គោលនយោបាយ -ការរស់នៅ ការរស់នៅ

05/05/2026 - 11:50

របរចិញ្ចឹមជីវិតជួយជនរួមជាតិខ្មែរ ឈានឡើងចាកភាពក្រីក្រ

ទីក្រុងកឹងធើគឺជាភូមិភាគដែលមានជនរួមជាតិខ្មែររស់នៅកុះករ ស្រូបអត្រា ១៤,១១% នៃចំនួនប្រជាជនទូទាំងទីក្រុង រយៈពេលកន្លង ការងារគិតគូរជីវភាពជូនមាមីងតែងបានគណៈកម្មាធិការបក្ស រដ្ឋអំណាចយកចិត្តទុកដាក់ពិសេស វិនិយោគអនុវត្តកម្មវិធីគោលនយោបាយជាច្រើនរបស់បក្ស រដ្ឋ។ តាមរយៈនោះ ជាជំហានៗលើកកម្ពស់គុណភាពរស់នៅជូនមាមីង ទិដ្ឋភាពជនបទស្រស់បំព្រង។

ពូឌិញស្វឹងទឺយ ទទួលបានការឧបត្ថម្ភគោញី តាមរយៈគម្រោង ៣។

ដោយកំណត់ច្បាស់ការងារជនជាតិ គឺជាភារកិច្ចដ៏សំខាន់ គណៈកម្មាធិការបក្ស និងរដ្ឋអំណាចឃុំង៉ុកតូ បានផ្តុំកម្លាំងអនុវត្តល្អនូវគម្រោងនានាចំណុះកម្មវិធីទិសដៅជាតិអភិវឌ្ឍសេដ្ឋកិច្ច - សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល I ៖ ២០២១ - ២០២៥ (ហៅកាត់ថា កម្មវិធី)។ ក្នុងនោះ មានការឧបត្ថម្ភអភិវឌ្ឍការផលិតតាមខ្សែសង្វាក់តម្លៃ ដើម្បីមាមីង មានលក្ខណៈបង្កើនការផលិតឈានឡើងចាកភាពក្រីក្រ។ ពូឌិញស្វឹងទឺយ នៅភូមិបឹងជុំ ឃុំង៉ុកតូ ទីក្រុងកឹងធើ គ្រួសារគាត់ស្ថិតក្នុងក្របខណ្ឌក្បែរក្រ គ្មានដីបង្កបង្កើនផល ឆ្នាំ ២០២៣ បានរដ្ឋអំណាចភូមិភាគពិនិត្យជ្រើសរើសជំនួយគោញីមួយគូ តាមរយៈគម្រោង៣ ស្ដីពីការឧបត្ថម្ភអភិវឌ្ឍការផលិតតាមខ្សែសង្វាក់តម្លៃ។ រីករាយចំពោះការយកចិត្តទុកដាក់ឧបត្ថម្ភ ពូឌិញស្វឹងទឺយ ចែករំលែក៖ “អរគុណបក្ស រដ្ឋដែលបានឧបត្ថម្ភគោញីមួយគូ ដើម្បីគ្រួសារខ្ញុំមានលក្ខណៈបង្កបង្កើនផល ខ្ញុំនឹងខិតខំមើលថែនិងរក្សាហ្វូងគោ ដើម្បីលើកស្ទួយជីវភាព”។

ចំណែកគ្រួសារអ្នកមីងត្រឹងធីយ៉ូន ភូមិបឹងទ្រៀក ឃុំលីវទូ ជាគ្រួសារក្រគ្មានទីពឹង បច្ចុប្បន្ន អ្នកមីងរស់នៅជាមួយកូនស្រីពៅ គ្មានការងារធ្វើលំនឹង។ ដោយឃើញជីវភាពរបស់អ្នកមីង រដ្ឋអំណាចភូមិភាគក៏បានពិនិត្យជ្រើសរើសជំនួយគោញីមួយគូ តាមរយៈគម្រោង៣ បង្កើតរបរចិញ្ចឹមជីវិតដើម្បី គ្រួសារអ្នកមីងមានលក្ខណៈចិញ្ចឹមសត្វ ឈានឡើងលំនឹងជីវភាព។ “ដើម្បីគ្រួសារក្រ ក្បែរក្រ មានប្រភពធនធានអភិវឌ្ឍការផលិត ដំណាក់កាល ២០២១ - ២០២៥ គណៈកម្មាធិការប្រជាជនឃុំលីវទូ បានផ្សព្វផ្សាយអនុវត្តគម្រោង ៣ ជំនួយគោញីដល់មាមីង៩៨គ្រួសារ គិតជាទឹកប្រាក់ជាង ២ ពាន់លានដុង”- លោកស្រីវ៉ធីញ៉ី អនុប្រធានគណៈកម្មាធិការប្រជាជនឃុំលីវទូ បានឱ្យដឹងដូច្នេះ។

អាចសង្កេតឃើញថា រាល់គោលនយោបាយ ឧបត្ថម្ភអភិវឌ្ឍសេដ្ឋកិច្ចនៅតំបន់ជនជាតិភាគតិច បាននិងកំពុងរួមចំណែកលើកស្ទួយជីវភាពសម្ភារៈ និងស្មារតីរបស់ប្រជាជន ទិដ្ឋភាពតំបន់ដែលមានជនរួមជាតិខ្មែររស់នៅកុះករកាន់តែរីកចម្រើនបន្ថែម។ លទ្ធផលដែលសម្រេចបាន បញ្ជាក់ឱ្យឃើញពីការយកចិត្តទុកដាក់ ឧបត្ថម្ភរបស់បក្ស រដ្ឋ និងការប្ដេជ្ញាឈានឡើងរបស់ប្រជាជនភូមិភាគ៕

ថាញវ៉ាង - លីសៀ

ចែករំលែកអត្ថបទ

ពាក្យគន្លឹះ