ប៉ុន្មាន​ឆ្នាំ​ជិត​ៗ​នេះ​ ក្រុម​ជម្រើស​កី​ឡា​វាយ​​សី​នៃ​ប្រ​ទេស​ថៃ​ បាន​បង្ហាញ​ពី​ភាព​ជឿន​​លឿ​ន​របស់​ខ្លួន​ ខណៈ​ពេល​បាន​ចូល​ប្រ​កួត​​នៅ​វគ្គ​ខាង​ក្នុង​ៗដណ្ដើម​ពាន​រង្វាន់​កី​ឡា​វាយ​​សី​ពិ​ភព​លោក​ ប្រ​កួត​ប្រ​ជែង​ជា​មួយ​ក្រុម​​ជម្រើស​ពូ​កែ​ៗដូច​ចិន​ និង​កូ​រ៉េ​ខាង​ត្បូង​ជា​​ដើម​។

ក្រុម​ជម្រើស​កី​ឡាកា​​រិ​នី​វាយ​សី​ថៃ។​

នៅពាន​រង្វាន់​កី​ឡា​វាយ​សី​ជើង​ឯក​ទ្វីប​អា​ស៊ី​ - Sudirman​ Cup ឆ្នាំ​២០១៩ ក្រុម​ជម្រើស​ជាតិ​ថៃ​ ត្រូវ​បាន​រៀប​ចំ​ណាត់​ថ្នាក់​នៅក្រុម​ទី​១ ដែល​ជា​ក្រុម​អាច​ដណ្តើម​ពាន​រង្វាន់​ជើង​ឯក​។ ក្រុម​ជម្រើស​ជាតិ​ថៃ​ មិន​ជួប​លំ​បាក​នៅ​ក្នុង​វគ្គ​ជម្រុះ​ ដើ​ម្បី​ឈា​ន​ចូល​វគ្គ​ពាក់​កណ្តាល​ផ្តាច់​ព្រ័ត្រ​ ជួប​ម្ចាស់​ពាន​រង្វាន់​​ជើង​ឯក​  Sudirman Cup ឆ្នាំ​២០១៨ គឺ​ក្រុម​ជម្រើស​ជាតិ​កូ​រ៉េ​ខាង​​ត្បូង​។ ធ្វើ​ការ​ប្រៀប​ធៀប​ក្រុម​ទាំង​ពី​រ​ឃើញ​ថាក្រុ​ម​ជម្រើស​ជាតិ​កូ​រ៉េ​ខាង​ត្បូង​មាន​ភាព​លេច​ធ្លោ​ជាង​ ទោះ​ជា​យ៉ាង​នោះ​ក្តី​ ប៉ុន្តែ​កី​ឡា​ករ​ថៃ​តែង​ប្រ​កួត​បាន​ល្អ​ ខណៈ​ពេល​ប្រ​កួ​ត​ឲ្យ​ក្រុម​ ជម្រើស​ជាតិ​។ ជា​មួយ​នឹង​យុទ្ធ​សាស្រ្ត​សម​ស្រប​ ក្រុម​ជម្រើស​ជាតិ​ថៃ​ទទួល​បាន​ជ័យ​ជម្នះ​គួ​រ​ឱ្យ​ចាប់​អា​រម្មណ៍​ ធ្វើ​ឱ្យ​ក្រុម​​ជម្រើស​ជាតិ​កូ​រ៉េខា​ង​ត្បូង​ក្លាយ​ជា​អតីត​ម្ចាស់​ជើង​ឯក​។

​នៅ​កម្រិត​ក្រុម​ជម្រើស​ជាតិ​ដ​ដែល​ កី​ឡា​កា​រិ​នី​ថៃ​ ក៏​បាន​បង្កើត​ទំ​ព័រ​ប្រ​វត្តិ​សាស្រ្ត​ថ្មី​ ដោយ​ប្រ​កួត​ឈ្នះ​ក្រុម​កី​ឡា​កា​រិ​នី​ចិន​​លើក​​​ដំ​​បូង​​ នៅ​វគ្គពាក់​កណ្តាល​ផ្ដាច់​ព្រ័ត្រ ​Uber Cup ឆ្នាំ​ ២០១៨ ដើម្បី​ឈាន​ចូល​វគ្គ​ផ្តាច់​ព្រ័ត្រ​ ជួប​ជា​មួយ​នឹង​ក្រុម​កី​ឡា​ការិ​នី​មក​ពី​ប្រ​ទេស​ជ​ប៉ុន​។ ទោះ​ជា​ឈរ​លំ​ដា​ប់​ថ្នាក់​លេខ​ ២ បន្ទាប់​ពី​ចាញ់​ក្រុម​ជម្រើស​មក​ពី​ប្រ​ទេស​ជ​ប៉ុន​ ដែល​មាន​កី​ឡា​កា​រិ​នី​៣គូកំ​​ពុង​ឈរ​លំ​ដាប់​ថ្នាក់​កំ​ពូល​ពិ​ភព​លោក​ និង​មាន​​កី​ឡា​កា​រិ​នី​ប្រ​កួត​ទោល​ចំ​នួន​២​រូប​ ឈរ​លំ​ដាប់​លេខ​៣​ពិ​ភព​ លោក​ ប៉ុន្តែ​ក្រុម​កី​ឡា​កា​រិ​នី​ថៃ​ ក៏​បង្កើត​បាន​ស្នាដៃ​ដ៏​អស្ចារ្យ​សម្រាប់​ខ្លួន​ដែរ​។

ទោះ​ជា​កី​ឡា​កា​រិ​នី​ជម្រើស​ជាតិ​ថៃ​ គ្មាន​ចំ​ណាត់​ថ្នាក់​ខ្ពស់​​នៅ​លើ​តា​រាង​ចំ​ណាត់​ថ្នាក់​កី​ឡា​វាយ​សី​ពិ​ភព​លោក​ ប៉ុន្តែ​ពេល​ប្រ​កួត​នៅ​ក្រុម​ជម្រើស​ជាតិ​ ពួក​គេ​តែង​លេង​បាន​ល្អ​គួរ​ឱ្យ​ភ្ញាក់​​ផ្អើល​។ តួ​យ៉ាង​ដូច​ កី​ឡា​កា​រិ​នី​ Busanan Ongbamrungphan បាន​យក​ឈ្នះ​យ៉ាង​ចាស់​ដៃ​លើ​អតីត​ម្ចាស់​ជើង​ឯក​អូ​ឡាំ​ពិក​ជន​ជាតិចិន ដោយ​ពិន្ទុ​ ២១​-១១​និង​២១​-៩​ ទោះជា​​ចំ​ណាត់​ថ្នាក់​ របស់​នាង​នៅ​លើ​តា​រាង​ចំ​ណាត់​ថ្នាក់​ចាញ់​ដៃ​គូរា​ប់​សិប​កម្រិត​ឯ​ណោះ។​ ចំ​ណែក​កីឡា​​ការិ​នី ​Ratchanok Intanon ក៏​ដូ​ច្នោះ​ដែរ ទោះ​ជា​ធ្លាក់​ចុះ​ដល់​លេខ​៨​លើ​តា​រាង​ចំ​ណាត់​ថ្នាក់​ ប៉ុន្តែកា​រ​ប្រ​កួត​ឱ្យ​ក្រុម​ជម្រើស​ជាតិ​ នាង​តែង​ដណ្តើម​បាន​​ជ័យ​​ជម្នះ​​ស្ទើរ​តែ​ទាំង​អស់​។ រី​ឯ​កី​ឡា​វាយ​សី​ផ្នែក​បុ​រស​ ដូច​ជា៖​ កី​ឡា​ករ​ Khosit Phetpradab ​និង ​Kantaphon wangcharoen ជា​ដើម​ ក៏​ប្រកួត​បាន​យ៉ាង​ប្រ​សើរ​ផង​ដែរ​។

ជោគ​ជ័យ​របស់​ក្រុម​ជម្រើស​ជាតិ​ថៃ​ គឺ​ជា​លទ្ធ​ផល​នៃ​ការ​វិ​និ​យោគ​ស៊ី​ជម្រៅ​និង​ការ​ចូល​រួម​របស់​សង្គម​។ មិន​ត្រឹម​តែ​ធ្វើ​ហិរញ្ញប្ប​ទាន​ដល់​ក្រុម​ជម្រើស​ជាតិ​ ស្ងើច​សរ​សើរ​និង​ជូន​រង្វាន់​​ដល់​កី​ឡា​ករ​ដែល​សម្រេច​បាន​ស្នា​ដៃ​ខ្ពស់​ប៉ុណ្ណោះ​ទេ​ សម្ព័ន្ធ​ក្រុម​ហ៊ុន​SCG​(ថៃ)​ បាន​បង្កើត​វិ​ទ្យា​ស្ថាន​វាយ​សី​ ដើម្បី​បណ្តុះ​បណ្តាល​កី​ឡា​ករ​។ សម្ព័ន្ធ​ក្រុមហ៊ុន​ បាន​សហ​ការ​ជា​មួយ​នឹង​​កា​រិ​យា​ល័យ​គ្រប់​គ្រង​ទ្រព្យ​សម្បត្តិ​ម​ហា​ក្សត្រ​ថៃ​ បង្កើន​កម្រិត​​វិ​ទ្យា​ស្ថាន​កី​ឡា​វាយ​សី​SCG ក្លាយ​ជា​មជ្ឈ​មណ្ឌល​ហ្វឹក​ហាត់​ប្រ​​កប​ដោយ​ភាព​វិ​ទ្យា​សាស្រ្ត​សម្រាប់​កី​ឡា​វាយ​សី​ សម្រេច​ខ្នាត​ កំ​ពូល​នៅ​ទ្វីប​អា​ស៊ី​ នៅ​រាជ​ធា​នី​បាង​កក​។ វិ​ទ្យា​ស្ថាន​មាន​លាន​ កម្រាល​Yonex ចំ​នួន​១៨ គ្រប់​លក្ខណៈ​សម្រាប់​ហ្វឹក​ហាត់​និង​ប្រ​កួត​ខ្នាត​អន្តរ​ជាតិ​ កន្លែង​អង្គុយ​ចំ​ណុះ​១.២០០​នាក់​ បន្ទ​ប់​ហាត់​កាយ​សម្ប​ទា​បំ​ពាក់​ឧប​ករណ៍​ទំ​នើប​ មណ្ឌល​អា​គារ​មាន​​៥០​បន្ទប់​ រួម​មាន​បន្ទប់​មុខ​ងារ​និង​បន្ទប់​ស្នាក់​នៅ​សម្រាប់​គ្រូ​ បង្វឹក​រួម​ជាមួយ​នឹង​កង​ជួរ​ជំ​នាញ​ការ​ខាង​វិ​ទ្យា​សាស្រ្ត​កី​ឡា​និង​ កីឡា​ក​រ​ប្រ​មូល​ផ្តុំ​មក​ហ្វឹក​ហាត់​។

រៀង​រាល់​ឆ្នាំ​ វិ​ទ្យា​ស្ថាន​ចាត់​តាំង​ប្រឡង​ជ្រើស​រើស​សិក្ខា​កាម​ទូ​ទាំង​ប្រ​ទេស​ ដើម្បី​បញ្ជូន​មក​បណ្តុះ​បណ្តាល​នៅ​មជ្ឈ​មណ្ឌល​ដោយ​ឥត​គិត​ថ្លៃ​។ មិន​ត្រឹម​តែ​បាន​ហ្វឹក​ហាត់​ប៉ុណ្ណោះ​ទេ​ កី​ឡា​ករ​នៅ​ទាំង​បាន​រៀន​ចំ​ណេះ​ទូ​ទៅ​នៅ​សា​លា​មធ្យម​សិក្សា​ដ៏​ល្បី​ឈ្មោះ​ទាំង​ពីរ​នៅ​ប្រ​ទេស​ថៃ​គឺ​ Wat Suthiwararam និង​ Si Suriyothai៕                   

                                                                 ហា​ថាញ់​-វិ​មាន