សុខភាព - អប់រំ អប់រំ

06/08/2019 - 08:42

ត្រៀមឱ្យឆ្នាំសិក្សាថ្មី

តាមប្រសាសន៍លោកស្រី ត្រឹងហុងថឹម នាយិកាមន្ទីរអប់រំនិងបណ្តុះបណ្តាលក្រុងកឹងធើ ឲ្យដឹង៖ ផ្នែកអប់រំបានចង្អុលការដល់អង្គភាពក្រោមឱវាទ និងការិយាល័យអប់រំ ត្រៀមបម្រុងយ៉ាងហ្មត់ចត់អំពីមូលដ្ឋានសម្ភារៈ កងជួរគ្រូបង្រៀន។ ព្រមជាមួយនោះ បង្កើនការងារពិនិត្យមើលសិស្ស ដើម្បីត្រៀមលក្ខណៈឈានចូលឆ្នាំសិក្សាថ្មី ២០១៩ - ២០២០។

ឆ្នាំសិក្សា២០១៩-២០២០ គ្រូនិងសិស្សសាលាមតេ្តយ្យភឿកថើយនឹងបានបង្រៀននិងរៀននៅសាលារៀនថ្មីដែលបានកសាងយ៉ាងសមរម្យ។

ដើម្បីសិស្សឈានចូលឆ្នាំសិក្សាថ្មី ប្រកបដោយភាពសប្បាយរីករាយ និងមានលក្ខណសម្បត្តិគ្រប់គ្រាន់សម្រាប់រៀនសូត្រ ស្របក្នុងឱកាសវិស្សមកាល សាលារៀននៅលើភូមិសាស្រ្តស្រុកកើ-ដ បានកសាងផែនការជួសជុល បង្កើនកម្រិតមូលដ្ឋានសម្ភារៈ បន្ទប់រៀន។ លោកហ្វិញវ៉ាន់វ៉ាត់ ប្រធានការិយាល័យអប់រំនិងបណ្តុះបណ្តាលស្រុកកើ-ដ ឲ្យដឹង៖ “ក្នុងរដូវវិស្សមកាល សាលារៀនបានកសាងផែនការនិងផ្សព្វផ្សាយសេចក្ដីប្រកាសជម្រើសសិស្សដល់ភូមិសាស្រ្តនីមួយៗ ដើម្បីសហការជាមួយនឹងភូមិភាគ ចលនាសិស្សចូលរៀន។ ចំពោះភូមិសាស្រ្តដែលមានកូនចៅជនជាតិខ្មែររៀនកុះករ ផ្នែកអប់រំក៏បានចាត់ឲ្យគ្រូបង្រៀនធ្វើការតាមដាននៅតាមភូមិដើម្បីពិនិត្យមើលសិស្សដែលមានស្ថានភាពក្រលំបាក ឧបត្ថម្ភឱ្យបានទាន់ពេល សំដៅជួយប្អូនៗ មានលក្ខណសម្បត្តិឈានចូលឆ្នាំសិក្សាថ្មី”។ កើ-ដជាភូមិសាស្រ្តមួយក្នុងចំណោមភូមិសាស្រ្ត ដែលមានជនរួមជាតិខ្មែររស់នៅកុះកររបស់ក្រុងកឹងធើ ម្ល៉ោះហើយនៅគ្រប់សាលារៀនលើភូមិសាស្រ្តសុទ្ធសឹងត្រូវបានភូមិភាគជំនួយយ៉ាងសកម្មក្នុងការងារចលនាសិស្សចូលរៀន រួមកម្លាំងជាមួយនឹងសាលារៀនរៃប្រាក់ឧបត្ថម្ភដល់សិស្សដែលមានស្ថានភាពក្រលំបាក។ លោកយ័ញថាញ់ លេខាបក្សទីប្រជុំជនកើ-ដ ស្រុកកើ-ដ គូសបញ្ជាក់៖ “សព្វថ្ងៃ មូលដ្ឋានសម្ភារៈសាលារៀនលើភូមិសាស្រ្តទីប្រជុំជនត្រូវបានកសាងសម្រេចបទដ្ឋានចាប់តាំងពីកម្រិតមតេ្តយ្យរហូតដល់វិទ្យាល័យ ម្ល៉ោះហើយមានភាពងាយស្រួលច្រើនក្នុងការចលនាសិស្សនៅគ្រប់កម្រិតសិក្សាចូលរៀន។ អាស្រ័យហេតុនោះ ភូមិភាគបានសំណូមពរគ្រប់ភូមិ សហការឱ្យបានល្អជាមួយនឹងសាលារៀនក្នុងការពិនិត្យមើល ចលនាឧបត្ថម្ភសិស្សប្តេជ្ញាចិត្តមិនទុកឲ្យសិស្សបោះបង់ការរៀនសូត្រដោយសារស្ថានភាពក្រលំបាកនោះឡើយ”។

នៅស្រុកថើយឡាយ ការងារជួសជុលបង្កើនកម្រិតមូលដ្ឋានសម្ភារៈសាលារៀន និងបង្កើន សមត្ថភាពកងជួរគ្រូបង្រៀន ត្រូវបានអនុវត្តជាប្រចាំ។ លោកង្វៀនវ៉ាន់ជី ប្រធានការិយាល័យអប់រំនិងបណ្តុះបណ្តាលស្រុកថើយឡាយ ឲ្យដឹង៖ “ក្នុងរដូវវិស្សមកាល មានគ្រូបង្រៀនជាច្រើនលើភូមិសាស្រ្តបានចូលរួមវគ្គ បំពាក់បំប៉នវិជ្ជាជីវៈ ដើម្បីធ្វើបច្ចុប្បន្នភាពនូវចំណេះដឹងថ្មីៗ លើកកម្ពស់គុណភាពបង្រៀន ខណៈពេលឈានចូលឆ្នាំសិក្សាថ្មី។ លោកង្វៀនវ៉ាន់ធឿ ប្រធានគណៈកម្មាធិការប្រជាជនឃុំឌិញម៉ូង ចែករំលែក៖ ភូមិភាគជានិច្ចកាលតែងមានគោលនយោបាយឧបត្ថម្ភសិស្សដែលមានស្ថាភាពក្រលំបាកនិយាយរួម និងសិស្សជនជាតិខ្មែរនិយាយដោយឡែក សំដៅជួយប្អូនៗនឹងនរចិត្តឈានចូលឆ្នាំសិក្សាថ្មី។

តាមព័ត៌មានពីមន្ទីរអប់រំនិងបណ្តុះបណ្តាល ក្រុងកឹងធើ សិស្សានុសិស្សលើភូមិសាស្រ្តក្រុង នឹងឈានចូលឆ្នាំសិក្សាថ្មី២០១៩-២០២០ នៅថ្ងៃ១៩ ខែសីហា ឆ្នាំ២០១៩។ ដោយឡែក សិស្សថ្នាក់ទី៩ និងថ្នាក់ទី១២ នឹងឈានចូលឆ្នាំសិក្សាថ្មី នៅថ្ងៃ៥ ខែសីហា ឆ្នាំ២០១៩។ សាលារៀនទាំងអស់នឹងរៀបចំបើកបវេស្សនកាលនៅថ្ងៃ៥ ខែកញ្ញា ឆ្នាំ២០១៩ តាមធម្មតាដូចរាល់ឆ្នាំ៕

ហាថាញ់ - ថាច់ធី

ចែករំលែកអត្ថបទ

ពាក្យគន្លឹះ