជាង៥៧៥.០០០ម៉ែត្រទៀត ដើម្បីផ្គត់ផ្គង់ទឹកដល់ប្រជាជនជិត១៩.០០០គ្រួសារ និងកសាងស្ថានីយ៍ផ្គត់ផ្គង់ទឹកចំនួន៣កន្លែង ដើម្បីផ្គត់ផ្គង់ទឹកដល់ប្រជាជនជិត៥.០០០គ្រួសារ។

លោក លឿងមិញក្វៀក នាយកមន្ទីរកសិកម្ម និងអភិវឌ្ឍន៍ជនបទខេត្តសុកត្រាំង បានមានប្រ សាសន៍៖“ ខេត្តកំពុងប្រឈមមុខនឹងស្ថានភាព គ្រោះរាំងស្ងួតយ៉ាងធ្ងន់ធ្ងរ មានតំបន់ខ្លះលំបាកពេក ខួងអណ្ដូងទឹកមិនទាន់បាន ហេតុនោះ តទុយោទឹកមិនទាន់ដល់។ គ្រួសារខ្លះនៅដាច់ដោយឡែកប្រើប្រាស់បាសាំងទឹក ហេតុនោះ បានជូនបាសាំងទឹកដល់មាមីង។ ដោយការជូនបាសាំងទឹក បញ្ជាការដ្ឋានកងទ័ពការពារព្រំដែន បានរួមកម្លាំងជាមួយប្រជាជនទប់ទល់នឹងគ្រោះរាំងស្ងួត ជ្រាបទឹកប្រៃ។ នេះជាការងារជាក់ស្តែង ត្រូវតាមកិច្ចចង្អុលការរបស់លេខាគណៈកម្មាធិការបក្សខេត្ត ខិតខំមិនទុកឱ្យគ្រួសារណាខ្វះទឹកក្នុងរដូវរាំងស្ងួតជ្រាបទឹកប្រៃឆ្នាំនេះ។ ”៕

យ៉ីអាញ់-សុផន

ចែករំលែកអត្ថបទ

ពាក្យគន្លឹះ