កីឡា - ទេសចរណ៍ ទេសចរណ៍

21/01/2019 - 08:36

យក​ជា​ញ​ជ័យ​ភ្នំ​បៃ​ណូយ

តំ​បន់​ថឹក​ស៊ើង​របស់​ខេត្ត​អាន​យ៉ាង គឺ​ជា​កន្លែង​​ទេស​ចរណ៍សម្រាក​ លំ​ហែ​កាយ​ដ៏​ប្រ​ពៃ​សម្រាប់​​ភ្ញៀវ​ទេស​ចរ​។

ស្រះធ្វីលីមនៅភ្នំពពាល​។

ភ្ញៀវ​ទេស​ចរ​ណា​ដែល​មាន​បំ​ណង​សម្រាក​លំ​ហែ​កាយ​ប្រ​កបដោយ​ផា​សុក​ភាព​នោះ​ Victoria ភ្នំ​ស្វាម (សណ្ឋា​គារ​ភ្នំ​ស្វាម​) គឺ​ជា​ជម្រើស​មួយ​ដ៏​ប្រ​សើរ​។ ដោយ​មាន​ទី​តាំង​ដ៏ពិ​សេស​​៖ គឺ​ឋិត​នៅ​ចង្កេះ​ភ្នំ​ស្វាម​ សណ្ឋា​គារ Victoria​ អាច​សម្លឹង​មើល​វាល​ស្រែ​ដ៏​ធំ​ល្វឹង​​ល្វើយនៅ​ជុំ​ជើង​ភ្នំ​ខាង​ក្រោម​ លាត​សន្ធឹង​ទៅ​ទាល់​ព្រំ​ដែន​ប្រ​ទេសមិត្ត​កម្ពុជា​។ ផ្លូវ​ក្រាល​កៅ​ស៊ូ​ចាប់​ពី​ជើង​ភ្នំ​ដើរ​ឡើង​មាន​ការ​បត់បែន​ព័ទ្ធ​ពេន​ឡើង​រ​ហូត​ដល់​សណ្ឋា​គារ​។ នៅ​ទី​នេះ មាន​សេ​វាកម្ម​ចាំ​បាច់​សម្រាប់​ភ្ញៀវ ចាប់​តាំង​ពី​បន្ទប់​ហាត់​ប្រាណ ភោជ​នីយ​ដ្ឋាន​ ដោយ​មាន​គ្រប់​ផ​លិត​ផល​ពិ​សេស​ៗ​នៅ​តំ​បន់​វាល​រាបទន្លេ​គឺវឡុង​ ព្រម​ទាំង​មាន​បន្ទប់​ប្រ​ជុំ បន្ទប់​សន្និ​​បាត​ដ៏​ទំ​នើបទៀត​ផង​។ មាន​អ្វី​អស្ចារ្យ​ជាង​ ពេល​ដែល​បាន​ស្រោប​យកខ្យល់​អា​កាស​ដ៏​បរិ​សុទ្ធ​ផង​ បាន​ទស្ស​នា​វាល​ស្រែ​ព៌ណ​លឿង​ ដាច់​កន្ទុយ​ភ្នែក​នៅ​លើ​ខ្នង​ភ្នំ​ផង​។

 ភ្ញៀវ​ទេស​ចរ​ដែល​មាន​ភាព​ស្វា​ហាប់ គប្បី​ជម្រើស​របៀប​យកជាញ​ជ័យ​កំ​ពូល​ភ្នំ​ព​ពាល​។ ថ្មី​ៗ​នេះ តិច​មាន​ភ្ញៀវ​ថ្មើរ​ជើងឡើង​ភ្នំ​ព​ពាល​  ពី​ព្រោះ​គេ​អាច​ឡើង​ភ្នំ​ដោយ​កន្ត្រក​ខ្សែ​កាប រ​ហ័ស​ផង​ ហើយ​សុ​វត្ថិ​ភាព​ផង​។ ឈរ​ក្នុង​​កន្ដ្រក​ខ្សែ​កាប​ ប្រិយមិត្ត​អាច​ទស្សនា​ទេសភាព​​ខាង​ក្រោម​ ពិ​សេសគឺ​ស្រះ​ទឹក​ថ្លាយង់​។ បើ​មិន​ឡើង​ភ្នំ​ដោយ​កន្ត្រក​ខ្សែ​កាប​ទេ​  ប្រិយ​មិត្ត​​អាច​ជិះម៉ូ​តូ​ ឬ​ឡាន​ Zip បើក​កាត់​ផ្លូវ​បត់​បែន​ ដែល​មាន​ផ្ទះ​ប្រ​ជាជន​នៅ​រ​ប៉េះ​រ​ប៉ោះ​ក្រោម​ម្លប់​ដើម​ស្វាយ​ដ៏​ត្រ​ឈឹង​ត្រ​ឈៃ ប្រ​សិន​បើ​ចង់​ដឹង​ពី​សោ​ភណ​ភាព​នៃ​ព្រៃ​ភ្នំ​បៃ​ណូយ​ ប្រិយ​មិត្ត​គួរតែ​សម្រាក​នៅ​ពេល​រាត្រី​លើ​ភ្នំ​ព​ពាល​ ដោយ​គ្មាន​ការ​ប្រើទូរ​ស័ព្ទ​ទំ​នើប​ និង​ទូរស្សន៍​។ ពេល​រា​ត្រី ខ្យល់​ត្រ​ជាក​បក់​ចូល​បន្ទប់ ជ្រែក​ចូល​ផួយ​ត្រ​ជាក​ដល់​សាច់​។ ពេល​ព្រលឹម​ឡើង​ ប្រិយមិត្ត​គួរ​ឈរ​ធ្មេច​ភ្នែក​ ឲ្យ​ពន្លឺ​ព្រះ​អា​ទិត្យ​ចាំង​ចូល​មុខ​ គឺ​មានអា​រម្មណ៍​ល្ហែ​ល្ហើយ​ស្បើយ​ពី​ទុក្ខ​កង្វល់​។ ពេល​ព្រះ​អា​ទិត្យ​រះឡើង​ខ្ពស់​ ទឹក​ក្នុង​ស្រះ​ធ្វី​លីម​ ហាក់​ដូច​ថ្លា​ជាង​ទៀត​ ខ្យល់​​បក់បោក​ទឹក​រលក​ប្រ​ដេញ​គ្នា​គួរ​ឲ្យ​គយ​គន់​។

ប្រ​សិន​ជា​មាន​ពេល ប្រិយ​មិត្ត​គួរ​ទៅ​កាន់​ភ្នំ​តា​ប៉ា នៅ​ទី​ប្រ​ជុំ​ជនទ្រី​តូង​ (ចម្ងាយ​ពី​ភ្នំ​ព​ពាល​​១០​គី​ឡូ​ម៉ែត្រ​) ទី​នេះ​មាន​ល្អាង​ភ្នំមួយ​ដ៏​ស្រស់​ស្អាត​។ ទឹក​នៅ​ទី​នេះ​ចម្លែក​ណាស់​ មេឃ​កាន់​​ក្តៅ ទឹក​កាន់តែ​ថ្លា​។ នៅ​ក្បែរ​ភ្នំ​តា​ប៉ា​មាន​វត្ត​ព្រះ​ពុទ្ធ​សាស​នា​ខ្មែរមួយ​ (ហៅ​វត្ត​តា​ប៉ា​) មាន​សោ​ភណ​ភាព​ប្រៀប​ដូច​ឋាន​សួ​គ៌ា​ល័យ​ តែង​ទាក់​ទាញ​ភ្ញៀវ​ទេស​ចរ​ពេល​មក​ដល់​ទ្រី​តូង​៕

ហា​ថាញ់​-សុ​ផន

ចែករំលែកអត្ថបទ