គោលនយោបាយ -ការរស់នៅ គោលនយោបាយ

30/03/2020 - 15:04

បង្កើនប្រាក់ចំណូលពីទម្រង់រកស៊ីសមស្រប

តាមប្រសាសន៍លោកត្រឿងសូហ្វី ប្រធានការិយាល៍យជនជាតិខណ្ឌអូរម៉ូង ក្រុងកឹងធើ ជីវភាពរបស់ជនជាតិភាគតិចនៅសង្កាត់ទ្រឿងឡាក ខណ្ឌអូរម៉ូងមានការផ្លាស់ប្តូរច្រើន អាស្រ័យប្រជាជនប្រើប្រាស់ប្រភពទុន ជំនួយរបស់រដ្ឋមានប្រសិទ្ធភាព។

នេះជាស្ពានមួយក្នុងចំណោមស្ពានទាំងបួន តភ្ជាប់ទៅតំបន់ដែល

មានជនរួមខ្មែររស់នៅកុះករ។

បងស្រីលីធីហ្វៀង ចូលរួមទម្រង់ “លក់នំប្រជាប្រិយចល័ត” បង្កើតដោយសហព័ន្ធ នារីសង្កាត់ ចែករំលែក៖ “ពីមុន ខ្ញុំទៅធ្វើការឈ្នួល អ្នកណាជួលធ្វើអ្វីក៏ធ្វើនោះ ប្រាក់ចំណូលរកបានមិនទៀងទាត់។ ចាប់តាំងពីបងប្អូននារី ហៅខ្ញុំចូលរួមទម្រង់លក់នំប្រជាប្រិយចល័ត ជីវភាពគ្រួសារមានភាពលំនឹងជាង។ រាល់ព្រឹក ខ្ញុំទៅផ្សារបាសែ រាប់នំពីបងប្អូននារី រួចយកទៅលក់នៅតាមបណ្តោយផ្លូវទំនប់លេខKH៨ ឆ្លងកាត់ មណ្ឌលប៊ិញអៀង និងប៊ិញឡើយ ។ មុនពេលចូលរួមទម្រង់នេះ បងប្អូននារីនៅក្នុងសមាគមក៏បានណែនាំឱ្យខ្ញុំទៅធនាគារគោលនយោបាយ បុលប្រាក់ដើម្បីធ្វើដើមទុន។ រាល់ព្រឹកលក់អស់នំ ខ្ញុំមកផ្ទះត្បាញកន្រ្តកជ័រ ប្រាក់ចំណូលរកបាន ក៏បានលំនឹងជាង”។ តាមបងស្រី លីធីទូទ្រិញ ប្រធានសមាគមនារីសង្កាត់ទ្រឿងឡាក៖ បងប្អូននារី មួយចំនួនចូលរួមទម្រង់“លក់នំប្រជាប្រិយចល័ត” ត្រូវបានបែងចែកជាពីរក្រុម គឺក្រុមធ្វើនំ និងលក់នំ ។ ក្រុមធ្វើនំម្នាក់ៗនឹងជ្រើសធ្វើនំមួយឬពីរប្រភេទដែលខ្លួនធ្វើឆ្ងាញ់បំផុត។ ព្រឹកព្រលឹម អ្នកធ្វើនំនឹងមកជុំគ្នានៅផ្សារបាសែ ដើម្បីរាប់ឱ្យអ្នកលក់។ ចំណែកនំនីមួយៗល្មមសម្រាប់អាហារពេលព្រឹក ហើយមានតម្លៃត្រឹម៥.០០០ដុង។ អ្នកលក់នឹងចែកផ្លូវគ្នាដើម្បីលក់ ។

បងប្អូននារីនៅមណ្ឌលប៊ិញអៀងត្បាញកន្រ្តកជ័រ ដើម្បីរកប្រាក់ចំណូលបន្ថែម។

លោក ហ្វិញវ៉ាន់ភូ អនុប្រធានសង្កាត់ទ្រឿងឡាក មានប្រសាសន៍៖ ការកសាងសម្រេចសំណង់ហេដ្ឋារចនាគមនាគមន៍លើភូមិសាស្រ្ត បានរួមចំណែកដល់ការអភិវឌ្ឍជីវភាពរបស់ប្រជាជនកាន់តែងាយស្រួលជាង ។ ថ្មីៗនេះ សង្កាត់បានបង្កើនកំរិតផ្លូវនៅមណ្ឌលប៊ិញអាន មានចម្ងាយជាង២គីឡូម៉ែត្រ ទទឹង៤ម៉ែត្រ រថយន្តកង់៤ អាចរត់ទៅមកបាន ។ ដោយឡែកពីរមណ្ឌលដែលមានជនរួមជាតិខ្មែររស់នៅកុះករគឺ ប៊ិញអៀង និងប៊ិញឡើយ ត្រូវបានតភ្ជាប់នឹងដងផ្លូវវ៉ុងគុង ដោយស្ពានបេតុង ស្ពានដែកយ៉ាងរឹងមាំចំនួន៤ខ្សែ ។ លោកលីចៀងថាំង នៅមណ្ឌលប៊ិញអៀង ឱ្យដឹងៈ “កាលពីមុន មាមីងនៅក្នុងមណ្ឌលនេះ ចង់ទៅដំណាក់សុខាភិបាលពិនិត្យជំងឺ ត្រូវរត់ត្រឡប់មកជិតដល់ផ្សារ ឆ្លងស្ពានដានតូច រួចរត់ត្រឡប់ទៅវិញទើបដល់ដំណាក់សុខាភិបាល។ ប៉ុន្តែ ឥឡូវនៅជិតដំណាក់មានស្ពានបេតុង រថយន្តកង់៤ អាចធ្វើដំណើរទៅមកបាន ម៉្លោះហើយអ្នកណាក៏ឃើញថាមានភាពងាយស្រួលក្នុងការរកស៊ីជួញដូរ។ នៅពេលដែលមានទំនិញកសិផល យើងដឹកជញ្ជូនដោយរថយន្តក៏ងាយស្រួលដែរ” ៕

ហាថាញ

ចែករំលែកអត្ថបទ

ពាក្យគន្លឹះ