មហាសាមគ្គីជនជាតិ ភូមិស្រុកផ្លាស់ថ្មី

24/02/2020 - 15:55

កសាងសាខាបក្សស្អាតស្អំ រឹងមាំ

ដោយការខិតខំប្រឹងប្រែងមិនឈប់ឈរ ៣ឆ្នាំបន្តបន្ទាប់ សាខាបក្សភូមិព្រែកពិន្ទង ឃុំភូមី ស្រុកមីទូ ខេត្តសុកត្រាំង បានទទួលស្គាល់ជា “សាខាបក្សស្អាតស្អំ រឹងមាំ គំរូ”។ នោះគឺជាសមិទ្ធផលនៃការខិតខំរបស់បក្ខជនម្នាក់ៗ សាមគ្គី ប្តេជ្ញាចិត្តខ្ពស់ក្នុងការអនុវត្តសម្រេចលើសបទដ្ឋាននៃសេចក្តីសម្រេចដាក់ចេញ។

ផ្តើមពីប្រភពទុននៃសង្គមូនីយកម្ម ផ្លូវជនបទជាច្រើននៅភូមិព្រែកពិន្ទងឆ្ពោះទៅទីប្រជុំជន សុទ្ធតែបានកសាងយ៉ាងរឹងមាំ។

តាមប្រសាសន៍លោកហ្វិញស្វឹងហ្វាង លេខាសាខាបក្សព្រែកពិន្ទង សាខាបក្សមានបក្ខជន១១រូប ក្នុងនោះជនជាតិខ្មែរ១០រូប។ រៀងរាល់ឆ្នាំ សាខាបក្សអនុវត្តយ៉ាងម៉ឺងម៉ាត់ការងារចាត់បក្ខជនចុះឈ្មោះខិតខំរៀនសូត្រលើកកម្ពស់ចំណេះដឹង បំពាក់បំប៉ននិងហ្វឹកហ្វឺនអត្តចរិត សីលធម៌ ទុកដូចជាភារកិច្ចដ៏សំខាន់ ដើម្បីកសាងអង្គការបក្សស្អាតស្អំ រឹងមាំគឺជាកត្តាសំខាន់ ដើម្បីសម្រេចបានល្អភារកិច្ចនយោបាយ។ ក្នុងកិច្ចប្រជុំសាខាបក្សរៀងរាល់ខែ គណៈកម្មាធិការសាខាបក្សផ្តុំកម្លាំងផ្សព្វផ្សាយអនុវត្តសេចក្តីសម្រេចរបស់គណៈកម្មាធិការបក្ខភាគថ្នាក់លើ។ ផ្តោតលើការទិតៀននិងស្វ័យទិតៀន ឈរលើស្មារតីប្រជាធិបតេយ្យ ស្ថាបនាគ្នាដើម្បីរីកចម្រើន។ ទន្ទឹមនឹងនោះ គណៈកម្មាធិការបក្សក៏ចាត់ឱ្យបក្ខជនម្នាក់ៗអនុវត្ត ត្រួតពិនិត្យភារកិច្ចដែលប្រគល់ឱ្យ ហើយរាយការណ៍អំពីលទ្ធផលអនុវត្តរៀងរាល់ខែ។

ព្រែកពិន្ទងគឺជាភូមិតំបន់ជ្រៅ ភូមិលំបាកខ្លាំងនិងភ្ជាប់ជាមួយភូមិភាគជាច្រើន ម៉្លោះហើយ ស្ថានភាពសន្តិសុខសណ្តាប់ធ្នាប់មានភាពស្មុគស្មាញបង្គួរ។ ពេលបានជ្រើសជាភូមិកសាងជនបទថ្មីគំរូ គណៈកម្មាធិការសាខាបក្សបានបញ្ជ្រាបសេចក្តីសម្រេចដល់បក្ខជនក្នុងសាខាបក្ស។ ផ្តើមពីនោះ សាខាបក្សបានផ្ដុំកម្លាំងចលនាប្រជាជនចុះឈ្មោះអនុវត្តខ្លឹមសារទាំង១១ និងបទដ្ឋានចំនួន១៥របស់គណៈប្រជាចលនាខេត្ត ។ ថ្នាក់ដឹកនាំនៃគណៈកម្មាធិការសាខាបក្ស ជាគំរូឈានមុខក្នុងការចលនាផ្សព្វផ្សាយជាប្រចាំ ដើម្បីប្រជាជនបានយល់និងព្រមអនុវត្តលក្ខឋានកសាងជនបទថ្មី។ ក្រៅពីនោះ បក្ខជនរាយការណ៍ពីល្បឿននៃការអនុវត្តក្នុងកិច្ចប្រជុំសាខាបក្សប្រចាំខែ។ ជាមួយនឹងការខិតខំប្រឹងប្រែងនោះ លក្ខឋានដែលសាខាបក្សដាក់ចេញត្រូវបានប្រជាជនគាំទ្រនិងអនុវត្ត។ ជាក់ស្ដែងគឺការងារសង្គមូបនីយកម្មក្នុងការកសាងផ្លូវជនបទ ដាក់អំពូលភ្លើងតាមដងផ្លូវ ដាក់កាមេរ៉ាសុវត្ថិភាពនិងការកាត់បន្ថយភាពក្រីក្រ។ បច្ចុប្បន្នដងផ្លូវទៅកាន់ភូមិព្រែកពិន្ទងត្រូវបានក្រាលបេតុងហើយដាក់អំពូលភ្លើងបំភ្លឺ និងដាក់កាមេរ៉ាសុវត្ថិភាព។ លោកយ័ញថាញ់ក្វាង មានក្តីមោទនភាព៖ “ កម្មាភិបាលភូមិសុទ្ធតែជាបុគ្គលគំរូ អស់ពីចិត្តនឹងការងារ សហការយ៉ាងជិតស្និទ្ធជាមួយប្រជាជន បង្កើតការជឿទុកចិត្តក្នុងប្រជាជន។ ហេតុនោះ ពេលដែលកម្មាភិបាលផ្សព្វផ្សាយចលនាគឺមាមីងយល់ភ្លាម ហើយចូលរួមនឹងរដ្ឋអំណាចភូមិភាគអនុវត្តយ៉ាងល្អ ចំណងមិត្តភាពភូមិផងរបងជាមួយត្រូវបានរឹតបន្តឹងជាង”។

“ទូទាំងឃុំមានសាខាបក្សចំនួន១២ សាខាបក្សភូមិព្រែកពិន្ទងគឺជាសាខាបក្សទី២ របស់ឃុំដែលរក្សាបានកិត្តិនាម “ស្អាតស្អំ រឹងមាំ គំរូ” រយៈពេលជាច្រើនឆ្នាំ ជាមួយការងារឆ្នើម គឺសង្គមូបនីយកម្មកសាងផ្លូវជនបទនិងលុបបំបាត់ភាពក្រីក្រ។ ជាក់ស្តែងនៅឆ្នាំ២០១៩ ចំនួនគ្រួសារចាកផុតពីភាពក្រីក្រក្នុងភូមិចំនួន១៥ លើស៣គ្រួសារបើប្រៀបនឹងភាគកម្រិតដាក់ចេញ។ អស់រយៈពេលជាច្រើនឆ្នាំបន្តបន្ទាប់ សាខាបក្សភូមិព្រែកពិន្ទងអនុវត្តសម្រេចលើសបទដ្ឋានដែលបក្ខភាគប្រគល់ឱ្យ”- លោកស៊ើងសារិន្ទ លេខាគណៈកម្មាការបក្សឃុំភូមី បានឱ្យដឹងដូច្នេះ៕

យ្វីអាញ់-លេងមី

ចែករំលែកអត្ថបទ

ពាក្យគន្លឹះ