24/07/2018 - 10:04

ឆន្ទៈ​របស់​យុទ្ធ​ជន​ពិ​ការ​ ហ្វិញ​វ៉ាន់​យឿង

បន្ទាប់​ពី​បំ​ពេញ​កា​តព្វ​កិច្ច​អន្តរ​ជាតិ​នៅ​ប្រ​ទេស​មិត្ត​កម្ពុ​ជា វិល​មក​មាតុ​ប្រ​ទេ​ស​ បង​ហ្វិញ​វ៉ាន់​យឿង​ នៅ​ភូមិ​អូរ​តា​ពៅ ឃុំ​ដា​ឡុក ស្រុក​ចូវ​ថាញ់​ ខេត្ត​ត្រា​វិញ រង​របួស​កម្រិត​៣/៤​(កំ​បុត​ជើង​ឆ្វេង​)។ ស្មាន​ថា​ជីវ​ភាព​បង​ជួប​ការ​លំ​បាក​ច្រើន ប៉ុន្តែ​ដោយ​ឆន្ទៈ​មោះ​មុត​របស់​កង​ទ័ព​អ៊ំ​ហូ បង​ជម្នះ​ភាព​ពិ​រា​ពិ​ការ​ ឈាន​ឡើង​ក្នុង​ជីវ​ភាព​ក្លាយ​ជា​កសិ​ករ​ផលិត​ពូ​កែ។​

បង​ហ្វិញ​វ៉ាន់​យឿង​ កំ​ពុង​ថែ​ទាំ​គោ​។

ហ្វិញ​វ៉ាន់​យឿង កើត​និង​ធំ​ដឹង​ក្តី​ក្នុង​គ្រួ​សារ​ក​សិ​ករ​ខ្មែរ​មាន​បង​ប្អូន​៦​នាក់​។ អា​យុ១​៩​ឆ្នាំ​(ឆ្នាំ១​៩៨៦)​ បង​ស្ម័គ្រ​ចិត្ត​ចូល​​បម្រើ​កង​ទ័ព​ រួម​ជា​មួយ​នឹង​មិត្ត​រួម​កង​ទៅ​ជួយ​ប្រ​ទេស​មិត្ត​កម្ពុជា​។ គ្រា​មួយ​ចេញ​ទៅ​ប្រតិ​បត្តិ​ការ​សឹក​ នៅ​រដូវ​ប្រាំង​ឆ្នាំ​១៩៨៧ ហ្វិញ​វ៉ាន់​យឿង​ជាន់​ត្រង់​មីន​កំ​បុត​ជើង​ឆ្វេង​។ ក្រោយ​ពី​សម្រាក​ព្យា​បាល​នៅ​ក្រុង​ភ្នំ​ពេញ​បាន​ជា​សះ​ស្បើយ​ បង​បាន​ច្បាប់​វិល​មក​ប្រ​ទេស​វៀត​ណាម​ជួប​ជុំ​គ្រួ​សារ​។ល។ ផ្តើម​ពី​នោះ ជីវ​ភាព​បង​ប្រ​ឈម​នឹង​ការ​លំ​បាក​​ច្រើន​។ បង​សំ​ណេះ​សំ​ណាល​៖  ឃើញ​គេនៅ​ដៃ​ជើង​គ្រប់​សព្វ​​នៅ​តែ​មិន​អាច​ចាក​ផុត​​ពី​ភាព​ក្រី​ក្រ​ ចំ​ណែក​ខ្ញុំ​ពិ​ការ​ជើង​ និង​ឈឺ​ថ្កាត់​ជា​រឿយ​ៗ ​ធ្វើ​ម្តេច​ជួយ​ប្រ​ពន្ធ​កែ​លម្អ​ជីវ​​ភាព​? ប៉ុន្តែ​ពេល​នឹក​ដល់​មិត្ត​រួម​កង​ជា​ច្រើន​មាន​អ្នក​ខ្លះ​ពិ​ការ​ជើង​សង​ខាង​ អ្នក​ខ្លះ​ពិ​ការ​​ភ្នែក​សង​ខាង​។ល។ នៅ​តែ​រស់​នៅ​សប្បាយ​​រីក​រាយ សុភ​មង្គល​និង​គិត​គូរ​ឲ្យ​គ្រួ​សារ​ ម៉្លោះ​ហើយ​ខ្ញុំ​លើក​ទឹក​ចិត្ត​ខ្លួន​ឯង ត្រូវ​តែ​សម្រេច​ចិ​ត្ត​ជម្នះ​លំ​បាក​”។​

ដោយ​បាន​រដ្ឋ​អំ​ណាច​ភូមិ​ភាគ​ ស​មា​គម​អតីត​យុទ្ធ​ជន​ឃុំ និង​មា​មីង​ភូមិ​ផង​របង​ជា​មួយ​ជួយ​ឧបត្ថម្ភ​ ពិ​សេសគឺ​ការ​ថែ​ទាំ​លើក​ទឹក​ចិត្ត​របស់​ប្រ​ពន្ធ​​ជំ​​រុ​ញ​ឲ្យ​បង​មាន​ក្តី​ជំ​នឿ ​លើ​ខ្លួន​ឯង​ ខិត​ខំ​ផ្តុំ​កម្លាំង​កាយ​ចិត្ត​ដើម្បី​កសាង​ជីវ​ភាព​គ្រួ​សារ​។ ដំ​បូង​បង​ប្រ​កប​របរ​ប៉ះ​កង់​ ចិញ្ចឹម​គោ​និង​ជ្រូក​។ ដើម្បី​ពង្រីក​​សេដ្ឋ​កិច្ច​គ្រួ​សារ​ បង​សម្រេច​ចិត្ត​កែ​ប្រែ​ចម្ការ​ចាស់​ជីក​ស្រះ​ចិញ្ចឹម​ត្រី​។ លើ​មាត់​ស្រះ​ បង​ធ្វើ​ទ្រុង​ចិញ្ចឹម​ជ្រូក​ ដាំ​ដំ​ណាំ​រួម​ផ្សំ​។ល។​ បង​ឲ្យ​ដឹង​បន្ថែម​៖ “ក្នុង​មួយ​ឆ្នាំ ជា​មួយ​នឹង​ផ្ទៃ​ដី​ ស្រះ​ទំ​ហំ​២០០​ម៉ែត្រ​កា​រ៉េ​ ខ្ញុំ​លែង​ត្រី​ប្រា​ចំ​នួន​៧០០​ក្បាល ក្រោយ​ពី​រ​យៈ​ពេល​ចិញ្ចឹម​ជាង​​៧​ខែ​ប្រ​មូល​ផល​លក់​បាន​ប្រាក់​ជាង​៣​លាន​​ដុង ជ្រូក​សាច់​៣​ក្បាល​ចិញ្ចឹម​រយៈ​ពេល​៦​ខែ មាន​ទម្ងន់​ពី​៩០-​១០០​គី​ឡូ​ក្រាម​ រួច​លក់​ហើយទិញ​៣ក្បាល​មក​ចិញ្ចឹម​ល្បាស់​ថ្មី​។ ប្រាក់​ចំ​ណូល​ពី​ការ​លក់​បន្លែ​បង្ការ​គ្រប់​ផ្គត់​​ផ្គង់​ជីវ​ភាព​ប្រ​ចាំ​ថ្ងៃ”​។ អា​ស្រ័យ​ចាយ​វាយ​ ប្រិត​សំ​ចៃ​ ចេះ​របៀប​ដាំ​ដំ​ណាំ​ច្រើន​មុខ​យក​ខ្លី​ចិញ្ចឹម​វែង​ ម៉្លោះ​ហើយ​​ជីវ​ភាព​គ្រួ​សារ​ បង​បាន​កែ​លម្អ​ជា​បណ្តើរ​ៗ​។  ផ្តើម​ពី​ជីវ​ភាព​ទី​​ទ័ល​ ឥ​ឡូវ​គ្រួ​សារ​បង​មាន​ប្រាក់​ចំ​ណូល​មធ្យម​ភាគ​ជាង​៣០​លាន​ដុង​/ឆ្នាំ​។

ពោល​ពី​គ្រួ​សារ​យុទ្ធ​ជន​ពិការ​ ហ្វិញ​វ៉ាន់​​យឿង លោក​ស្រី​យឿង​ធី​ង៉្វាន​ អ្នក​រដ្ឋ​ការ​ផ្នែក​វប្ប​ធម៌​-សង្គម​ឃុំ​ដា​ឡុក​ បញ្ជាក់​៖ “បង​ហ្វិញ​វ៉ាន់​យឿង​មិន​ត្រឹម​តែ​ជម្នះ​លំ​បាក​​ឈាន​ឡើង​ក្នុង​ជីវ​ភាព​ប៉ុណ្ណោះ​ទេ បង​នៅ​​ទាំង​ជា​អ្នក​មាន​ប្រ​ជា​ប្រិយ​ភាព​នៅ​ភូមិ​អូរ​តា​ពៅ និង​ជា​គំ​រូ​ក្នុង​ការ​កសាង​ជីវ​ភាព​វប្ប​​ធម៌​ ជន​បទ​ថ្មី​ទៀត​ផង​”៕

  សឺន​ម៉ា​ល័យ​-មុ​នី

ចែករំលែកអត្ថបទ
ពាក្យគន្លឹះ
ហ្វិញ​វ៉ាន់​យឿង