13/11/2018 - 10:38

កៀន​យ៉ាង​និង​កោះ​កុង​ បង្កើន​​ទំ​នាក់​ទំ​នង​សហ​ប្រតិ​បត្តិ​ការ

នៅ​ខេត្ត​កោះ​កុង​ (ព្រះ​រា​ជា​ណា​ចក្រ​កម្ពុជា​) គណៈ​កម្មា​ធិ​ការ​ប្រ​ជា​ជន​ខេត្ត​កៀន​យ៉ាង​(វៀត​ណាម)​ បាន​សហ​ការ​ជា​មួយ​គណៈ​កម្មា​ធិ​ការ​រដ្ឋ​បាល​ខេត្ត​កោះ​កុង រៀប​ចំ​សន្និ​សីទ​បូក​ស​រុប​លទ្ធ​ផល​​នៃ​កិច្ច​សហ​ប្រតិ​បត្តិ​ការ​ដំ​ណាក់​កាល ២០១២​-២០១៧ រវាង​ខេត្ត​កៀន​យ៉ាង និង​ខេត្ត​កោះ​កុង​។

  លោក​ផាម​វូ៉វ​ហុង​ ប្រ​ធាន​គណៈ​កម្មា​ធិ​ការ​ប្រ​ជា​ជន​ខេត្ត​កៀន​យ៉ាង  និង​លោក​ស្រី​មិ​ថុ​នា​ ភូ​ថង អ​ភិ​បាល​ខេត្ត​កោះ​កុង​ ជា​សហ​ប្រ​ធាន​ក្នុង​អង្គ​សន្និ​សីទ​។

រយៈ​ពេល​៥​ឆ្នាំ ២០១២​-២០១៧ ដោយ​ការ​ខិត​ខំ​ប្រឹង​ប្រែង​របស់​ថ្នាក់​ដឹក​នាំ​នៃ​ខេត្ត​ទាំង​ពីរ​ និង​កិច្ច​សហ​ការ​យ៉ាង​ស​កម្ម​របស់​ផ្នែក​សមត្ថ​កិច្ច​នៃ​ភា​គី​ទាំង​ពីរ​ ការ​អនុ​វត្ត​នៃ​ពិ​ធី​ចុះ​កិច្ច​ព្រម​ព្រៀង​របស់​ខេត្ត​ទាំង​ពីរ​ គឺ​ខេត្ត​កៀន​យ៉ាង​និង​ខេត្ត​កោះ​កុង សម្រេច​បាន​លទ្ធ​ផល​ល្អ​ប្រ​សើរ​ក្នុង​កិច្ច​សហ​ការ​ការ​​ពារ​សន្តិ​សុខ​ដែន​ស​មុទ្រ​; វិ​ស័យ​សេដ្ឋ​កិច្ច វប្ប​ធម៌​សង្គម​កិច្ច​; ទំ​នាក់​ទំ​នង​ការ​បរ​ទេស​នៃ​ខេត្ត​ទាំង​ពីរ​ ពី​មួយ​ថ្ងៃ​ទៅ​មួយ​ថ្ងៃ​ត្រូវ​បាន​ពង្រឹង​និង​អភិ​វឌ្ឍន៍​។ ជា​មួយ​ប្រ​វេ​ណី​សា​មគ្គី​​មិត្ត​ភាព​រ​វាង​ប្រ​ជា​ជន​នៃ​ប្រ​ទេស​ទាំង​ពីរ​ វៀត​ណាម​-កម្ពុជា​ ដើម្បី​ផល​ប្រ​យោជន៍​នៃ​ប្រ​ទេស​ទាំង​ពីរ​ ជន​ជាតិ​ទាំង​ពីរ មួយ​អន្លើ​ដោយ​កិច្ច​សហ​ប្រតិ​បត្តិ​ការ​របស់​ខេត្ត​ទាំង​ពីរ​ បាន​រួម​ចំ​ណែក​កាន់​តែ​ស៊ី​ជម្រៅ​ជាង​ទៀត​ ក្នុង​ការ​ទំ​នាក់​ទំ​នង​ភាព​ជា​អ្នក​ជិត​ខាង​ល្អ មិត្ត​ភាព​ជា​ប្រ​វេ​ណី​​វៀត​ណាម​-កម្ពុជា​។

ក្នុង​អង្គ​សន្និ​សីទ​ ខេត្ត​ទាំង​ពីរ​បាន​ឯក​ភាព​លទ្ធ​ផល​នៃ​កិច្ច​សហ​ប្រតិ​បត្តិ​ការ​រវាង​ខេត្ត​ទាំង​ពីរ​​ដំ​ណាក់​កាល​​២០១២​-២០១៧ សម្រេច​តាម​សំ​ណូម​ពរ​លើ​គ្រប់​វិ​ស័យ​ ដូច​៖ សន្តិ​សុខ​សណ្តាប់​ធ្នាប់​លើ​ខ្សែ​បន្ទាត់​ដែន​ស​មុទ្រ​ ព្រំ​ដែន​ដី​គោក​ ពា​ណិជ្ជ​កម្ម​ វប្ប​ធម៌​ កី​ឡា ទេស​ចរណ៍ ក​សិ​កម្ម​ ជល​ផល​ អប់​រំ និង​ការ​ងារ​យុវ​ជន​; កិច្ច​ស​ហ​ការ​ស្វែង​រក​​ប្រ មូល​អដ្ឋិ​ធាតុ​ ធ្វើ​មាតុ​ភូមិ​និ​វត្តន៍​អដ្ឋិ​ធាតុ​យុទ្ធ​​ជន​ព​លី​នៃ​កង​ទ័ព​ស្ម័គ្រ​ចិត្ត​ និង​អ្នក​ឯក​ទេស វៀត​ណាម​ ដែល​បាន​ពលី​ជី​វិត​ក្នុង​ស​ម័យ​សង្រ្គាម​នៅ​ប្រ​ទេស​កម្ពុជា លើ​ភូមិ​សាស្រ្ត​ខេត្ត​កោះ​កុង​។

រយៈ​ពេល​ខាងមុខ​ កង​កម្លាំង​ប្រ​ដាប់​អា​វុធ​​នៃ​ខេត្ត​ទាំង​ពីរ នឹង​បន្ត​កិច្ច​សហ​ប្រតិ​បត្តិ​ការ​ស្អិត​ល្មួត​ក្នុង​ការ​ការ​ពារ​ដែន​ស​មុទ្រ​ រួម​គ្នា​បង្ការ​ប្រ​ឆាំង​រាល់​ឧក្រិដ្ឋ​កម្ម និង​សហ​ប្រតិ​បត្តិ​ការ​ស្វែង​រក​អដ្ឋិ​ធាតុ​យុទ្ធ​ជន​ព​លី​នៃ​កង​ទ័ព​ស្ម័គ្រ​ចិត្ត​ និង​អ្នក​ឯក​ទេស​វៀត​ណាម ដែល​បាន​ព​លី​ជី​វិត​លើ​ភូមិ​សាស្រ្ត​ខេត្ត​កោះ កុង​ប្រ​កប​ដោយ​ប្រ​សិទ្ធ​ភាព​; ញុាំ​ង​ឲ្យ​ស្ថាន​ភាព​រួម​នៃ​ខេត្ត​ទាំង​ពីរ​មាន​ស្ថិរ​ភាព​ និង​បង្ក​មូល​ដ្ឋាន​រឹង​មាំ​ ដើម្បី​អភិ​វឌ្ឍ​សេដ្ឋ​កិច្ច​ វប្ប​ធម៌​សង្គម​កិច្ច​នៃ​ប្រ​ទេស​ទាំង​ពីរ​៕

                           ឡេ​ស៊ាង​-លី​សៀ

ចែករំលែកអត្ថបទ
ពាក្យគន្លឹះ
លោក​ផាម​វូ៉វ​ហុង