សន្តិសុខ - ការពារប្រទេស ការពារប្រទេស

31/07/2018 - 14:17

ជំរុញការចលនាស្វ័យគ្រប់គ្រងខ្សែបន្ទាត់ បង្គោលព្រំដែន

ប៉ុន្មានឆ្នាំកន្លង បញ្ជាការដ្ឋាននៃកងទ័ពការពារព្រំដែនខេត្តកៀនយ៉ាង បានផ្ដុំកម្លាំងចង្អុលការរាល់អង្គភាពជំរុញដំណើរការផ្សព្វផ្សាយដល់ទូទាំងប្រជាជនចូលរួមការពារខ្សែបន្ទាត់ បង្គោលព្រំដែន រក្សាសន្តិសុខសណ្តាប់ធ្នាប់ភូមិស្រុក តំបន់ជាប់ព្រំដែន។

ប៉ុស្តិ៍ការពារព្រំដែនវិញដេវ ស្រុកយ៉ាងថាញ់ បានធ្វើកិច្ចសហការជាមួយនឹងនគរបាល យោធាឃុំ សមាគមនារី សម្ព័ន្ធយុវជន ធ្វើការត្រួតពិនិត្យ និងផ្សព្វផ្សាយការពារខ្សែបន្ទាត់បង្គោលព្រំដែន។

កៀនយ៉ាង ជាខេត្តមានខ្សែបន្ទាត់ព្រំដែនដីគោកវែង លក្ខណៈភូមិសាស្រ្តរាបស្មើជាប់ព្រំប្រទល់ជាមួយប្រទេសកម្ពុជាជាមិត្ត។ នេះជាលក្ខណៈងាយស្រួលសម្រាប់ជនរួមជាតិប្រកបរបររកស៊ី ឆ្លងដែនទៅមកសួរសុខទុក្ខញាតិសន្តានឬជំនួញជួញដូរជាដើម។ ទោះបីដូច្នោះក៏ដោយ នេះក៏ជាការបង្កប់នូវហានិភ័យខូចសន្តិសុខសណ្តាប់ធ្នាប់ឧក្រិដ្ឋកម្ម រត់គយផ្សេងៗ ឆ្លៀតឱកាសលួចដឹកទំនិញឆ្លងដែនខុសច្បាប់ផងដែរ។ ប៉ុន្មានឆ្នាំកន្លង អាស្រ័យការចូលរួមជ្រោមជ្រែងរបស់រដ្ឋអំណាច អង្គការមហាជនភូមិភាគនិងមហាជន ទើបអង្គភាពការពារខ្សែបន្ទាត់ព្រំដែនអនុវត្តបានល្អនូវការងារលើភូមិសាស្រ្តដែលខ្លួនបានទទួលបន្ទុក។ ជាពិសេស ចាប់តាំងពីការអនុវត្តបទបញ្ជារបស់គណៈកម្មាធិការប្រជាជនខេត្តកៀនយ៉ាង ស្ដីពីការរៀបចំចលនាមហាជនចូលរួមស្វ័យគ្រប់គ្រងខ្សែបន្ទាត់ បង្គោលព្រំដែននិងរក្សាសន្តិសុខភូមិស្រុកនៅតំបន់ព្រំដែនត្រូវបានបំផុសឡើងកាលពីឆ្នាំ២០០៣រហូតមក។ ផ្ដើមពីចលនានេះ ស្ថានភាពសន្តិសុខនយោបាយលើបន្ទាត់ព្រំដែន អាស្រ័យកងទ័ពការពារព្រំដែន ទទួលបន្ទុកពីមួយថ្ងៃទៅមួយថ្ងៃកាន់តែមានភាពល្អប្រសើរ។ ឆ្លងតាមរយៈនោះ បានរួមចំណែកយ៉ាងសកម្មក្នុងការការពាររឹងមាំនូវអធិបតេយ្យ សន្តិសុខព្រំដែនរបស់មាតុភូមិ និងការអភិវឌ្ឍសេដ្ឋកិច្ចរបស់ភូមិភាគ។

សព្វថ្ងៃ នៅលើភូមិសាស្រ្តជាប់ព្រំដែន រាល់ប៉ុស្តិ៍ការពារព្រំដែន បានបន្តការរក្សាបានល្អនូវក្រុមស្វ័យគ្រប់គ្រងខ្សែបន្ទាត់ព្រំដែន បង្គោលព្រំដែនជាតិ។ ប្រគល់ឲ្យគ្រួសារដែលមានដីផលិតកម្មជាប់ព្រំដែន ចូលរួមថែរក្សា រួមជាមួយនឹងក្រុមស្វ័យគ្រប់គ្រងសន្តិសុខសណ្តាប់ធ្នាប់ភូមិរាប់រយក្រុម។ ទាំងនោះគឺជាកម្លាំងស្នូលដែលតែងតែសហការជាមួយនឹងភូមិភាគ និងកម្លាំងសមត្ថកិច្ចដោះស្រាយទាន់ពេលនូវបញ្ហាពាក់ព័ន្ធដល់សន្តិសុខនយោបាយ សណ្តាប់ធ្នាប់សុវត្ថិភាពសង្គម។ រៀងរាល់ខែ សមាជិកទាំងឡាយក្នុងក្រុមបានសហការជាមួយនឹងកងទ័ពការពារព្រំដែន ធ្វើការយាមល្បាត ត្រួតពិនិត្យព្រមជាមួយនោះ ក៏បានឃោសនា ចលនាមាមីងអនុវត្តឲ្យបានល្អនូវគោលការណ៍គោលមាគ៌ារបស់បក្ស គោលនយោបាយ ច្បាប់របស់រដ្ឋ ពិសេសគឺសន្ធិសញ្ញា លក្ខន្តិកៈព្រំដែន។ ទន្ទឹមនឹងនោះ ក្រុមស្វ័យគ្រប់គ្រងសន្តិសុខសណ្តាប់ធ្នាប់នៅទាំងចលនាគ្រួសារអ្នករស់នៅក្នុងភូមិផងរបងជាមួយ កូនចៅ ឃ្មាតខ្មីតស៊ូ ទប់ស្កាត់សកម្មភាពឆ្លងដែនផ្សព្វផ្សាយសាសនា ខុសច្បាប់ រត់គយ គៃបន្លំពាណិជ្ជកម្ម ដឹកជញ្ជូន ជួញដូរគ្រឿងញៀន។ល។ រួមចំណែករក្សាខ្ជាប់សន្តិសុខនយោបាយនិងសណ្តាប់ធ្នាប់សុវត្ថិភាពសង្គមនៅតំបន់ព្រំដែន។

ក្រៅពីនោះ កងទ័ពការពារព្រំដែននៅទាំងមានតួនាទីសំខាន់ក្នុងការថែរក្សាទម្រង់"ចងសម្ព័ន្ធមិត្តរវាងបណ្តុំប្រជាជនដែលតាំងទីលំនៅសងខាងព្រំដែន"។ មកទល់បច្ចុប្បន្ន នៅតាមខ្សែព្រំដែនដីគោកមានភូមិ ឃុំចំនួន៨ បានចងសម្ព័ន្ធមិត្តរួមចំណែករឹតបន្តឹងថែមទៀតនូវចំណងសាមគ្គី មិត្តភាព រវាងប្រជាជនរស់នៅសងខាងព្រំដែន។ មនោសញ្ចេតនារវាងអ្នកនៅភូមិផងរបងជាមួយបានរក្សាខ្ជាប់ ប្រជាជនមានការនឹងនរចិត្តពលកម្មផលិត ជួយគ្នាពង្រីកសេដ្ឋកិច្ចគ្រួសារ ផ្តើមពីនោះ ជីវភាពប្រជាជនមានការផ្លាស់ប្តូរ គ្រួសារណាក៏ធូរធារគ្រាន់បើ ទាំងជីវភាពវប្បធម៌ស្មារតីក៏ត្រូវបានលើកកម្ពស់៕

ឡេស៊ាន-សេរី

ចែករំលែកអត្ថបទ

ពាក្យគន្លឹះ