សន្តិសុខ - ការពារប្រទេស សន្តិសុខ

23/12/2019 - 16:14

ប្រសិទ្ធភាពនៃទម្រង់"ធានាសុវត្ថិភាពចរាចរភូមិភ្ជាប់ភូមិ"

ចំពោះមុខស្ថានភាពអ្នកចរាចរជាច្រើននៅភូមិចុងក្រោម ភូមិភូមី ភូមិអូរយ៉ាយ ឃុំមីចាញ់ ស្រុកចូវថាញ ខេត្តត្រាវិញ មិនទាន់អនុវត្តត្រឹមត្រូវពីសណ្ដាប់ធ្នាប់សុវត្ថិភាពចរាចរ ដើមឆ្នាំ២០១៧ គណៈកម្មាធិការប្រជាជនឃុំមីចាញ់ បានស្នើបង្កើតទម្រង់ក្លិប"ធានាសុវត្ថិភាពចរាចរភូមិភ្ជាប់ភូមិ"។ ចាប់តាំងពីបង្កើតក្លិបមកទល់ឥឡូវ ទម្រង់បានពង្រីកប្រសិទ្ធភាពជាបណ្ដើរៗ ទាក់ទាញបានសមាជិកចូលរួមនិងប្រជាជនភូមិភាគគាំទ្រយ៉ាងសកម្ម។

នគរបាលឃុំមីចាញ់ ប្រជុំបែងភារកិច្ច ត្រៀមផ្សព្វផ្សាយ បង្ការប្រឆាំងបាបគ្រោះសង្គមដល់ប្រជាជន។

ដងផ្លូវជនបទភូមិភ្ជាប់ភូមិទាំង៣ខាងលើ សុទ្ធសឹងបានក្រាលកៅស៊ូ ហើយមានបណ្ដាញគមនាគមន៍ជាច្រើន ដូចជា៖ ផ្លូវជាតិ ផ្លូវឃុំភ្ជាប់ឃុំ ផ្លូវភូមិភ្ជាប់ភូមិ និងមានផ្លូវបែកច្រើន ដោយមានចំនួនប្រជាជនរស់នៅកុះករ និងយានជំនិះគ្រប់ប្រភេទធ្វើចរាចរ។ លោកត្រឹងវ៉ាន់តឺ ប្រធានក្លិប ឱ្យដឹង៖ "ពីមុននេះ ស្មារតីភ្ញាក់រលឹករបស់ប្រជាជននៅមានកម្រិត បើកបរភាគច្រើនមិនពាក់មួកសុវត្ថិភាព ពួកក្មេងស្ទាវជិះឆ្វែល រោទិ៍ម៉ាស៊ីនខ្លាំងៗ មានគ្រួសារមួយចំនួនធ្វើអាជីវកម្មរំលោភបំពានទ្រូងផ្លូវនិងចិញ្ចើមថ្នល់ ព្រមជាមួយនោះ មានគ្រួសារមួយចំនួនចងគោឱ្យស៊ីតាមផ្លូវបង្ករាំងស្ទះចរាចរ ជួនកាលដល់រដូវប្រមូលផលស្រូវ មានម៉ាស៊ីនប្រមូលផលកសិកម្មគ្រប់ប្រភេទបើកបរភក់ល្បាប់ធ្លាក់តាមផ្លូវបង្កខូចសន្ដិសុខសណ្ដាប់ធ្នាប់។ល។ អាស្រ័យក្លិបអនុវត្តល្អការងារផ្សព្វផ្សាយ ទើបសព្វថ្ងៃ ស្មារតីអនុវត្តច្បាប់ចរាចររបស់មាមីងបានលើកកម្ពស់យ៉ាងច្រើន។ ក្លិបមានសមាជិកចំនួន១៥នាក់ ប្រធានក្លិបគឺប្រធានគណៈកម្មការប្រជាជនភូមិ ចំណែកអនុប្រធានក្លិបគឺនគរបាលភូមិ។ គោលដៅនៃទម្រង់នេះ គឺជំរុញការផ្សព្វផ្សាយ អប់រំច្បាប់ចរាចរផ្លវគោក និងគោលនយោបាយ ច្បាប់របស់រដ្ឋ ស្ដីពីសណ្ដាប់ធ្នាប់សុវត្ថិភាពចរាចរជូនប្រជាជន អនុវត្តវិធានការធានាសុវត្ថិភាពចរាចរនៅជនបទ។ ក្នុងរយៈពេល៣ឆ្នាំកន្លង ក្លិបបានចលនា អប់រំយុវជនចំនួន៣១នាក់ដែលប្រព្រឹត្តល្មើសច្បាប់បានកែខ្លួនល្អ"។ ថាច់មករា នៅភូមិភូមី ឱ្យដឹង៖ "ប្អូនសូមអរគុណចំពោះគណៈកម្មការប្រធានក្លិបតែងចុះមកដល់ផ្ទះលើកទឹកចិត្ត ដាស់តឿនជារឿយៗ ម្ល៉ោះហើយប្អូនលែងផឹកសុរា ប៊ីយែ បញ្ជិះម៉ូតូរោទ៍ម៉ា ស៊ីនខ្លាំងៗ បង្កឱ្យខូចសណ្ដាប់ធ្នាប់សុវត្ថិភាពចរាចរទៀត"។

វរសេនីយ៍ទោ ឡេវ៉ាន់ដុកឡឹប ប្រធាននគរបាលឃុំមីចាញ់ ឱ្យដឹង៖ "នេះជាទម្រង់ដំណើរការប្រកបដោយប្រសិទ្ធភាព រៀងរាល់ខែ រៀងរាល់ត្រៃមាសតែងធ្វើការប្រជុំ ប្រគល់ភារកិច្ចច្បាស់លាស់ដល់សមាជិកក្លិបគ្រប់រូប ការងារផ្សព្វផ្សាយ អប់រំសម្រេចបានលទ្ធផលខ្ពស់ ជួយដល់ពួកក្មេងស្ទាវកែប្រែផ្នត់គំនិត។ល។ នេះជាទម្រង់មួយដំណើរការមានប្រសិទ្ធភាពក្នុងចំណោមទម្រង់ទាំង៧ដែលផ្សព្វផ្សាយអនុវត្តលើភូមិសាស្រ្តស្រុកចូវថាញ់ នារយៈពេលកន្លង"៕

ស៊ើងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ