សន្តិសុខ - ការពារប្រទេស សន្តិសុខ

14/01/2020 - 08:56

ភាពពុះពោរនៃសកម្មភាពបុណ្យចូលឆ្នាំកងទ័ព-ប្រជាជនឆ្នាំ២០២០

* កម្មវិធីសិល្បៈ "មនោសញ្ចេតនាមិត្តរួមកង ភាពកក់ក្តៅទឹកចិត្តប្រជាជន" មានអត្ថន័យជាក់ស្តែង

សមមិត្តត្រឹងក្វឹកត្រុង លេខាគណៈកម្មាធិការបក្សក្រុងកឹងធើ ជូនផ្លាកនិមិត្តរូបនៃអំណោយ១០០ចំណែកដល់គ្រួសារក្រីក្រនៅសង្កាត់ថើយអាន។ រូបថត៖ ចឹងហឹង

កាលពីថ្ងៃ៧ ខែមករា បញ្ជាការដ្ឋានកងទ័ពក្រុងកឹងធើ និងគណៈកម្មាធិការប្រជាជនស្រុកកើ-ដ សហការបើកសកម្មភាពបុណ្យចូលឆ្នាំកងទ័ព-ប្រជាជនឆ្នាំ២០២០ នៅឃុំថើយស្វឹង ក្រោមបធានបទ "កងទ័ព-ប្រជាជនកឹងធើ រីករាយអំណរបុណ្យចូលឆ្នាំថ្មី រួមកម្លាំងកសាងជនបទថ្មីបង្កើនកម្រិត"។

បុណ្យចូលឆ្នាំថ្មីកងទ័ព-ប្រជាជនឆ្នាំ២០២០ ប្រព្រឹត្តឡើងចាប់ពីថ្ងៃទី៧ដល់ថ្ងៃទី១០ ខែមករា ដោយមានសកម្មភាពសម្បូរបែប ប្រកបដោយលក្ខណៈវប្បធម៌ជនជាតិនិងមនុស្សធម៌យ៉ាងជ្រាលជ្រៅ មានដូច៖ ផ្សព្វផ្សាយពីគោលមាគ៌ា គោលការណ៍ គោលនយោបាយរបស់បក្ស ច្បាប់របស់រដ្ឋ ទំនាក់ទំនងវប្បធម៌ សិល្បៈ កីឡា និងល្បែងប្រជាប្រិយ មានប្រណាំងទូកនាគ ប្រឡងវេចនំអន្សមជ្រូក ធ្វើតំណាប់ដូង។ល។ ទន្ទឹមនឹងនោះ គណៈកម្មការរៀបចំបុណ្យចូលឆ្នាំកងទ័ព-ប្រជាជន នៅទាំងរៀបចំពិនិត្យជំងឺនិងជូនថ្នាំដោយឥតគិតថ្លៃដល់ប្រជាជន ព្រមទាំងអញ្ជើញទៅសួរសុខទុក្ខនិងជូនអំណោយដល់គ្រួសារគោលនយោបាយ គ្រួសារក្រីក្រ ជូនអាហារូបករណ៍ដល់សិស្សក្រីក្រសង្វាតរៀនសូត្រ សង់ផ្ទះជូនគ្រួសារដែលជួបលំបាកខាងលំនៅឋាន។ល។ ចំណុចលេចធ្លោនៃព្រឹត្តិការណ៍សកម្មភាពបុណ្យចូលឆ្នាំកងទ័ព-ប្រជាជន គឺនៅរាត្រីសម្តែងសិល្បៈ បូកសរុបការងារបុណ្យចូលឆ្នាំកងទ័ព-ប្រជាជន បានផ្សាយបន្តផ្ទាល់លើទូរទស្សន៍នៅរាត្រីថ្ងៃ១០ ខែមករា។

កងប្រជាស្វ័យត្រាណជួយសង់ផ្ទះប្រជាជន ក្នុងឱកាសបុណ្យចូលឆ្នាំកងទ័ព-ប្រជាជននៅឃុំថើយស្វឹង។ រូបថត៖ ផាមត្រុង

ចាប់ពីថ្ងៃ៦ដល់ថ្ងៃ១០ ខែធ្នូ ឆ្នាំ២០១៩ កម្មាភិបាល យុទ្ធជនកងកម្លាំងប្រដាប់អាវុធក្រុង និងគណៈ ផ្នែក អង្គការមហាជននៅតាមភូមិភាគ បើកយុទ្ធនាការអនុវត្តការងារបុណ្យចូលឆ្នាំកងទ័ព-ប្រជាជន(លើកទី១) ដូច៖ កាប់ឆ្ការគុម្ពោតព្រៃ បោសសម្អាតផ្លូវ ជួយគ្រួសារប្រជាជនជួសជុលផ្ទះសម្បែង កសាងផ្លូវគមនាគមន៍។ល។

*ថ្ងៃ៦ខែមករា នគរបាលក្រុងកឹងធើ សហការជាមួយនឹងគណៈកម្មាធិការប្រជាជនខណ្ឌអូរម៉ូង រៀបចំកម្មវិធីសិល្បៈ "មនោសញ្ចេតនាមិត្តរួមកង ភាពកក់ក្តៅទឹកចិត្តប្រជាជន - កសាងសង្កាត់វប្បធម៌ ក្រុងស៊ីវិល័យ" នៅខណ្ឌអូរម៉ូង។ កម្មវិធី"មនោសញ្ចេតនាមិត្តរួមកង កក់ក្តៅទឹកចិត្តប្រជាជន" បានរៀបចំជោគជ័យលើភូមិសាស្រ្តខណ្ឌ ចាប់ពីថ្ងៃ២៨ ខែឆ្នូ ឆ្នាំ២០១៩ ដល់ថ្ងៃ៦ ខែមករា ឆ្នាំ២០២០ ដោយមានសកម្មភាពជាច្រើន ដូច៖ បើកយុទ្ធនាការផ្សព្វផ្សាយ ចែកចាយខិតប័ណ្ណដល់មហាជន ផ្សព្វផ្សាយអំពីច្បាប់សុវត្ថិភាពចរាចរ បង្ការនិងពន្លត់អគ្គិភ័យ បង្ការ ប្រឆាំងគ្រឿងញៀន។ល។ ពិនិត្យជំងឺនិងជូនថ្នាំដោយឥតគិតថ្លៃដល់អ្នកជំងឺចំនួន៩០០នាក់ ជូនអំណោយ៩០០ចំណែក និងធ្វើអត្តសញ្ញាណប័ណ្ណចល័តដល់គ្រួសារគោលនយោបាយ គ្រួសារក្រីក្រ ជនពិការនៅសង្កាត់នានាក្នុងខណ្ឌអូរម៉ូង ដូច៖ ថើយឡុង ឡុងហឹង ភឿកថើយ និងត្រឿងឡាក់។ល។

ស្របឱកាសនេះដែរ សមមិត្តត្រឹងក្វឹកត្រុង លេខាគណៈកម្មាធិការបក្សក្រុង ជូនអំណោយ១០០ចំណែកដល់ប្រជាជនក្រីក្រនៅសង្កាត់ថើយអាន នគរបាលក្រុងជូនអំណោយដល់កម្មាភិបាល យុទ្ធជន២១រូប ចំណុះនគរបាលខណ្ឌ ស្រុក ដែលមានស្ថានភាពលំបាក សរុបទឹកប្រាក់១២៣លានដុង ជូនអាហារូបករណ៍២០ចំណែកដល់សិស្សក្រីក្រសង្វាតរៀនសូត្រ (ក្នុងមួយចំណែកស្មើនឹងទឹកប្រាក់១លានដុង)។ ក្រៅពីនោះ មានគ្រួសារគំរូចំនួន១០អនុវត្តការចលនាទូទាំងប្រជាជនចូលរួមការពារសន្តិសុខមាតុភូមិលើភូមិសាស្រ្ត បាននាយកនគរបាលក្រុងកឹងធើជូនលិខិតសរសើរ៕

សារព័ត៌មានកឹងធើភាសាខ្មែរ

ចែករំលែកអត្ថបទ

ពាក្យគន្លឹះ