សុខភាព - អប់រំ សុខភាព

20/01/2020 - 07:54

ថែទាំសុខភាពជូនប្រជាជន

រយៈពេលកន្លង គ្រប់ភូមិភាគលើភូមិសាស្រ្តខេត្តហូវយ៉ាង បានអនុវត្តល្អការថែទាំសុខភាពជូនជនរួមជាតិភាគតិច។

ចាប់តាំងពីដំណាក់សុខាភិបាលហ្វាអាង ស្រុកភុងហ៊ីបសម្រេចបទដ្ឋាន ប្រជាជនមកពិនិត្យព្យាបាលជំងឺកាន់តែច្រើន។

តាមការវាយតម្លៃរបស់គណៈជនជាតិខេត្តហូវយ៉ាង ឱ្យដឹង៖ ការងារថែទាំ ការពារនិងលើកកម្ពស់សុខភាពជូនប្រជាជននៅខេត្តហូវយ៉ាងត្រូវបានយកចិត្តទុកដាក់ សម្ភារៈពេទ្យ ប្រព័ន្ធពិនិត្យព្យាបាលជំងឺត្រូវបានវិនិយោគបង្កើនកម្រិត។ គុណភាពពិនិត្យព្យាបាលជំងឺមានភាពល្អប្រសើរ ដោយកងជួរបុគ្គលិកពេទ្យត្រូវបានពង្រឹងឥតឈប់ឈរ។ ដំណាក់សុខាភិបាលនៅតំបន់មានជនរួមជាតិខ្មែររស់នៅកុះករតែងមានវេជ្ជបណ្ឌិត។

សព្វថ្ងៃទូទាំងខេត្តហូវយ៉ាង មានមូលដ្ឋានសុខាភិបាលចំនួន៩៤កន្លែង មានវេជ្ជបណ្ឌិតចំនួន៥២៧នាក់ (ជនជាតិខ្មែរ២២នាក់) គ្រូពេទ្យចំនួន៥៣៩នាក់ (ជនជាតិខ្មែរ២៧នាក់) គិលានុបដ្ឋាកចំនួន៦៣៦នាក់ (ជនជាតិខ្មែរ២៤នាក់) មានដំណាក់សុខាភិបាលឃុំសម្រេចបទដ្ឋានជាតិចំនួន៧៦ស្រូបអត្រា១០០% ចំនួនគ្រួសារប្រើប្រាស់ប័ណ្ណធានារ៉ាប់រងសុខាភិបាលសម្រេចអត្រា៦២%។ ចាប់តាំងពីឆ្នាំ២០១៤មកទល់សព្វថ្ងៃ ខេត្តបានឧបត្ថម្ភទិញប័ណ្ណធានារ៉ាប់រងសុខាភិបាលជូនជនរួមជាតិភាគតិចរស់នៅតំបន់សេដ្ឋកិច្ច-សង្គមលំបាកចំនួន៤៩.០៤១លើកនាក់ សរុបថវិកាជាង២២ពាន់លានដុង។

មកពិនិត្យជំងឺនៅដំណាក់សុខាភិបាលឃុំតឹងប៊ិញ បងស្រីយ័ញធីថៀង នៅភូមិតឹង ក្វើយកិញ ឃុំតឹងប៊ិញ ស្រុកពុងហ៊ីប ឱ្យដឹង៖ "ចាប់តាំងពីដងផ្លូវបើហ្គង បានចាក់បេតុង ពេលឈឺថ្កាត់ម្ដងៗ ខ្ញុំបើកម៉ូតូទៅកាន់ដំណាក់សុខាភិបាល ដើម្បីពិនិត្យជំងឺមិនបង់ប្រាក់អ្វីឡើយ។ បងស្រីថាច់កីមកឿង អ្នករស់នៅក្នុងភូមិជាមួយបងថៀនដែរ បានរ៉ាយរ៉ាប់៖ "ប៉ុន្មានថ្ងៃនេះ កូនប្រសាខ្ញុំមានផ្ទៃពោះ បុគ្គលិកពេទ្យក្នុងភូមិបានណែនាំឱ្យឧស្សាហ៍មកដំណាក់សុខាភិបាលឃុំពិនិត្យគភ៌ ដ្បិតនៅទីនេះមានសម្ភារៈបរិក្ខារពេទ្យគ្រប់សព្វ"។ រីឯនៅឃុំហ្វាលឺវ ក្រុងវីថាញ់ លោកង្វៀនង៉ុកឡើយ អនុប្រធានគណៈកម្មាធិការប្រជាជនឃុំ បានវាយតម្លៃ៖ "អាស្រ័យការយកចិត្តទុកដាក់របស់រដ្ឋអំណាចគ្រប់លំដាប់ថ្នាក់ បានជាជនរួមជាតិភាគតិចលើភូមិសាស្រ្តបានទទួលការថែទាំសុខភាពគ្រប់សព្វ"។

លោកគីហ៊ីវថាញ់ អនុប្រធានគណៈជនជាតិខេត្តហូវយ៉ាង ឱ្យដឹងបន្ថែម៖ ក្រៅពីការងារធ្វើឱ្យសម្រេចបទដ្ឋាននៅគ្រប់ដំណាក់សុខាភិបាល លើកកម្ពស់គុណភាពកងជួរគ្រូពេទ្យ វេជ្ជបណ្ឌិត គ្រប់ដំណាក់សុខាភិបាលនៅតំបន់ជនរួមជាតិភាគតិច នៅទាំងកសាងបានកងជួរសហការីសុខាភិបាលជាជនជាតិភាគតិចទៀតផង។ ផ្តើមពីនោះ ការងារចលនាជនរួមជាតិភាគតិច "ហូបឆ្អិន ផឹកឆ្អិន" កាប់ឆ្ការព្រៃស៊ុមទ្រុមជាដើម ក៏មានភាពងាយស្រួលជាងមុន។ ការឧស្សាហ៍ច្បាមភូមិសាស្រ្តរបស់កងជួរសហការីសុខាភិបាល បានជួយប្រជាជនលើកកម្ពស់ស្មារតីពីការថែទាំសុខភាពផ្ទាល់ខ្លួននិងគ្រួសារ៕

ហាថាញ់ - ថាច់ធី

ចែករំលែកអត្ថបទ

ពាក្យគន្លឹះ