សន្តិសុខ - ការពារប្រទេស ការពារប្រទេស

17/06/2019 - 14:45

កម្មាភិបាល យុទ្ធជនប៉ុស្តិ៍ការពារព្រំដែនវិញហាយ រៀនសូត្រនិងធ្វើតាមគំរូអ៊ំហូ

ក្រោយពីរយៈពេលអនុវត្តបទបញ្ជាលេខ០៥-CT/TW របស់ការិយាល័យនយោបាយ (នីតិកាល XII) ស្តីពី "ជំរុញការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ" ឃើញថា កម្មាភិបាល យុទ្ធជនប៉ុស្តិ៍ការពារព្រំដែនវិញហាយ ទីរួមខេត្តវិញចូវ ខេត្តសុកត្រាំង មានការវិវឌ្ឍជាវិជ្ជមាន តាំងពីការយល់ដឹងរហូតដល់ទង្វើ។ សមូហភាពកម្មាភិបាល យុទ្ធជនប៉ុស្តិ៍ការពារព្រំដែនវិញហាយ តែងលើកកម្ពស់ស្មារតីទទួលខុសត្រូវ ខ្នះខ្នែងជួយប្រជាជនអភិវឌ្ឍសេដ្ឋកិច្ច-សង្គម ពង្រឹងប្រព័ន្ធនយោបាយនៅមូលដ្ឋាន និងការពាររឹងមាំអធិបតេយ្យសន្តិសុខព្រំដែនតំបន់សមុទ្ររបស់ខេត្ត។

កម្មាភិបាលយុទ្ធជនប៉ុស្តិ៍ការពារព្រំដែនវិញហាយ ពិនិត្យជំងឺជូនប្រជាជន។

គណៈកម្មាធិការបក្សនៃប៉ុស្តិ៍ការពារព្រំដែនវិញហាយ តែងជំរុញការផ្សព្វផ្សាយ អប់រំសតិអារម្មណ៍នយោបាយដល់បក្ខជនគ្រប់រូប និងបញ្ជ្រាបខ្លឹមសារនៃបទបញ្ជាលេខ ០៥-CT/TW ដល់កម្មាភិបាល យុទ្ធជន និងប្រជាជនគ្រប់រូបនៅតំបន់ដែលអង្គភាពឈរជើង។ ទន្ទឹមនឹងនោះ ផ្សព្វផ្សាយឲ្យកម្មាភិបាល យុទ្ធជនចុះឈ្មោះអនុវត្តនូវបធានបទ។ ក្រោយពី៣ឆ្នាំអនុវត្តបទបញ្ជាលេខ០៥-CT/TW កម្មាភិបាល យុទ្ធជនប៉ុស្តិ៍ការពារព្រំដែនវិញហាយ បានចូលរួមជាកម្លាំងពលកម្មចំនួន៥៨៣ថ្ងៃ ជួយប្រជាជនអភិវឌ្ឍសេដ្ឋកិច្ច។ សហការជាមួយដំណាក់សុខាភិបាលយោធាប្រជាជន ពិនិត្យជំងឺជូនប្រជាជនបាន១០.២៥២លើកនាក់ សហការនឹងសប្បុរសជនពិនិត្យជំងឺផ្គត់ផ្គង់ថ្នាំដោយឥតគិតថ្លៃដល់មនុស្សចាស់ អ្នកក្រនៅតំបន់ព្រំដែន១.៤៥០លើកនាក់។ ទន្ទឹមនឹងនោះ កសាងទម្រង់ជួយប្រជាជនកាត់បន្ថយភាពក្រីក្រ ដូច៖ ឧបត្ថម្ភប្រជាជន១០គ្រួសារ បុលទុនចំនួនទឹកប្រាក់១៥០លានដុង ឧបត្ថម្ភគោមេដល់គ្រួសារក្រីក្រ ទម្រង់ចិញ្ចឹមពពែប្រមូលផ្តុំ និងការកាត់សក់ជូនប្រជាជនជាដើម។ ក្រៅពីនោះ កម្មាភិបាល យុទ្ធជនគ្រប់រូបនៅទាំងស្ម័គ្រចិត្តដកប្រាក់ខែខ្លះដើម្បីអនុវត្តទម្រង់ "មនោសញ្ចេតនាកងទ័ពប្រជាជន"។ អនុវត្តកម្មវិធី "ជម្រុញដំណើរប្អូនៗទៅកាន់សាលា" ប៉ុស្តិ៍ការពារព្រំដែនវិញហាយ ទទួលគាំពារសិស្សក្រីក្រ២នាក់ ដោយទឹកប្រាក់១លានដុងក្នុងមួយខែ។ល។ អ៊ំស្រីលីធីកាន់ អាយុ៧០ឆ្នាំ នៅភូមិវិញថាញ់B ឃុំវិញហាយ ឲ្យដឹង៖ "គ្រួសារខ្ញុំក្រវ័យក៏ចាស់ ព្រមទាំងកូនម្នាក់មានជំងឺពីកំណើតទៀត ម្ល៉ោះហើយជីវភាពជួបលំបាកខ្លាំង។ រៀងរាល់ខែ ដោយសារមានក្មួយៗកងទ័ពឧបត្ថម្ភអង្ករ លុយកាក់ និងសម្លៀកបំពាក់។ល។ ហេតុនោះ ខ្ញុំធូរស្រាលបានមួយចំណែកដែរ ខ្ញុំមានក្តីត្រេកអរយ៉ាងក្រៃលែង។ ក្នុងឱកាសបុណ្យចូលឆ្នាំម្តងៗ កងទ័ពការពារព្រំដែននៅទាំងមកដល់ផ្ទះជូនអំណោយទៀតផង។ មនោសញ្ចេតនាដ៏ល្អប្រពៃរបស់ក្មួយៗ កងទ័ពខ្ញុំមិនអាចបំភ្លេចបានឡើយ"។

វរសេនីយ៍ទោ ត្រឿងមិញហុង ស្នងការនយោបាយប៉ុស្តិ៍ការពារព្រំដែនវិញហាយ ឲ្យដឹង៖ "អង្គភាពបានអនុវត្តយ៉ាងមានប្រសិទ្ធភាពនូវបទបញ្ជាលេខ០៥-CT/TW របស់ការិយាល័យនយោបាយ ស្តីពីជំរុញការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ អង្គភាពបានផ្សារភ្ជាប់នឹងការអនុវត្តសេចក្តីសម្រេចចិត្តមជ្ឈិម៤ (នីតិកាល XII) ស្តីពីកសាងរៀបចំអង្គការបក្ស ទប់ស្កាត់ ច្រានថយភាពទន់ខ្សោយអំពីនយោបាយ សតិអារម្មណ៍ សីលធម៌ របៀបរស់នៅ និងរាល់អាកប្បកិរិយា "ការប្រែប្រួលដោយខ្លួនឯង" "ការផ្លាស់ប្តូរដោយខ្លួនឯង" ក្នុងផ្ទៃក្នុង។ អាស្រ័យហេតុនោះ អង្គភាព បក្ខភាគ ប៉ុស្តិ៍ការពារព្រំដែនវិញហាយ បានសម្រេចកិត្តិនាម ជាអង្គភាព ស្អាតស្អំ រឹងមាំជាច្រើនឆ្នាំបន្តបន្ទាប់"៕

យ្វីអាញ់-វិមាន

ចែករំលែកអត្ថបទ

ពាក្យគន្លឹះ