សុខភាព - អប់រំ សុខភាព

28/10/2019 - 16:20

ផ្ទុះជំងឺរលាកផ្លូវដង្ហើមលើកុមារ

ជិត១ខែមកនេះ ចំនួនកុមារដែលទទួលរងជំងឺផ្លូវដង្ហើមមកព្យាបាលនៅមន្ទីរពេទ្យញីដុង ក្រុងកឹងធើ កើនពី២ទៅ៣ដង បើប្រៀបនឹងខែមុន។

ឧបដ្ឋាយិកាប្រធានផ្នែកដង្ហើម ង្វៀនធីញ៉ឺម៉ាយ សួរនិងពិគ្រោះណែនាំជូនអ្នកម្តាយមានកូន ភ្លោះទទួលរងជំងឺផ្លូវដង្ហើម។

យោងតាមស្ថិតិរបស់មន្ទីរពេទ្យញីដុង ក្រុងកឹងធើ ប៉ុន្មានខែមុននេះ ចំនួនកុមារកើតជំងឺមានពី៦០ទៅ៧០នាក់ ក្នុងមួយថ្ងៃ ប៉ុន្តែរយៈពេលជិត១ខែមកនេះ ចំនួនកុមារកើតជំងឺនៅផ្នែកដង្ហើមមានចំនួពី១៨០- ២២០ជំងឺ/ថ្ងៃ។ ក្នុងនោះ ភាគច្រើនគឺកុមារមានអាយុក្រោម៣ឆ្នាំ។ ក្រៅពីផ្នែកដង្ហើម ផ្នែករោគក្នុងទូទៅ ក៏ត្រូវបានពង្រឹងក្នុងការព្យាបាលជំងឺផ្លូវដង្ហើមផងដែរ ប៉ុន្តែគ្រែនៅតែមិនគ្រប់សម្រាប់កុមារ។

វេជ្ជបណ្ឌិត ង្វៀនធីយ៉ីមមី ផ្នែកផ្លូវដង្ហើមនៃមន្ទីរពេទ្យញីដុង ក្រុងកឹងធើ មានប្រសាសន៍ថា៖ “មូលហេតុនាំឱ្យកើតជំងឺនេះ គឺបណ្តាលមកពីអាកាសធាតុប្រែប្រួលដោយចៃដន្យ បង្កលក្ខណៈងាយស្រួលសម្រាប់បាក់តេរីវីរុស វាយប្រហារ ខណៈប្រព័ន្ធសាំនិងរោគរបស់កុមាររីកចម្រើនមិនទាន់ពេញលេញ ម៉្លោះហើយ ទើបងាយនឹងឆ្លងរោគ។ បំផុតគឺកុមារមានអាយុក្រោម២៤ខែ កុមារដែលកង្វះអាហារូបត្ថម្ភ ជំងឺបេះដូងពីកំណើត ជំងឺខួរក្បាល។ល។ ងាយនឹងឆ្លងជំងឺជាងកុមារឯទៀត។

វេជ្ជបណ្ឌិត បានផ្តល់អនុសាសន៍ថា ប្រសិនបើកុមារកំពុងរងការរលាកផ្លូវដង្ហើម គួរតែឱ្យកុមារសម្រាករៀនហើយមើលថែនៅនឹងផ្ទះ បរិស្ថានជ្រះស្អាតជាង និងមិនឆ្លងដល់កុមារឯទៀត។ ឱ្យកុមារញុាំនូវអាហារដែលកុមារចូលចិត្ត អាហារទន់ងាយរំលាយបន្ថែមប្រេងត្រី(ផ្តល់ថាម ពល កម្លាំងអង្គបដិបក្ខក្នុងខ្លួនដល់កុមារ) ផឹកទឹកគ្រប់គ្រាន់ (ទឹកផ្លែឈើ ដែលសំបូរទៅដោយវីតាមីន ជួយបង្កើនបដិបក្ខដល់កុមារ); កាត់បន្ថយញុាំអាហាររហ័ស អាហារកំប៉ុង។ល។ ព្រោះផ្លូវដង្ហើមកំពុងមានអាការៈរលាក ភ្នាស់រំអិលងាយរំញោច។

តាមឧបដ្ឋាយិកាប្រធានផ្នែកដង្ហើមង្វៀនធីញ៉ឺម៉ាយ ឱ្យដឹង៖ ដើម្បីបង្ការជំងឺ កុមារត្រូវចាក់វ៉ាក់សាំងគ្រប់គ្រាន់តាមកាលវិភាគត្រូវអាយុឱ្យបៅត្រឹមតែទឹកដោះម្តាយ ដើម្បីឱ្យកុមារមានអង្គបដិប្រាណពីម្តាយ។ នៅពេលអាកាសធាតុផ្លាស់ប្តូរដោយចៃដន្យ កាត់បន្ថយមិនឱ្យកុមារចេញដើរផ្លូវច្រើន ដើម្បីកាត់បន្ថយការរំញោចភ្លាមៗចំពោះកុមារ។ បើចេញទៅក្រៅ ត្រូវពាក់ម៉ាស់ការពាររក្សាកំដៅពេលដើរផ្លូវ រក្សាកំដៅពេលគេង ជៀសវាងការបើកម៉ាស៊ីនត្រជាក់ហួសពេក ឬបើកកង្ហារផ្ទាល់លើកុមារ។ រលាកផ្លូវដង្ហើម គឺជាជំងឺឆ្លងតាមផ្លូវដង្ហើម ដូច្នេះ ល្អបំផុតគឺកាត់បន្ថយទាក់ទងជាមួយអ្នកជំងឺ លាងដៃដោយសាប៊ូ មុនពេលញុាំ ឬផឹក ។

វេជ្ជបណ្ឌិត យ៉ីមមី មានប្រសាសន៍ថា៖ ភាគច្រើនកុមារទទួលរងជំងឺរលាកផ្លូវដង្ហើម គឺអាស្រ័យវីរ៉ុស គ្រូពេទ្យគ្រាន់តែផ្តល់ថ្នាំជំនួយ គឺគ្រាន់តែធូរស្រាលចំណែកមួយនៃរោគសញ្ញាប៉ុណ្ណោះ កុមារមិនអាចមានសុខភាពល្អភ្លាមៗបានទេ ប៉ុន្តែរាងកាយកុមារនឹងមានស្ថេរភាពបន្តិចម្តងៗ បន្ទាប់ពី៧ទៅ១០ថ្ងៃ។ កុមាររងជំងឺច្រើនញុាំតិច យំរំអួយ។ល។ អាណាព្យាបាលគិតថា កូនឈឺធ្ងន់ជាង ឬមិនធូរស្បើយ ក៏អន្ទះសារ ផ្លាស់ប្តូរថ្នាំ ផ្លាស់ប្តូរគ្រូពេទ្យ ជាងនោះទៀតសោតអាចនឹងបំពានប្រើថ្នាំបដិបក្ខប្រាណ។ ប្រសិនបើកុមារលេបថ្នាំបដិបក្ខប្រាណច្រើន ពេលមានជំងឺមិនអាចឆ្លើយតបទៅនឹងថ្នាំបដិបក្ខប្រាណមានស្រាប់ នឹងមានផលប៉ះពាល់ដល់ប្រព័ន្ធអតិសុខុមប្រាណពោះ វៀនសម្លាប់បាក់តេរីដែលមានប្រយោជន៍ កុមារអាចនឹងមានវិបត្តិប្ររព័ន្ធរំលាយអាហារ។ ប្រសិនបើប្រើថ្នាំបដិបក្ខប្រាណ កុមារត្រូវប្រើឱ្យគ្រប់ចំនួនថ្ងៃគ្រប់ចំនួនថ្នាំ។ ជំងឺរលាកផ្លូវដង្ហើមដូចបានពោលខាងលើ ប្រសិនបើមិនបានព្យាបាលត្រឹមត្រូវ និងទាន់ពេលទេ អាចបណ្តាលឱ្យកើតមានជំងឺរលាកផ្លូវដង្ហើមក្រោម។ នៅពេលដែលកុមារចូលមន្ទីរពេទ្យ អ្នកផ្ទះមិនគួរឱ្យកុមារទៅផ្ទះដោយខ្លួនឯងនោះទេ ព្រោះថាបើកុមារមានអាការៈកាន់តែធ្ងន់ធ្ងរ គ្រុនក្តៅខ្លាំងឬប្រកាច់ អ្នកផ្ទះមិនអាចដោះស្រាយបាននោះទេ។

អត្ថបទនិងរូបថត៖ ហ្វែហ្វា

ចែករំលែកអត្ថបទ

ពាក្យគន្លឹះ