វប្បធម៌-សិល្បៈ វប្បធម៌

11/09/2018 - 09:45

ពិធីនាំតង្វាយក្រូចត្លុងថ្វាយព្រះរាជា

ពិធីនាំតង្វាយក្រូចត្លុង ចូលទៅក្នុងរាជវាំងហ្វេ ត្រូវបានគណៈកម្មាធិការប្រជាជនសង្កាត់ធ្វីប៊ីវ ក្រុងហ្វេ សហការជាមួយមជ្ឈមណ្ឌលអភិរក្សកេរដំណែលអតីតរាជធានីហ្វេ រៀបចំសំដែងបង្ហាញឡើងវិញ។

មុនពេលប្រារព្ធពិធីនាំតង្វាយក្រូចត្លុង ចូលទៅក្នុងរាជវាំងហ្វេ នៅទីសក្ការបូជាចំនួន២ គឺលឿងក្វាងនិងហ្វៀកប៊ីវ នៃ”ធានី”ក្រូចត្លុងធ្វីប៊ីវ ត្រូវបានប្រារព្ធពិធី“ទទួលតង្វាយក្រូចត្លុងថ្វាយព្រះរាជា”។

បន្ទាប់មក ពិធីដង្ហែក្បូនចាប់ពីទីសក្ការបូជាលឿងក្វាង ចូះទៅកំពង់ផែទន្លេហឿង ដើម្បីចូលទៅកាន់រាជវាំងហ្វេ។ ក្បូនដង្ហែរួមមានទូក៨គ្រឿង ក្នុងនោះ ទូក១នាំដំណើរគណៈកម្មការចាត់តាំង ទូក៧ទៀត នាំផ្លែឈើនិងអ្នកភូមិដែលមានតង្វាយយកទៅថ្វាយ។

ក្រោយពីក្បូនដង្ហែធ្វើដំណើរតាមទន្លេហឿង ទូកទាំង៨គ្រឿងឈប់ចតនៅកំពង់ផែមុខចម្ការអានហៀន នៅខាងត្បូងទន្លេហឿង។ នៅពេលទៅដល់ខ្លោងទ្វារក្វាងឌឹក ក្បូនដង្ហែឈប់ដំណើរដើម្បីរៀបចំជួររួចហើយចាប់ផ្តើមធ្វើដំណើរឆ្ពោះទៅកាន់ខ្លោងទ្វារធំ។

ពិធីទទួលក្បូនដង្ហែតង្វាយ ត្រូវបានប្រារព្ធនៅមុខខ្លោងទ្វារធំតែម្តង។ នៅទីនេះ ពួកសេនាបតីគឺជាអ្នកតំណាងព្រះបរមរាជាទទួលតង្វាយនេះ។ ពិធីទទួលតង្វាយនៅមុខខ្លោងទ្វារធំ រួមមាន៖ ពិធីអុជធូប ទៀន ថ្វាយបង្គំព្រមទាំងពិធីសម្តែងទឹកចិត្តស្មោះស៕

ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ