គោលនយោបាយ -ការរស់នៅ ការរស់នៅ

05/09/2018 - 10:54

គិតគូរជូនមាមីងជនរួមជាតិខ្មែរក្រីក្រ

ចាប់ពីដើមឆ្នាំ២០១៨មកទល់នឹងបច្ចុប្បន្ន ស្រុកកើ-ដ ក្រុងកឹងធើ ជួយគ្រួសារជនរួមជាតិខ្មែរ២១ គ្រួសារមានលំនៅឋានស្រួលបួលនិងពលករជនបទរាប់រយនាក់មានការងារធ្វើលំនឹង។

របរត្បាញកំប្លោកនៅភូមិថើយហ្វា Bទីប្រជុំជនកើ-ដ ស្រុកកើ-ដ កឹងធើ។

គ្មានផ្ទះ គ្មានដីផលិតកម្ម ប្តីប្រពន្ធបងស្រីលីវធីហឿង នៅភូមិ១ ឃុំថាញ់ភូ ស្រុកកើ-ដ សង់ផ្ទះស្លឹកបណ្តោះអាសន្នលើចំណែកដីរបស់អ្នកជិតខាង គ្រួសារគាត់ប្រកបរបរស៊ីឈ្នួលដើម្បីផ្គត់ផ្គង់ជីវភាពប្រចាំថ្ងៃ។ ឆ្នាំ២០១៨ គ្រួសារបងស្រីបានរដ្ឋអំណាចភូមិ ភាគឧបត្ថម្ភសង់ផ្ទះមេត្តាធម៌ (ចំណុះគម្រោងភូមិមិត្តភាពវៀតណាម-កូរ៉េខាងត្បូង) ដោយតម្លៃ៤០លានដុង។ បងស្រីឲ្យដឹងដោយក្តីរំភើប៖ “បានរដ្ឋសង់ផ្ទះជូន គ្រួសារខ្ញុំត្រេកអរណាស់! មានផ្ទះនៅលំនឹង ប្តីប្រពន្ធខ្ញុំខិតខំ ប្រឹងប្រែងធ្វើការរកស៊ីដើម្បីចាកផុតពីភាពក្រីក្រ”។

ក្រៅពីការឧបត្ថម្ភផ្ទះ ស្រុកកើ-ដនៅទាំងឲ្យបុលទុនពង្រីកសេដ្ឋកិច្ច រៀបចំបើកវគ្គបណ្តុះបណ្តាលរបរ ដូច៖ បច្ចេកទេសចិញ្ចឹមគោ ចិញ្ចឹមពពែ ថ្នាក់បង្រៀនរបរត្បាញកន្រ្តកខ្សែជ័រនិងកំប្លោក។ល។ ព្រមទាំងដោះស្រាយការងារធ្វើជូនពលករជាជនជាតិខ្មែររាប់រយនាក់។ បងស្រីថាច់ធីស្វឹន នៅភូមិថើយហ្វាB ទីប្រជុំជនកើ-ដ ចែករំលែក៖ “ពីមុន ជីវភាពគ្រួសារខ្ញុំក្រលំបាកណាស់! បានរដ្ឋអំណាចឧបត្ថម្ភផ្ទះ និងឧទ្ទេសនាមចូលរៀនរបរត្បាញកំប្លោក ខ្ញុំខំប្រឹងត្បាញដើម្បីរកបានផលិតផលច្រើនរកប្រាក់ចំណូលបន្ថែម គិតគូរឲ្យកូនៗរៀនសូត្រមានភាពប្រសើរឡើង”។ អ្នកមីងថាច់ធីដឹមអាយុ៥៨ឆ្នាំ នៅភូមិថើយហ្វា ឲ្យដឹង៖ “របរត្បាញកំប្លោក ឆ្លៀតត្បាញនៅពេលទំនេររកប្រាក់ចំណូលបន្ថែម ដើម្បីបង់ថ្លៃភ្លើង ថ្លៃទឹក។ល។ ជួយកាត់បន្ថយចំណាយប្រចាំខែ”។

ចាប់ពីដើមឆ្នាំ២០១៨មកទល់នឹងបច្ចុប្បន្ន ការិយាល័យជនជាតិស្រុកកើ-ដ បានសហការជាមួយនឹងគណៈកម្មាធិការរណសិរ្សមាតុភូមិវៀតណាម ធនាគារគោលនយោបាយសង្គម និងការិយាល័យការងារ-យុទ្ធជនពិការនិងសង្គមកិច្ចស្រុក សង់ផ្ទះមេត្តាធម៌ជូនគ្រួសាររួមជនជាតិខ្មែរក្រីក្រ នៅមណ្ឌលតាំងទីលំនៅជនជាតិភាគតិចស្រុកកើ-ដចំនួន២១ខ្នង តម្លៃ៤០លានដុង/ខ្នង ឧបត្ថម្ភបុលទុនដាំដុះ ចិញ្ចឹមសត្វ និងឲ្យសិស្សនិស្សិតដែលមានស្ថានភាពលំបាកបុលទុន សរុបទឹកប្រាក់ជាង១ពាន់លានដុង រៀបចំបើកថ្នាក់បង្រៀនរបរត្បាញកំប្លោកបាន១ថ្នាក់ និងបើកថ្នាក់បង្រៀនអក្សរខ្មែរឲ្យពលករជនបទបាន១ថ្នាក់។ សិក្ខាកាមឆ្លងកាត់វគ្គបណ្តុះបណ្តាល មានការងារធ្វើលំនឹងនៅភូមិភាគទាំង១០០%។ លោកង្វៀនហ្វាងហាយ អនុប្រធានការិយាល័យជនជាតិស្រុកកើ-ដ ឲ្យដឹង៖ ការិយាល័យជនជាតិ ធ្វើសេនាធិការជូនគណៈកម្មាធិការប្រជាជនស្រុក បន្តការផ្សព្វផ្សាយអនុវត្តនូវគោលនយោបាយ អំពីទុនបណ្តុះបណ្តាលវិជ្ជាជីវៈ ដោះស្រាយការងារធ្វើលំនៅឋាន ដីសង់លំនៅឋាន។ល។ ជូនជនរួមជាតិខ្មែរ។ ផ្តើមពីនោះ រួមចំណែកលំនឹងជីវភាព ជួយជនរួមជាតិខ្មែរចាកផុតពីភាពក្រីក្រឈានឡើងធូរធារ៕

កុសល-មុនី

ចែករំលែកអត្ថបទ

ពាក្យគន្លឹះ