សុខភាព - អប់រំ អប់រំ

14/01/2020 - 08:56

ម៉ាស៊ីនបោកគក់ប្រិតសំចៃ

មានវិធានការចំនួន៩៤ បានចូលរួមប្រឡងច្នៃប្រតិដ្ឋរបស់យុវជនយុវនារីខេត្តត្រាវិញ លើកទី៧ ឆ្នាំ២០១៩ ។ វិធានការទាំងអស់ផ្តុំទៅលើវិស័យមួយចំនួនដូច៖ ឧបករណ៍សម្រាប់បង្រៀន ផលិតផលដែលជិតស្និទ្ធនឹងបរិស្ថាន របស់របរប្រើប្រាស់ក្នុងគ្រួសារនិងសម្រាប់កុមារលេង ការពារបរិស្ថាន ទប់ទល់នឹងការប្រែប្រួលអាកាសធាតុ អភិវឌ្ឍសេដ្ឋកិច្ច។ល។ ក្នុងនោះ មានវិធានការ “ម៉ាស៊ីនបោកគក់ប្រិតសំចៃ” របស់ក្រុមច្នៃប្រតិដ្ឋ ថាច់ភីឡុង សើុនយុងអៀង ត្រឹងត្រឿងង៉ុកហឹង (អនុវិទ្យាល័យជនជាតិអន្តេវាសិកស្រុកកាងឡុង ជាប់លេខ២។

សិស្សអនុវិទ្យាល័យជនជាតិអន្តេវាសិកស្រុកកាងឡុង មានគំនិតច្នៃប្រតិដ្ឋម៉ាស៊ីនបោកគក់ប្រិតសំចៃ។

ម៉ាស៊ីនបោកគក់ គឺជាតម្រូវការចាំបាច់សម្រាប់គ្រួសារទាំងអស់។ វារឹតតែសំខាន់ចាំបាច់ ខណៈពេលជីវភាពមនុស្សយើងកាន់តែមានភាពមមាញឹកខ្លាំងពីមួយថ្ងៃទៅមួយថ្ងៃ។ ប្អូនសើុនយុងអៀង ឱ្យដឹង៖ “គ្រួសារប្អូនក្រលំបាក ម្ល៉ោះហើយម៉ាស៊ីនបោកគក់ គ្រាន់តែជាក្តីស្រមៃប៉ុណ្ណោះ។ មិនចំពោះតែប្អូនទេ សូម្បីមិត្តភ័ក្តិរួមថ្នាក់ជាច្រើន ក៏មានឪពុកម្តាយទៅធ្វើការឈ្នួលស្រុកឆ្ងាយ ពួកប្អូនរស់នៅជាមួយយាយតា។ ដោយសារកាលបរិច្ឆេទរៀនមួយថ្ងៃ២ពេល ពួកប្អូនតិចមានពេលបោកសម្លៀកបំពាក់ ម្ល៉ោះហើយប្អូនក៏មានគំនិតបង្កើតម៉ាស៊ីនបោកគក់ប្រិតសំចៃ តម្លៃថោក មិនបាច់ប្រើអគ្គិសនី ប្រិតសំចៃទឹក ដំណើរការដោយវិធីជាន់ជើងឈ្នាន់ ម៉ាស៊ីនក៏វិលដោយខ្សែច្រវាក់សម្រាប់បោកគក់សម្លៀកបំពាក់។ ពិសេសម៉ាស៊ីនបានជួយឪ្យការបោកគក់មានភាពងាយស្រួល ប្រិតសំចៃ ហើយជួយការពារនិងលត់ដំសុខភាពផង”។

“ម៉ាស៊ីនបោកគក់ប្រិតសំចៃ” មានរូបសណ្ឋានដូចប្រអប់៦ជ្រុង រួមមាន៖ ផ្ទៃមុខខាងលើជាគម្របកញ្ចក់ អាចនឹងមើលឃើញខាងក្នុង។ ក្នុងប្រអប់ម៉ាស៊ីនត្រូវបានផ្សារដោយបន្ទះដែកមានដាក់កែប ក្តុំកង់ភ្ជាប់ទៅនឹងលីប ត្រូវបានចាប់ជាប់នឹងស្នូលនៃប្រអប់ម៉ាស៊ីន។ គោលដៅនៃរូបសណ្ឋាននេះ សំដៅជួយឱ្យអ្នកប្រើប្រាស់អាចនឹងអង្គុយលើកែបជាន់ឈ្នាន់ដោយស្រួល ខណៈពេលបោកសម្លៀកបំពាក់។ ផ្នែកខាងក្នុងនៃប្រអប់ម៉ាស៊ីនមានថតសម្រាប់បោក គឺមានបំពង់ទទឹងត្រូវបានចាប់នឹងស្នូលកណ្តាល។ ស្នូលកណ្តាលនេះហើយ ដែលដាក់លីបនិងក្តុំកង់នៅពីខាងក្រៅធុងម៉ាស៊ីន។ “ម៉ាស៊ីនបោកគក់ប្រិតសំចៃ” ត្រូវបានផ្សានិងផ្គុំដោយមានទម្ងន់ស្រាលល្មម ខណៈពេលប្រើមិនបាច់ផ្គុំទៀត។ ហើយអាចរំកិលទៅគ្រប់ទីកន្លែងដោយងាយស្រួលផង។

អ្នកគ្រូង្វៀនហ្វិញញឺ គ្រូបង្រៀនណែនាំក្រុម ឱ្យដឹង៖ “ផ្តើមពីតម្រូវការនៃជីវភាពប្រចាំថ្ងៃ ប្អូនៗបានស្នើសុំបង្កើតវិធានការនេះ។ នេះជាបញ្ហាតូចក៏ពិតមែន ប៉ុន្តែមានអត្ថន័យជាក់ស្តែងក្នុងជីវភាព។ សង្ឃឹមថា ផ្តើមពីវណ្ណកម្មវិទ្យាសាស្រ្តរបស់ប្អូនៗក្នុងថ្ងៃនេះ នឹងជួយទ្រោលបំភ្លឺក្តីស្រមៃ បណ្តុះគំនិត ពង្រីកចំណេះដឹង បុគ្គលិកលក្ខណៈបម្រើជីវភាពទៅថ្ងៃអនាគត។ ម្យ៉ាងទៀត ឆ្លងតាមរយៈការកំណត់ទិស ការណែនាំសិស្សសិក្សាស្រាវជ្រាវ គ្រូបង្រៀនក៏បានលើកកម្ពស់សមត្ថភាពរបស់ខ្លួនផ្នែកខាងចំណេះដឹងដែលពាក់ពន្ធដល់វិធានការសិក្សាស្រាវជ្រាវវិទ្យាសាស្រ្តផងដែរ”៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ