គោលនយោបាយ -ការរស់នៅ គោលនយោបាយ

02/10/2018 - 10:05

អនុវត្តបទបញ្ជា១៩ ស៊ីជម្រៅក្នុងជីវភាព

បទបញ្ជាលេខ១៩-CT/TW ចុះថ្ងៃ១០/១/២០១៨ របស់គណៈលេខា (នីតិកាល XII) ស្ដីពីការបង្កើនការងារនៅតំបន់ជនរួមជាតិខ្មែរក្នុងស្ថានភាពថ្មី បានបង្កជាកម្លាំងចលករថ្មី ដើម្បីជម្រុញការអភិវឌ្ឍតំបន់ជនរួមជាតិខ្មែរ។ ខេត្តកាម៉ាវ បានផ្សព្វផ្សាយភារកិច្ចសំ ខាន់ៗ ចំនួន៨ សំដៅអនុវត្តបទបញ្ជា១៩ ស៊ីជម្រៅក្នុងជីវភាព។

លោកផាមបាត់ដាំង អនុលេខាប្រចាំការនៃគណៈកម្មាធិការបក្សខេត្តកាម៉ាវ ប្រគេនទេយ្យទានដល់ព្រះសង្ឃក្នុងឱកាសបុណ្យចូលឆ្នាំថ្មីប្រពៃណីជាតិ២០១៨។

លោកទ្រីវក្វាងឡើយ ប្រធានគណៈជនជាតិខេត្តកាម៉ាវ ឲ្យដឹង៖ ចំពោះការខិតខំយកចិត្តទុកដាក់គិតគូរពីជីវភាពសម្ភារៈនិងស្មារតី ប្រមូលផ្ដុំនូវរាល់ប្រភពកម្លាំងដើម្បីវិនិយោគជូនតំបន់មានជនរួមជាតិភាគតិចរស់នៅកុះករ ក្នុងនោះមានជនរួមជាតិខ្មែរ រៀងរាល់ឆ្នាំអត្រាគ្រួសារក្រីក្រក្នុងខេត្តថយចុះពី២-៤%។ ចុងឆ្នាំ២០១៧ សរុបគ្រួសារក្រីក្រក្នុងខេត្តនៅ១៧.៧៥៤គ្រួសារ ស្រូបអត្រា៥,៩៦% ថយចុះ២% បើប្រៀបនឹងឆ្នាំកន្លង។ ក្នុងនោះ គ្រួសារក្រីក្រក្នុងជនជាតិភាគតិច គឺ២.៤៦០គ្រួសារ ស្រូបអត្រា១៣,៨% ក្នុងចំណោមគ្រួសារក្រីក្ររួម។

“បន្ទាប់ពីគណៈកម្មាធិការបក្សខេត្ត មានសារលិខិតចង្អុលការ គណៈកម្មាធិការប្រជាជនខេត្តកាម៉ាវ បានផ្សព្វផ្សាយអនុវត្តបទបញ្ជា១៩ និងផែនការ៦៨-KH/UBND របស់គណៈកម្មាធិការប្រជាជនខេត្តស្ដីពីការផ្សព្វផ្សាយអនុវត្តបទបញ្ជា១៩។ ផ្អែកលើស្មារតី នោះ គណៈជនជាតិ បានបន្តការគិតគូរដល់ជីវភាព សម្ភារៈនិងស្មារតីរបស់ជនរួមជាតិភាគតិច ជាមួយនឹងថវិកាប្រមាណ៣៩ពាន់លានដុង តាមរយៈប្រភពថវិកាខេត្ត។ ទន្ទឹមនឹងនោះ ចលនាអាជីវកម្ម សប្បុរសជនរួមវិភាគទាន ជាថវិកានិងសម្ភារៈឧបត្ថម្ភគ្រួសារដែលមានជីវភាពលំបាកជាង១០ពាន់លានដុង។ ដោយឡែកចំពោះការពង្រីកនិងអភិរក្សភាសាកំណើត ខេត្តបានផ្ដល់ថវិកាជិត៥០០លានដុង ដើម្បីឧបត្ថម្ភការបង្រៀនអក្សរខ្មែរដល់ប្អូនៗក្នុងរដូវវិស្សមកាល”។ លោកទ្រីវក្វាងឡើយ បានឲ្យដឹងដូច្នេះ។

ធ្វើឲ្យជាក់ស្ដែងបទបញ្ជាលេខ១៩-CT/TW ខេត្តកាម៉ាវ បានផ្ដុំកម្លាំងផ្សព្វផ្សាយភារកិច្ច សំខាន់ៗចំនួន៨ ផ្អែកទៅតាមផ្នែកនីមួយៗ ប្រគល់ឲ្យអង្គភាពទាំងនោះដំណើរការអនុវត្ត។ ក្នុងនោះ គន្លឹះសំខាន់គឺបង្កើនប្រភពកម្លាំង វិនិយោគ អនុវត្តគម្រោងនៃការអភិវឌ្ឍគ្រប់ជ្រុងជ្រោយអំពីសេដ្ឋកិច្ច-សង្គមតំបន់មានជនរួមជាតិខ្មែររស់នៅកុះករ។

លោកផាមបាត់ដាំង អនុលេខាប្រចាំការនៃគណៈកម្មាធិការបក្សខេត្តកាម៉ាវ ឲ្យដឹងៈ កាម៉ាវកំពុងផ្សព្វផ្សាយ អនុវត្តប្រកបដោយប្រសិទ្ធភាពនូវសេចក្ដីសម្រេចចិត្តលេខ២០៨៥/QĐ-TTg របស់នាយករដ្ឋមន្រ្តីនៃរដ្ឋាភិបាល ស្ដីពីគោលនយោបាយពិសេសដោយឡែក ជំនួយអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិច និងតំបន់ភ្នំ ដំណាក់កាល២០១៧-២០២០ អនុវត្តគម្រោង ពង្រីកប្រភពធនធានមនុស្សខេត្តកាម៉ាវ រហូតដល់ឆ្នាំ២០២០និងឆ្នាំបន្តបន្ទាប់។ ភូមិភាគរំពឹងថា បទបញ្ជា១៩នឹងបង្កជាជំហានវិវឌ្ឍន៍កាន់តែខ្លាំងក្នុងការដោះស្រាយបញ្ហា ដែលនៅសេសសល់ បង្កឲ្យកាន់តែមានសន្ទុះក្នុងការអភិវឌ្ឍសេដ្ឋកិច្ច-សង្គម តំបន់ជនរួមជាតិខ្មែរក្នុងពេលខាងមុខ៕

យោងកាសែតជនជាតិ-ពេជ្រសឿន

ចែករំលែកអត្ថបទ

ពាក្យគន្លឹះ