គោលនយោបាយ -ការរស់នៅ ការរស់នៅ

27/05/2019 - 15:53

បក្ខជនគំរូ

ប៉ុន្មានឆ្នាំកន្លង ឃុំឡុងសើុង ស្រុកកូវង៉ាង ខេត្តត្រាវិញ តែងពង្រីកតួនាទីឈានមុខរបស់បក្ខជន ក្នុងការខិតខំពង្រីកសេដ្ឋកិច្ច ជាគំរូក្នុងរាល់សកម្មភាព រួមចំណែកជំរុញការចលនា ពង្រីកសេដ្ឋកិច្ច លុបបំបាត់ភាពអត់ឃ្លាន កាត់បន្ថយភាពក្រីក្រនៅភូមិភាគ។ អាស្រ័យហេតុនោះ ក៏លេចចេញនូវរូបភាពបក្ខជនគំរូជាច្រើន ក្លាហានក្នុងការពង្រីកសេដ្ឋកិច្ច ផ្ដល់ប្រសិទ្ធភាពខ្ពស់ តួយ៉ាងដូចបងគៀងរឿន នៅភូមិហ្វៀងឌឹកជាដើម។

លោកគៀងរឿន កំពុងប្រមូលផលត្រឡាច។

ក្រោយពីរៀបការចេញនៅដោយឡែក បងគៀងរឿន ក៏បានឪពុកម្ដាយចែកដីស្រែឲ្យ៦កុង។ មានដីស្រែ ប៉ុន្តែផលិតស្រូវមិនសូវបានផល ម្ល៉ោះហើយប្តីប្រពន្ធបង ក៏សម្រេចចិត្តបង្វែរដីស្រែទាំងអស់មកដាំដំណាំរួមផ្សំវិញ។ ដំបូងដោយសារដើមទុនស្ដួចស្ដើង បងរឿនប្រើប្រាស់ប្រិតសំចៃក្នុងគ្រួសារ លើករងដាំដំណាំរួមផ្សំរយៈពេលខ្លីឆ្លាស់គ្នា មានដូច៖ ជីនាងវង ស្ពៃសាឡាត ត្រសក់ ប៉េងប៉ោះ។ល។ ជិតដល់បុណ្យចូលឆ្នាំវៀតណាម បងរឿន ចុះពូជឪឡឹក ខ្ទឹមស្លឹក ស្ពៃមើម ចំណែករដូវប្រាំង គឺដាំត្រឡាច ពោត ។ល។ បងរឿន ឲ្យដឹង៖ “កំណត់ដឹងថា ការដាំដំណាំរួមផ្សំជាប្រភពចំណូលចម្បងសម្រាប់គ្រួសារ ហេតុនោះ ប្តីប្រពន្ធខ្ញុំផ្ដុំកម្លាំងកាយចិត្តដើម្បីបង្កបង្កើនផល។ ដោយសារការដាំដំណាំរួមផ្សំឆ្លាស់គ្នា ទើបគ្រួសារខ្ញុំមានបន្លែរាប់រយគីឡូលក់ឲ្យឈ្មួញរាល់ថ្ងៃ។ រៀងរាល់ឆ្នាំ រកបានប្រាក់ចំណេញពី៧០ដល់៩០លានដុង។ ចំណែកអនុផលនៃដំណាំរួមផ្សំ ខ្ញុំប្រើប្រាស់សម្រាប់ជាចំណីគោ៤ក្បាល”។

រដូវប្រាំង ក្តៅហួតហែងអូសបន្លាយបានជាដំណាំដាំដុះមិនសូវលូតលាស់ គ្រានោះ បងរឿន ផ្តុំកម្លាំងដាំត្រឹមតែត្រឡាច២កុងប៉ុណ្ណោះ។ បងរឿន ឲ្យដឹងបន្ថែម៖ “ឆ្នាំ២០១៦ ខ្ញុំមានកិត្តិយស បានចូលក្នុងកងជួរបក្ស។ ខ្ញុំគិតឃើញថា ក្នុងនាមជាបក្ខជនត្រូវតែឈានមុខក្នុងការអភិវឌ្ឍសេដ្ឋកិច្ច ត្រូវចេះឆ្លៀតឱកាសសម្រាប់ធ្វើការងាររកស៊ី និងគិតគូរដល់ជីវភាព។ ចំពោះរូបខ្ញុំ នៅពេលទំនេរក៏ទៅធ្វើគូលីសំណង់ ប្រពន្ធនៅផ្ទះត្បាញរបស់របរដើម្បីរកចំណូលបន្ថែម។ សន្សែសន្សំប្រាក់កាសទុកសម្រាប់ទិញឧបករណ៍បម្រើការផលិតនិងចិញ្ចឹមកូន២នាក់កំពុងរៀនកម្រិតបឋមសិក្សា”។

បងហ្វិញវ៉ាន់ង៉ៀ លេខាសាខាបក្សនិងជាប្រធានគណៈកម្មការភូមិហ្វៀងឌឹក ឲ្យតម្លៃ៖ “មិនគ្រាន់តែពូកែធ្វើសេដ្ឋកិច្ចគ្រួសារប៉ុណ្ណោះទេ បងរឿននៅទាំងខ្នះខ្នែងចូលរួមរាល់សកម្មភាពសង្គម អង្គការមហាជន គំរូផ្សព្វផ្សាយ ចលនាប្រជាជនអនុវត្តម៉ឹងម៉ាត់នូវគោលការណ៍ គោលមាគ៌ា គោលនយោបាយច្បាប់របស់បក្ស រដ្ឋ។ ជាពិសេស បងរឿន តែងតែឈានមុខក្នុងការចលនាប្រជាជនចូលរួមកសាងជនបទថ្មី គ្រួសារបងរឿនបានបរិច្ចាគដីសម្រាប់កសាងផ្លូវនិងដាំឈើបៃតង អនាម័យបរិស្ថាន រួមចំណែកជាមួយនឹងភូមិភាគអនុវត្តយ៉ាងមានប្រសិទ្ធភាពនូវលក្ខឋានបរិស្ថានក្នុងកសាងជនបទថ្មី”៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ