ព្រឹត្តិការណ៍ - នយោបាយ នយោបាយ

21/01/2019 - 08:36

ភាពជាក់ស្តែងនៃគោលនយោបាយជនជាតិ កំណត់ទិសដៅ កសាងគោលនយោបាយ ដំណាក់កាល២០២១-២០៣០

គណៈកម្មាធិការជនជាតិ ទើបសហការជាមួយនឹងស្ថានឯកអគ្គរដ្ឋទូត Ireland ប្រចាំនៅហាណូយ រៀបចំសិក្ខាសាលាថ្នាក់ជាតិ ស្ដីពី"ភាពជាក់ស្តែងនៃគោលនយោបាយជនជាតិ កំណត់ទិសដៅកសាងគោលនយោបាយ ដំណាក់កាល២០២១-២០៣០"។

ឧបនាយករដ្ឋមន្រ្តីប្រចាំការរដ្ឋាភិបាល ត្រឿងហ្វាប៊ិញ ថ្លែងយោបល់នៅក្នុងអង្គសិក្ខាសាលា។

តាមគណៈកម្មាធិការជនជាតិ ចាប់ពីឆ្នាំ២០១៦ រហូតមកទល់នឹងបច្ចុប្បន្ន រដ្ឋាភិបាល នាយករដ្ឋមន្រ្តីនៃរដ្ឋាភិបាល បានប្រកាសឲ្យប្រើឯកសារ៤១ច្បាប់ ជាប់ពាក់ព័ន្ធដល់ការអាទិភាពអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិច និងតំបន់ភ្នំ ក្នុងនោះ មានគម្រោងគោលនយោបាយជនជាតិចំនួន១៥។ បច្ចុប្បន្ន មានគោលនយោបាយចំនួន៥៤ នៅមានសុពលភាពឧបត្ថម្ភអភិវឌ្ឍសេដ្ឋកិច្ច-សង្គម តំបន់ភ្នំ ឧបត្ថម្ភជនជាតិភាគតិច។ គណៈ ផ្នែកគ្រប់លំដាប់ថ្នាក់ និងទូទាំងប្រព័ន្ធនយោបាយខិតខំយ៉ាងពេញទំហឹងក្នុងការងារកាត់បន្ថយភាពក្រីក្រនៅតំបន់ជនជាតិភាគតិចនិងតំបន់ភ្នំ សម្រេចផែនការ កម្មវិធីទិសដៅជាតិកាត់បន្ថយភាពក្រីក្រប្រកបដោយចីរភាព។

អនុវត្តល្អនូវគោលនយោបាយឧបត្ថម្ភ ធានាសុខុមាលភាពសង្គម មិនទុកឲ្យអ្នកក្រលំបាកណាមួយដោយមិនបានទទួលជំនួយឡើយ។ ថ្វីដ្បិតដូច្នោះ ស្ថានភាពខ្វះការងារធ្វើ ក្រលំបាក គ្រោះធម្មជាតិ ឈឺថ្កាត់ នៅតែជាបញ្ហាប្រឈមដ៏ធំចំពោះតំបន់ជនជាតិភាគតិចនិងតំបន់ភ្នំ។ ការរស់នៅរបស់ជនជាតិភាគតិចមានមួយភាគនៅជួបការលំបាកច្រើន ប្រៀបនឹងកម្រិតមធ្យមភាគរួមនៅគម្លាតឆ្ងាយ។

អញ្ជើញចូលរួមនិងថ្លែងយោបល់ចង្អុលការ ឧបនាយករដ្ឋមន្រ្តីប្រចាំការរដ្ឋាភិបាល ត្រឿងហ្វាប៊ិញ អំណះអំណាង៖ បក្សនិងរដ្ឋតែងយកចិត្តទុកដាក់ដល់ការអភិវឌ្ឍតំបន់ជនជាតិភាគតិច តំបន់ភ្នំ ចាត់ទុកជាភារកិច្ចសំខាន់ក្នុងការកសាងផែនមហាសាមគ្គីទូទាំងជនជាតិ និងអភិវឌ្ឍប្រកបដោយចីរភាព។ ជាច្រើនឆ្នាំកន្លង ប្រព័ន្ធគោលនយោបាយជនជាតិ តំបន់ភ្នំ ត្រូវបានបន្តការធ្វើឲ្យសុក្រឹត សមស្របនឹងទិសដៅអភិវឌ្ឍរួម សំខាន់បំផុតគឺឧបត្ថម្ភក្នុងការអប់រំ សុខាភិបាល ថែទាំសុខភាពជូនប្រជាជន កាត់បន្ថយភាពក្រីក្រប្រកបដោយចីរភាព អនុវត្តភាពជឿនលឿន សមធម៌សង្គម។ ទន្ទឹមនឹងនោះ ប្រព័ន្ធគោលនយោបាយសម្រាប់តំបន់ជនជាតិភាគតិចនៅរាត់រាយ ប្រទាក់ប្រទើស។ ប្រភពកម្លាំងអនុវត្តនៅជួបការលំបាក មិនទាន់ទាញយកអស់សក្តានុពលរបស់តំបន់នីមួយៗ មិនទាន់បានលើកទឹកចិត្តជនរួមជាតិឈានឡើងដោយខ្លួនឯងដើម្បីចាកផុតពីភាពក្រីក្រ។ ភូមិភាគជាច្រើននៅជួបការលំបាក ជាប់ជំពាក់ក្នុងការកៀរគរ បែងចែកប្រភពកម្លាំង ពុំទាន់ពង្រីកល្អនូវតួនាទីឃ្លាំមើលរបស់ក្រុមប្រឹក្សាប្រជាជនគ្រប់លំដាប់ថ្នាក់នៅឡើយ។ល។ ដើម្បីជម្នះភាពខ្វះចន្លោះ ភាពមានកម្រិត អនុវត្តសេចក្តីសម្រេចចិត្តរបស់រដ្ឋសភា រដ្ឋាភិបាលបានដាក់បញ្ចូលកម្មវិធីការងារឆ្នាំ២០១៩ កសាងគម្រោងប្លង់គោលវិនិយោគអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ តំបន់លំបាកពិសេស តាមទិសដៅសមស្របនឹងគោលនយោបាយ វិធានការ សំដៅអភិវឌ្ឍឆាប់រហ័ស ប្រកបដោយចីរភាពនៅតំបន់ជនជាតិភាគតិច និងតំបន់ភ្នំ កាន់តែមានភាពប្រសើរ។ ឧបនាយករដ្ឋមន្រ្តី សំណូមពរ៖ គណៈកម្មាធិការជនជាតិ ក្រសួង គណៈ ផ្នែក ភូមិភាគនានា អ្នកវិទ្យាសាស្រ្ត អ្នកឯកទេសមានបទពិសោធន៍ វាយតម្លៃឲ្យបានគ្រប់ជ្រុងជ្រោយជាងទៀត អំពីប្រព័ន្ធគោលនយោបាយជនជាតិដំណាក់កាល២០១៦-២០១៨។ វិភាគចំៗចំពោះស្ថានភាពជាក់ស្តែង ប្រាក់ចំណូល ការរកស៊ីចិញ្ចឹមជីវិត និងកម្រិតកៀកជិតវប្បធម៌ អប់រំ សុខាភិបាលរបស់ជនជាតិភាគតិច រួមចំណែកផ្តល់គំនិត ពង្រីកទិសដៅកសាងប្រព័ន្ធគោលនយោបាយជនជាតិនៅដំណាក់កាលខាងមុខប្រកបដោយលក្ខណៈចម្រុះ ព្រមៗគ្នា សុពលភាព ប្រសិទ្ធភាព…៕

តាម៖ ទីភ្នាក់ងារសារព័ត៌មានវៀតណាម-មុនី

ចែករំលែកអត្ថបទ

ពាក្យគន្លឹះ