សុខភាព - អប់រំ សុខភាព

11/12/2018 - 15:17

សុកត្រាំង៖

បើកដំណើរការបន្ទប់ថតឆ្លុះសរសៃឈាមបេះដូង ដើម្បីអន្តរាគមន៍ដល់ជំងឺសរសៃឈាមបេះដូង

តាមប្រសាសន៍វេជ្ជបណ្ឌិត ឯកទេស II ង្វៀនធីឡាក នាយិកានៃមន្ទីរពេទ្យពហុព្យាបាលខេត្តសុកត្រាំង ឲ្យដឹង៖ មន្ទីរពេទ្យទើបបើកដំណើរការបន្ទប់ថតឆ្លុះសរសៃឈាមបេះដូងដើម្បីអន្តរាគមន៍ដល់ជំងឺសរសៃឈាមបេះដូង ដោយទឹកប្រាក់វិនិយោគទុនជិត៤០ពាន់លានដុង ដកពីប្រភពថវិកាកសាងមន្ទីរពេទ្យ។ បន្ទប់នេះត្រូវបានបំពាក់ម៉ាស៊ីន DSA ទំនើប មានដូច៖ ម៉ាស៊ីនថតសម្រាប់អន្តរាគមន៍ ស្ទះសរសៃឈាមបេះដូង ប្រព័ន្ធឆ្លុះអេកូបេះដូងក្នុងសរសៃឈាម ម៉ាស៊ីនឆ្លុះអេកូបេះដូងនៅនឹងគ្រែ ព្រមទាំងបរិក្ខារចាំបាច់ដទៃទៀត។ ការបើកដំណើរការនូវបន្ទប់ថតឆ្លុះសរសៃឈាមបេះដូង សម្រាប់អន្តរាគមន៍ដល់ជំងឺសរសៃឈាមបេះដូង សំដៅធ្វើការពិសោធន៍ពីបច្ចេកទេសថ្មី ក៏ដូចជាវិធីសាស្រ្តថ្មីសម្រាប់ផ្នែកសរសៃឈាមបេះដូងនៅក្នុងមន្ទីរពេទ្យ រួមចំណែកលើកកម្ពស់ការងារធ្វើរោគវិនិច្ឆ័យ និងព្យាបាលជំងឺសរសៃឈាមបេះដូងនិយាយរួម និងជំងឺស្ទះសរសៃឈាមនិយាយដោយឡែក ។

បន្ទប់ថតឆ្លុះសរសៃឈាមបេះដូងដើម្បីអន្តរាគមន៍ដល់ជំងឺសរសៃឈាមបេះដូង ត្រូវបានវិនិយោគទុនបំពាក់បរិក្ខារទំនើប។

បច្ចុប្បន្ន មន្ទីរពេទ្យពហុព្យាបាលខេត្តសុកត្រាំង បានចូលរួមគម្រោងប្រព័ន្ធមន្ទីរពេទ្យរណបនៃមន្ទីរពេទ្យមហាវិទ្យាល័យឱសថសាស្រ្តក្រុងហូជីមិញ ដោយមាន២ផ្នែក គឺផ្នែកសរសៃឈាមបេះដូងនិងផ្នែកសន្លាក់ឆ្អឹង។ ទន្ទឹមនឹងការបើកដំណើរការបន្ទប់ថតឆ្លុះសរសៃឈាមបេះដូង ដើម្បីអន្តរាគមន៍ដល់ជំងឺសរសៃឈាមបេះដូង ដោយមានជំនួយការពីសមូហភាពគ្រូពេទ្យ វេជ្ជបណ្ឌិតដែលផ្ទេរជូនបច្ចេកវិទ្យា និងមុខជំនាញ ពីមន្ទីរពេទ្យមហាវិទ្យាល័យឱសថសាស្រ្ត ដើម្បីរួមចំណែកលើកកម្ពស់គុណភាពពិនិត្យនិងព្យាបាល កាត់បន្ថយអត្រាអ្នកជំងឺ បញ្ជូនទៅមន្ទីរពេទ្យថ្នាក់លើ ក៏ដូចជាកាត់បន្ថយប្រាក់ចំណាយដល់អ្នកជំងឺ ទន្ទឹមនឹងនោះ គឺជាកម្លាំងចលករជំរុញការអភិវឌ្ឍនៃផ្នែកសុខាភិបាលខេត្តសុកត្រាំងទៀតផង៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ