ព្រឹត្តិការណ៍ - នយោបាយ នយោបាយ

11/02/2019 - 15:29

អនុស្សាវរីយ៍៨៩ឆ្នាំ ទិវាបង្កើតបក្ស(៣/២/១៩៣០-៣/២/២០១៩)

កសាងកងជួរកម្មាភិបាលដោយព្រមគុណសម្បត្តិ សមត្ថភាព ប្រជាប្រិយភាព សមល្មមភារកិច្ច

រយៈពេល១៥ឆ្នាំកន្លង ចាប់តាំងពីក្រុងកឹងធើចំណុះមជ្ឈិមមកទល់ឥឡូវ គណៈកម្មាធិការបក្ស ថ្នាក់ដឹកនាំស្ថាប័ន អង្គភាពគ្រប់លំដាប់ថ្នាក់របស់ក្រុង តែងយកចិត្តទុកដាក់យ៉ាងពិសេសក្នុងការកសាងកងជួរកម្មាភិបាលគ្រប់លំដាប់ថ្នាក់សមល្មមភារកិច្ច ។ មកទល់បច្ចុប្បន្ន កងជួរកម្មាភិបាលក្រុង ជាសារវន្តឆ្លើយតបតម្រូវការភារកិច្ចអភិវឌ្ឍន៍ក្នុងសម័យជំរុញឧស្សាហូបនីយកម្ម ភាវូបនីយកម្មប្រទេសជាតិ។

គណៈប្រចាំការនៃគណៈកម្មាធិការបក្សក្រុងជូនសេចក្តីសម្រេចការងារកម្មាភិបាល។

តាមប្រសាសន៍របស់សមមិត្ត ម៉ាយថាញ់យ៉ឹង ប្រធានគណៈចាត់តាំងនៃគណៈកម្មាធិការបក្សក្រុង ឲ្យដឹង៖ គិតពីត្រឹមឆ្នាំ២០១២ទល់ឥឡូវ ក្រុងបានបញ្ជូនកម្មាភិបាលទៅបណ្តុះបណ្តាលមុខវិជ្ជាឯកទេសនៅក្នុងនិងក្រៅប្រទេសជាង៦.១០០នាក់ ក្នុងនោះ ថ្នាក់បណ្ឌិត៣៣៨នាក់ អនុបណ្ឌិត១.៦៧៤នាក់ កម្មាភិបាលបណ្តុះបណ្តាលទ្រឹស្ដីនយោបាយជាន់ខ្ពស់ជាង១.១០០នាក់ ទ្រឹស្ដីនយោបាយថ្នាក់មធ្យមជាង៨.៧០០នាក់។ល។ មកទល់សព្វថ្ងៃ កងជួរកម្មាភិបាលគ្រប់លំដាប់ថ្នាក់របស់ក្រុង ជាង៦៥%មានកម្រិតវិជ្ជាចាប់ពីមហាវិទ្យាល័យឡើងទៅ ក្នុងនោះ បណ្ឌិតនិងអនុបណ្ឌិតជិត១០%; កម្មាភិបាលកម្រិតវិជ្ជាទ្រឹស្ដីនយោបាយចាប់ពីកម្រិតមធ្យមឡើងជាង៤០%។ ដោយឡែកកម្មាភិបាលថ្នាក់ដឹកនាំ គ្រប់គ្រងថ្នាក់ក្រុង មានកម្រិតវិជ្ជាលើមហាវិទ្យាល័យ ស្រូបអត្រា៥២,៦៨% ទ្រឹស្ដីនយោបាយជាន់ខ្ពស់១០០% និងកម្មាភិបាលថ្នាក់ដឹកនាំ គ្រប់គ្រងខ័ណ្ឌ ស្រុក មានកម្រិតវិជ្ជាលើមហាវិទ្យាល័យស្រូបអត្រា៤១,៦៧% ទ្រឹស្ដីនយោបាយជាន់ខ្ពស់ជាង៩០%។

ដើម្បីជួយកម្មាភិបាលវឌ្ឍនាការក្នុងស្ថានភាពជាក់ស្ដែង គណៈកម្មាធិការបក្ស ថ្នាក់ដឹកនាំស្ថាប័ន អង្គភាពគ្រប់លំដាប់ថ្នាក់ បានជំរុញការងារផ្លាស់វេន កម្មាភិបាល។ ក្នុងរយៈពេល១៥ឆ្នាំកន្លង មានកម្មាភិបាលផ្លាស់វេនរាប់សិបនាក់ សុទ្ធតែមានជំហានវឌ្ឍនាការនិងរីកចម្រើនឡើងកាន់តំណែងខ្ពស់ថែមទៀត។ តួយ៉ាងដូចក្នុងចំណោម១២/១៣សមមិត្តជាសមាជិកគណៈប្រចាំការនៃគណៈកម្មាធិការបក្សក្រុង ក្នុងនោះ មាន៣/៣ សមមិត្តប្រចាំការបក្សក្រុងសព្វថ្ងៃ សុទ្ធសឹងធ្លាប់ឆ្លងកាត់ការផ្លាស់វេន និងវឌ្ឍនាការមកអំពីគណៈកម្មធិការបក្សខ័ណ្ឌ គណៈកម្មាធិការបក្សស្រុក និងគណៈកម្មាធិការបក្សក្រោមឱវាទគណៈកម្មាធិការបក្សក្រុង។

ប៉ុន្មានឆ្នាំមកនេះ គណៈកម្មាធិការបក្ស ស្ថាប័ន អង្គភាពគ្រប់លំដាប់ថ្នាក់របស់ក្រុង បានផ្សព្វផ្សាយការងារសម្រាំងក្របខ័ណ្ឌតាមគោលការណ៍របស់បក្ស និងរដ្ឋ។ ដោយវិធានការជាច្រើនយ៉ាងម៉ឹងម៉ាត់ សព្វថ្ងៃ ក្រុងកាត់បន្ថយបានថ្នាក់ដឹកនាំ ថ្នាក់មូលដ្ឋានចំនួន៩ ថ្នាក់ប្រធាន និងអនុប្រធានបន្ទប់ចំនួន៧៧ កម្មាភិបាល បុគ្គលិក អ្នករដ្ឋការចំនួន២.៧៧៤នាក់ (សម្រេច៩២,៣១%នៃផែនការដំណាក់កាល២០១៥-២០២១) និងបុគ្គលបម្រើការមិនជំនាញចំនួន៧១២នាក់ នៅតាមឃុំ សង្កាត់ ទីប្រជុំជន និងភូមិ មណ្ឌល។

សមមិត្តត្រឹងក្វឹកត្រុង សមាជិកមជ្ឈិមបក្ស លេខាគណៈកម្មាធិការបក្សក្រុង មានប្រសាសន៍៖ រយៈពេលខាងមុខ គណៈប្រចាំការបក្សក្រុង នឹងចង្អុលការ គណៈកម្មាធិការគ្រប់ថ្នាក់ គ្រប់ផ្នែក ផ្តុំកម្លាំងកសាងកងជួរកម្មាភិបាលគ្រប់លំដាប់ថ្នាក់ដោយគុណសម្បត្តិ សមត្ថភាព និងប្រជាប្រិយភាព សមស្រមនិងភារកិច្ច យោងតាមស្មារតីនៃសេចក្ដីសម្រេចមជ្ឈិម៧ នីតិកាល XII។ ក្នុងនោះ ផ្តុំកម្លាំងបណ្តុះបណ្តាល បំពាក់បំប៉នប្រភពធនធានមនុស្សតាមទិសដៅគុណភាពខ្ពស់ យកចិត្តទុកដាក់បណ្តុះបណ្តាលស៊ីជម្រៅមហាបរិញ្ញាជូនកម្មាភិបាលថ្នាក់ដឹកនាំ គ្រប់គ្រង ជ្រើសតាំងកម្មាភិបាលប្រកបដោយសមត្ថភាព គុណសម្បត្តិ សីលធម៌ល្អ។ល។ ៕

អាញ់យ៉ុង-ធី

ចែករំលែកអត្ថបទ

ពាក្យគន្លឹះ