សុខភាព - អប់រំ សុខភាព

28/01/2019 - 07:55

វិធីបន្សាបជាតិស្រវឹងយ៉ាងសាមញ្ញក្នុងថ្ងៃបុណ្យចូលឆ្នាំ

យោងតាមនាយកដ្ឋានសុខាភិបាលបម្រុង (ក្រសួងសុខាភិបាល) គ្រឿងស្រវឹងជាមូលហេតុផ្ទាល់បណ្តាលឲ្យកើតជំងឺយ៉ាងតិចបំផុត៣០មុខ និងជាមូលហេតុប្រយោលបណ្តាលឲ្យកើតជំងឺតម្កាត់ របួសស្នាមចំនួន២០០ប្រភេទ។ ពិសាគ្រឿងស្រវឹងនាំឲ្យកើតមានផលវិបាកផ្នែកសង្គម រួមមាន៖ គ្រោះថ្នាក់ចរាចរ បង្កអសន្តិសុខសណ្តាប់ធ្នាប់សង្គម។ល។ ថ្វីបើដូច្នោះ បុណ្យចូលឆ្នាំគឺជាឱកាសដែលក្រុមគ្រួសារ បងប្អូនមិត្តភក្តិ ជួបជុំគ្នា។ ព្រោះហេតុនោះ “បុរសៗ” មិនអាចបដិសេធន៍”លើកឲ្យអស់ពីកែវ១០០%”, នាំឲ្យស្រវឹងជោកជាំ អស់កម្លាំង ពុំនោះសោត នាំឲ្យពុលស្រាក៏សឹងមាន។ល។ ខាងក្រោមនេះ គឺជាវិធីមួយចំនួនសម្រាប់បន្សាបគ្រឿងស្រវឹងនៅថ្ងៃ”បុណ្យចូលឆ្នាំថ្មី”។

ទឹកខ្ញីឬក៏ទឹកក្រូចឆ្មារក្តៅឧណ្ហៗ បន្សាបគ្រឿងស្រវឹងប្រកបដោយប្រសិទ្ធភាព។ រូបថតៈ Internet

*ផ្លែឈើស្តុកជាតិទឹក វីតាមីន និងសារធាតុបំប៉នច្រើន អាចស្រូបជាតិស្រា កាត់បន្ថយកម្រិតជាតិអាល់កុលក្នុងក្រពះ។ ហេតុដូច្នេះ មិត្តគប្បីហូបផ្លែឈើនៅពេលស្រវឹងឬក៏ហូបក្នុងពេលពិសាគ្រឿងស្រវឹង។

*ក្រូចធ្មារ ស្តុកបរិមាណវីតាមីន C ខ្ពស់ ជួយកាត់បន្ថយការស្រវឹង និងធ្វើឲ្យអ្នកឆាប់ធូរស្បើយ។ ឲ្យអ្នកស្រវឹងពិសាទឹកក្រូចឆ្មារក្តៅឧណ្ហៗ ថែមអំបិលបន្តិច។ ជាតិជូរនិងក្លិនក្រអូប ក្នុងសារធាតុក្រូចឆ្មារ អាចនឹងធ្វើឲ្យអ្នកស្រវឹងឆាប់ធូរស្បើយឡើងវិញ។

*ខ្ញីផ្តល់អត្ថប្រយោជន៍ជួយសម្រួលសរសៃឈាម និងកាត់ បន្ថយអាការៈហេវហត់ប្រកបដោយប្រសិទ្ធភាព។ មិត្តគប្បីយកយារខ្ញីស្រស់ប្រមាណ៦០ក្រាមចិតជាបន្ទះស្តើងៗ ឆុងទឹកក្តៅ ដាក់ទឹកឃ្មុំមួយស្លាបព្រាកាហ្វេ ដើម្បីស្រូបនិងបន្សាបជាតិស្រវឹងយ៉ាងឆាប់រហ័ស។

*ជ្រើសយកផ្លែប៉េងប៉ោះចំនួន២ផ្លែ លាងឲ្យជ្រះ ដាក់ក្នុងទូទឹកកកឲ្យត្រជាក់ រួចគាបយកទឹក ហើយលាយជាមួយនឹងទឹកបរិសុទ្ធកន្លះកែវ ថែមអំបិលបន្តិច ដើម្បីកាត់បន្ថយជាតិជូរ។

*តែបៃតង ផ្ទុកសារធាតុអាស៊ីដតានិក (axit tanic) មានលទ្ធភាពកម្ចាត់ជាតិអាល់កុលជាបន្ទាន់។ តែចត់ គឺស្តុកបរិមាណ អាស៊ីដកាន់តែច្រើន ជួយកម្ចាត់ជាតិពុលក្នុងខ្លួន។

យោងតាមRd.com (គេហទំព័រនៅអាមេរិក) ស្រាធ្វើឲ្យបាត់អស់វីតាមីន B ក្នុងសារពាង្គកាយរបស់មិត្ត ហើយប្រការនេះធ្វើឲ្យមិត្តមានអារម្មណ៍ហេវហត់ក្នុងខ្លួននៅថ្ងៃបន្ទាប់។ ផឹកវីតាមីនB ចម្រុះកម្រិត៥០ក្រាម មុននឹងមិត្តចាប់ផ្តើមពិសាគ្រឿងស្រវឹង រួចលេបម្តងទៀតក្នុងពេលពិសា អាចជួយកាត់បន្ថយការហេវហត់ ឈឺក្បាលវិលមុខក្រោយពីក្រោកពីដំណេក។

វីធីសាមញ្ញដើម្បីជម្នះការហេវហត់ដោយសារគ្រឿងស្រវឹងគឺបន្សាបបរិមាណជាតិអាល់កុលនិងជាតិពុលក្នុងខ្លួន។ ងូតទឹកក្តៅជួយបំបាត់ធុំក្លិនស្រាបៀ និងការហេវហត់ក្នុងខ្លួន។ ប៉ុន្តែ មិត្តកុំងូតយូរពេក គប្បីផឹកទឹកត្រជាក់ឬក៏ទឹកបរិសុទ្ធមួយកែវពេលងូតទឹករួច ដើម្បីជៀសវាងបាត់ជាតិទឹក។ មិត្តអាចនឹងបង់អំបិលទៅក្នុងទឹកងូតបន្តិច មានអត្ថប្រយោជន៍ក្នុងការកម្ចាត់ជាតិពុលក្នុងខ្លួន។

បំពេញការបាត់ជាតិទឹក ជាវិធីមួយក្នុងចំណោមវិធីដែលងាយបំផុត ជួយឲ្យមិត្តមានកម្លាំងឡើងវិញ បន្ទាប់ពីស្រវឹងស្រាជោកជាំ បរិមាណទឹកមួយកែវ ផ្ទុកជាតិអេឡេត្រូលីតត្រជាក់ស្រួល គឺជាជម្រើសដ៏សមស្រប។

កំណត់ចំណាំៈ មិនត្រូវផឹកគ្រឿងស្រវឹងជាមួយនឹងទឹកភេសជ្ជៈឡើយ ព្រោះទឹកភេសជ្ជៈ និងទឹកភេសជ្ជៈដែលមានជាតិហ្គាស នឹងធ្វើឲ្យជាតិអាល់កុលឆាប់ស្រូបចូលក្រពះ បង្កើតជាតិឧស្ម័នធ្វើឲ្យតឹងពោះពិបាកទ្រាំ និងប៉ះពាល់ដល់ក្រពះ ថ្លើម ក្រលៀន ៕

ថាញ់ឡុង(សរុប)-មុនី

ចែករំលែកអត្ថបទ

ពាក្យគន្លឹះ