សន្តិសុខ - ការពារប្រទេស សន្តិសុខ

04/12/2018 - 14:45

ប្រឆាំងការរត់គយបារីនៅតំបន់ព្រំដែនឡុងអាន

ច្រើនខែមកនេះ ស្ថានភាពរត់គយបារីនៅតាមខ្សែបន្ទាត់ព្រំដែនខេត្តឡុងអាន មានភាពស្ងប់ស្ងាត់ជាង។ ក៏ប៉ុនែ្ត តាមកម្លាំងសមត្ថកិច្ចបានឲ្យដឹងថា សកម្មភាពរត់គយបារីនៅតែមានស្ថានភាពពិបាកស្មាន ពិសេសគឺនៅឱកាសចុងឆ្នាំ២០១៨នេះ។ ទន្ទឹមនឹងនោះ របៀបឧបាយកលរបស់ពួកអ្នករត់គយ ដឹកជញ្ជូនបារីឈ្នួលសកម្មភាពពីមួយថ្ងៃទៅមួយថ្ងៃកាន់តែមានភាពល្អិតល្អាន់ជាង។

កម្មាភិបាលការិយាល័យបង្ការប្រឆាំងគ្រឿងញៀននិងឧក្រិដ្ឋកម្ម នៃកងទ័ពការពារព្រំដែនឡុងអាន

កំពុងពិនិត្យរាប់វត្ថុតាងបារីដែលរត់គយ។

យោងតាមការសង្កេតរបស់យើងខ្ញុំ ដើម្បីនាំទំនិញឆ្លងដែនដោយឥតទើសទាល់មុខសញ្ញារត់គយតែងចាត់គ្នាឲ្យ" ឃ្លាំមើល" នៅមុខដំណាក់ត្រួតពិនិត្យ និងឃ្លាំមើលនៅមុខស្ថាប័នប្រឆាំងការរត់គយ ប្រសិនបើឃើញសុវត្ថិភាព ពួកគេនឹងទូរស័ព្ទឲ្យបក្ខពួកចេញដំណើរ ពេលវេលាដឹកជញ្ជូនក៏ផ្លាស់ប្តូរជានិច្ចមិនតាមកំណត់ឡើយ។ គ្រោះថ្នាក់បំផុត គឺពេលកម្លាំងសមត្ថកិច្ចប្រទះឃើញ និងតាមប្រកិតចាប់ពួកគេបង្ហោះមូតូបុកតម្រង់កងកម្លាំងសមត្ថកិច្ច ឬរត់យករួចខ្លួន។ ពិសេស ពេលកម្លាំងសមត្ថកិច្ចរឹបអូសទំនិញ ពួកគេស្រែកហៅមនុស្សជាច្រើនមកប៉្លន់យកវត្ថុតាងឡើងវិញ។

វរសេនីយទោ ម៉ាយហុងថាញ អនុប្រធានការិយាល័យបង្ការប្រឆាំងគ្រឿងញៀននិងឧក្រិដ្ឋកម្ម នៃកងទ័ពការពារព្រំដែនឡុងអាន មានប្រសាសន៍ឲ្យដឹង៖ "សកម្មភាពរត់គយបារីនៅតំបន់ព្រំដែនឡុងអានរយៈកាលកន្លង មានការថយចុះប៉ុន្តែនៅតែមានភាពស្មុគស្មាញ ឧបាយកលសកម្មភាពគឺលួចលាក់ ឆ្លៀតឱកាសយប់ងងិត ផ្លូវលំ ផ្លូវកាត់នៅព្រំដែន បង្កើតជាផ្លូវតភ្ជាប់គ្នា ប្រើកងជួរអ្នករត់ម៉ូតូឌុបបើកបរតាមផ្លូវលំក្រោយមកផ្តុំទំនិញ រួចដាក់ឡើងយានយន្តដឹកមកក្រុងហូជីមិញ និងខេត្តក្រុងជិតខាង ដើម្បីចែកចាយ។ ដើម្បីចាប់បានករណីនីមួយៗ ត្រូវប្រើរយៈពេលយូរកងសើបការណ៍ត្រូវលាកខ្លួនតាមដានមុខសញ្ញាទាំងនោះ។ ប៉ន្តែពិបាកបំផុតគឺគេចពីខ្សែភ្នែក"ពួកឃ្លាំមើល" ពីព្រោះពួកវាមានល្បិចកលច្រើនណាស់ ប្រសិនបើយើងមិនដឹងល្បិចកលពួកវាទេ គឺមិនអាចចាបបានទំនិញរត់គយឡើយ"។

យោងតាមរបាយការណ៍របស់ការិយាល័យបង្ការប្រឆាំងគ្រឿងញៀន និងឧក្រិដ្ឋកម្មនៃកងទ័ពការពារព្រំដែនឡុងអាន ឲ្យដឹង៖ ចាប់ពីដើមឆ្នាំ២០១៨មកដល់បច្ចុប្បន្ន អង្គភាពចាប់បាន៥០ករណី ដោយមានមុខសញ្ញា១៥នាក់ រឹបអូសបានវត្ថុតាងគឺបារីក្រៅប្រទេស២៥៩.៩៥០កញ្ចប់ ដែលនាំចូលប្រទេសយើង។ តាមប្រសាសន៍វរសេនីយទោ ម៉ាយហុងថាញ ឲ្យដឹង" ពីមុនបារីរត់ គយច្រើនបានចែកជាចំនួនតុចៗ ដាក់បន្លំក្នុងហេបវ៉ាលី ឬលាក់លាយឡំនឹងទំនិញផ្សេងៗ ដើម្បីដឹកជញ្ជូន។ បំណងបន្លំភ្នែកសមត្ថកិច្ចពេលត្រួតពិនិត្យ ។ ក៏ប៉ុន្តែសព្វថ្ងៃ ពួករត់គយចាត់ការល្អិតល្អាន់ជាងពួកគេ បានលាក់បារីក្នុងពូកម៉ូតូ ថុងសាំង រួចបញ្ជូនឡើងយានយន្ត ដឹកមកចែកចាយក្នុងស្រុកទេសយើង។ ពិសេស ពួកអ្នករត់គយបានជួលយានយន្តបើកផ្លាស់គ្នាច្រើនលើកច្រើនសារ ដើម្បីដឹកជញ្ជូនបារី ហេតុនោះការពិនិត្យកំណត់ប្រភពយានយន្តក៏ជួបការលំបាកមិនតិចដែរ"។

វរសេនីយទោ ម៉ាយហុងថាញ បានឲ្យដឹងថា ចាប់ពីពេលនេះរហូតដល់ចុងឆ្នាំ២០១៨ ស្ថានភាពសកម្មភាពរត់គយបារីតាមខ្សែ បន្ទាត់ព្រំដែននឹងមានភាពស្មុគស្មាញជាងទៀត មុខសញ្ញាដឹកជញ្ជូនកាន់តែមានភាពប្រថុយប្រថានជាង។ អាស្រ័យហេតុនេះ កងទ័ពការពារព្រំដែនឡុងអាន នឹងមានផែនការត្រួតពិនិត្យមធ្យ័តតាមខ្សែបន្ទាត់ព្រំដែន ពិសេសគឺនៅចំណុចក្តៅ បង្កើនកងកម្លាំងនៅតាមដំណាក់ត្រួតពិនិត្យ សំដៅប្រទះឃើញ និងទប់ស្កាត់សកម្មភាពរត់គយបារីពេលនៅនឹងខ្សែបន្ទាត់ព្រំដែនតែម្តង៕

យោងតាម http://www.bienphong.com.vn ប្រែ៖សុផន

ចែករំលែកអត្ថបទ

ពាក្យគន្លឹះ